اخت جوزي ضرتي

همسة حب

فتوكة جديدة
اولا صباح الفل عليكم انا هدخل في المشكله علطول و عايزه اعرف رأيكم
دلوقتي انا في خلاف بيني و بين جوزي وصل لانه عايز يطلقني، احنا زي اي اتنين بيتخانقوا و بيبقي في اختلاف في وجهة النظر بس ديما بلاقي اخته متدخله بس بذكاء يعني كل شويه تتصل بيه مالك يا قلبي مالك يا حبيبي صوتك مش عاجبني تستغل وقت ما نكون مدايقين و تقعد تسال لحد ماهو يقعد يقول كل اللي عنده و الله و اعلم هي ردها ايه بس اللي بشوفه ديما منها انها مش بتحبني في تصرفات كتير بانت اوي و عنيها حسوده جدا مفيش حاجه قلتلي حلوه عليها غير لما تتكسر تبوظ اي حاجه وحشه وخلاص
لحد ما وجهته و قولتله اني سمعته كان قاعد يشتم في اهلي و هي و هو بيضحكوا قلتله ب عصبيه متخليش البت دي تكلمني تاني مسك بقي في كلمه ايه ده انتي بتقولي عليها بت !!
و بعدها بأيام بدأ يرخم عليا في حاجات متخرجيش مش هاكل من ايدك انا بكرهك مبقتش بحس بحاجه معاكي مش عايز اشوفك لحد مطلعني عن شعوري و اهنته جامد ، فا قطعنا اي حبل ود بينا
دلوقتي احنا اتفقنا علي الطلاق و هو مش بسبب اخته لكن هي سبب من الأسباب انا معايا طفلين و مش عارفه هتصرف ازاي
انا حاسه بمشاعره ليا علي رغم من انه بيقول عكس كده و انا كمان نفس المشاعر و اكتر
دلوقتي انا عند اهلي و هو مصمم علي الطلاق اعمل ايه و انا متاكده ان هي دلوقتي مقوياه دي بتعمل حاجات كأنها هتتجوزه مش اخوها

انصحوني
 

bfifa

فتوكة ونص
انا ماشوفتش ان هى عملت حاجة مافيش موقف محدد حكتيه .. واذا هى بتتدخل يبقى العيب من جوزك مش منها الراجل المنسون اللى يخرح اسرار بيته هو اللى يتحاسب مش اخته لان هو اللى بيحكى اما حكاية الحسد دى فبصراحة انتى عايزة تغلطيها وخلاص وحاطة فى دماغك ان هى باصالك اهدى كدة وبلاش الغيرة منها لانها غيرة غير مبررة
 

ZAhmed

فتوكة لهلوبة
اتصلي بجوزك او روحي لشغله قابليه هناك وأخرجوا مع بعض وقضوا اليوم سوا وبعدين روحي بيتك معاه
 

الدكتوره

فتوكة
لا هو جوزك مش عايزك كل اللى حكتيه عليها ميعتبرش حاجه فى كيد النسا هو اللى عايز يسيبك دا قراره ولو عايزه تتاكدى اعملى حساب على الفيس جديد باسم غريب واتعرفى عليه وجرجريه فى الكلام وهتعرفى بقى كل حاجه منه هو بنفسه
 

Mariam MOo

فتوكة ونص
حاولى تصلحى الامور عشان خاطر عيالك
انا من وجهه نظرى انك تروح لجوزك الشغل مثلا او تتفقوا انكوا تخروجوا تتكلموا لوحدوكوا.... حاولوا تذكروا المشاكل بس من غير ما تغلطى فى اختوا.....حطوا النقط على الحروف.....عرفيه انك رايحالوا عشان انتى مش عايزه عيالك يتربوا فى بيئه مشتته بين الاب والام....حاولى تتفقى معاه انكوا تدوا فرصة تانية لبعض بدون تدخل اى حد ...مشاكلكوا انتو تحلوها لوحدكوا ....وطبعا متنسيش تعتذريله على الاهانة الى انتى اهانتيهالوا........وتبقى طول القعدة عندك ثبات انفعالى .....يعنى هااااااااادية لاقصى الحدود.....اتفقوا على حياه جديدة ...كأنكوا لسه فى اول لقاء ما بنكوا...حطوا النقط على الحروف...ومعلش انا عارفة انك بتتنازلى كتير ..بس صدقينى عيالك يستهلوا انك تتنازلى عشانهم.... دا جوزك وانتى اكتر واحدة تعرفى مداخله ومخارجه..... وربنا ييسرلك الامور يا رب
اولا صباح الفل عليكم انا هدخل في المشكله علطول و عايزه اعرف رأيكم
دلوقتي انا في خلاف بيني و بين جوزي وصل لانه عايز يطلقني، احنا زي اي اتنين بيتخانقوا و بيبقي في اختلاف في وجهة النظر بس ديما بلاقي اخته متدخله بس بذكاء يعني كل شويه تتصل بيه مالك يا قلبي مالك يا حبيبي صوتك مش عاجبني تستغل وقت ما نكون مدايقين و تقعد تسال لحد ماهو يقعد يقول كل اللي عنده و الله و اعلم هي ردها ايه بس اللي بشوفه ديما منها انها مش بتحبني في تصرفات كتير بانت اوي و عنيها حسوده جدا مفيش حاجه قلتلي حلوه عليها غير لما تتكسر تبوظ اي حاجه وحشه وخلاص
لحد ما وجهته و قولتله اني سمعته كان قاعد يشتم في اهلي و هي و هو بيضحكوا قلتله ب عصبيه متخليش البت دي تكلمني تاني مسك بقي في كلمه ايه ده انتي بتقولي عليها بت !!
و بعدها بأيام بدأ يرخم عليا في حاجات متخرجيش مش هاكل من ايدك انا بكرهك مبقتش بحس بحاجه معاكي مش عايز اشوفك لحد مطلعني عن شعوري و اهنته جامد ، فا قطعنا اي حبل ود بينا
دلوقتي احنا اتفقنا علي الطلاق و هو مش بسبب اخته لكن هي سبب من الأسباب انا معايا طفلين و مش عارفه هتصرف ازاي
انا حاسه بمشاعره ليا علي رغم من انه بيقول عكس كده و انا كمان نفس المشاعر و اكتر
دلوقتي انا عند اهلي و هو مصمم علي الطلاق اعمل ايه و انا متاكده ان هي دلوقتي مقوياه دي بتعمل حاجات كأنها هتتجوزه مش اخوها

انصحوني
 

يمكنك أيضا مشاهدة