mona123
فتوكة جديدة
انا اتجوزت من شهر 10
جوزي خاني من تاني شهر جواز مباشره وياريتها خيانه عابره يتسامح عليها لكن خاني مع بنت حبها لمده 4 سنين قبل مايعرفني..الموضوع كله جييه صدفه بأنه غلط في اسمي وقال اسمها ولما سألته مين!!!!
مرضيش يقولي ولما افتعلت مشكله هدينا وحكالي انه كان بيحبها زمان لكن محصلش نصيب عشان امه رفضتها لانها من مصر واحنا بلد ارياف محدش فينا بيتجوز من بره ،قال انها الوحيده اللي اتظلمت وكسر قلبها عشان كانت بتحبه حكالي عنها بطريقه عمره ما شوفته بيتكلم بيها عن حد قبل كدا...وكل دا وقلبي بيتقطع وجوايا بيتألم ..مردتش ب ولا كلمه وسيبته وقومت انام ودموعي منشفتش
هتقولو هي دي الخيانه!؟،هقول لا
طبعا بعد ماحكالي انا بدأت اراقبه تصرفاته وكلامه ومسكته للفون مع العلم انه بيسافر يشتغل ويرجع اخر الاسبوع كل اجازه ف بتعمد اتصل بيه خلال الايام اللي مش معايا فيها
"بلاقيه انتظار" ولما اسأله يقول مكالمات شغل ....كل دا عدي لحد ماراقبت باسوورد الفون بتاعه ودخلت الواتس وشوفت رسايل ليهم سوا وهو مسجلها بأسم واحد
عن كلامه وهو بيقولها انا اسف ويقولها وحشتيني ويقولها مش ناسيكي ويقولها بتمني اموت عشان مش مبسوط يقولها كلام ميخليش بنت عروسه زيي تحس بمعني كلمه انا اتجوزت واستقريت مع العلم اني بكمل تعليمي ف الدكتوراه ومخلفناش لسه وعلي قدر من الجمال وهو كمان تعليم مرموق واغلب الكلام هي بتقوله انت روحت اتجوزتها عشان هي اعلي مني ف التعليم وشويه تقوله انا حاسه بذنب من ناحيه مراتك وشويه يحبوا في بعض وكل دا انا ولا هنا فضلو يتكلمو لحد وقتنا دا شويه يبعدوا عشان مينفعش يتكلمو وشويه ميقدروش يبعدوا عن بعض ويتكلمو تاني
انا حاسه اني في كابوس مش قادره اخرج منه ولحد الان انا مواجهتهوش ولا يعرف بأني عرفت التفاصيل دي ومش عارفه اواجهه واخرب علي بيتي اللي لسه بيتكون واطلق ولا اسكت ،،حاولت احتويه واقرب منه واكون زيها او احسن منها ....لكن هوا بيحبها!
وده شيء مش هعرف عمري ابدا اغيره مهما كنت زوجه صالحه ومهما اهتميت بجمالي ومهما بعدتهم عن بعض دايما هشوف حبها في عينه ..زي ما شوفته وهو بيتكلم عليها اول مره ...انا مش مستبعده اني اسمع خبر انه اتجوزها في يوم من الايام ..انا اللي صعبان عليا اني وقعت ضحيه ام شافت ان الدكتوره انسب لابنها ورفضت يجوز اللي اختارها
كنت ضحيه بني ادم ضعيف وزيجه افتكرتها هتكون ناجحه لكن طلعت زيجه مصالح،انا في دوامه ومش عارفه اعمل ايه ولا اتصرف ازاي!؟
جوزي خاني من تاني شهر جواز مباشره وياريتها خيانه عابره يتسامح عليها لكن خاني مع بنت حبها لمده 4 سنين قبل مايعرفني..الموضوع كله جييه صدفه بأنه غلط في اسمي وقال اسمها ولما سألته مين!!!!
مرضيش يقولي ولما افتعلت مشكله هدينا وحكالي انه كان بيحبها زمان لكن محصلش نصيب عشان امه رفضتها لانها من مصر واحنا بلد ارياف محدش فينا بيتجوز من بره ،قال انها الوحيده اللي اتظلمت وكسر قلبها عشان كانت بتحبه حكالي عنها بطريقه عمره ما شوفته بيتكلم بيها عن حد قبل كدا...وكل دا وقلبي بيتقطع وجوايا بيتألم ..مردتش ب ولا كلمه وسيبته وقومت انام ودموعي منشفتش
هتقولو هي دي الخيانه!؟،هقول لا
طبعا بعد ماحكالي انا بدأت اراقبه تصرفاته وكلامه ومسكته للفون مع العلم انه بيسافر يشتغل ويرجع اخر الاسبوع كل اجازه ف بتعمد اتصل بيه خلال الايام اللي مش معايا فيها
"بلاقيه انتظار" ولما اسأله يقول مكالمات شغل ....كل دا عدي لحد ماراقبت باسوورد الفون بتاعه ودخلت الواتس وشوفت رسايل ليهم سوا وهو مسجلها بأسم واحد
عن كلامه وهو بيقولها انا اسف ويقولها وحشتيني ويقولها مش ناسيكي ويقولها بتمني اموت عشان مش مبسوط يقولها كلام ميخليش بنت عروسه زيي تحس بمعني كلمه انا اتجوزت واستقريت مع العلم اني بكمل تعليمي ف الدكتوراه ومخلفناش لسه وعلي قدر من الجمال وهو كمان تعليم مرموق واغلب الكلام هي بتقوله انت روحت اتجوزتها عشان هي اعلي مني ف التعليم وشويه تقوله انا حاسه بذنب من ناحيه مراتك وشويه يحبوا في بعض وكل دا انا ولا هنا فضلو يتكلمو لحد وقتنا دا شويه يبعدوا عشان مينفعش يتكلمو وشويه ميقدروش يبعدوا عن بعض ويتكلمو تاني
انا حاسه اني في كابوس مش قادره اخرج منه ولحد الان انا مواجهتهوش ولا يعرف بأني عرفت التفاصيل دي ومش عارفه اواجهه واخرب علي بيتي اللي لسه بيتكون واطلق ولا اسكت ،،حاولت احتويه واقرب منه واكون زيها او احسن منها ....لكن هوا بيحبها!
وده شيء مش هعرف عمري ابدا اغيره مهما كنت زوجه صالحه ومهما اهتميت بجمالي ومهما بعدتهم عن بعض دايما هشوف حبها في عينه ..زي ما شوفته وهو بيتكلم عليها اول مره ...انا مش مستبعده اني اسمع خبر انه اتجوزها في يوم من الايام ..انا اللي صعبان عليا اني وقعت ضحيه ام شافت ان الدكتوره انسب لابنها ورفضت يجوز اللي اختارها
كنت ضحيه بني ادم ضعيف وزيجه افتكرتها هتكون ناجحه لكن طلعت زيجه مصالح،انا في دوامه ومش عارفه اعمل ايه ولا اتصرف ازاي!؟
