اول خروجة ليا مع خطيبي قالي اني م*****

المحتارة

فتوكة ونص
فتكات المحتارة
السلام عليكم

انا بجد متضايقة جدا ودمي محروق وصعبانة عيا نفسي وجيتلكم تساعدوني وتنصحوني
انا مخطوبة بقالي حوالي 7 شهور وفرحي الاسبوع الي جاي وامبارح كان كتب كتابي وخرجت انهاردة لاول مرة مع خطيبي

طبعا طول فترة الخطوبة ماكنش بيلمسني نهائي ولا حتي سلمت عليه بإيدي وا كان في بينا اي كلام حتي كلمة بحبك او حبيبي ماكنتش بقولها كبيري كنت بقوله ربنا يخليك ليا ولما كان بيفكر بس انه يستهبل ويلمس ايدي وانا بديله كوباية ماية او شاي وكده كنت بزعل منه وبعمها مشكله وبقوله كل حاجة بوقتها احسن وعشان ربنا يباركلنا وكده وكان يعتذرلى ويقولي انتي صح ومش هكررها وكده بس كان دايما يقولي اني قاسية وقلبي جامد وما بحسش واني بستغل حبه ليا وطيبة قلبه واني مش بظهره مشاعري وهو دايما يظهرهالي وبيقولي كلام حلو وانا مش بقول

امبارح بقي اتكتب كتابنا وبعدها سلم عليا ومسك ايدي وبسها فانا سكت قولت خلاص بقي جوزي قدام ربنا وقدام الناس وحلال يعني وفضل طول اليوم ماسك ايدى وعمال يبوس فيها وباسني في خدى وانا برضو سكت قولت يعني طو الخطوبة كان شايفني اني قاسيه ومش بحبه خاص بقي اسيبه واحسسه ان كل حاجة بوقتها حلو واني مش بمانع عشان انا جافة لا عشان انا مستنية الحلال وفضلنا طول اليوم سوا وكنت بأكله بإيدي وقلعت طرحتي وشاف شعري وقعدت معاه بشعري وعادى

النهاردة بقي خرجنا سوا لاول مرة مسك ايدي طبعا واحنا نازلين من البيت وطول الطريق ماسكها وانا هبة وساكته وسايباه ماسكها وروحنا اتغدينا برة واكلته بإيدي في المطعم وبعد كده راح صدمني وقالي اني طلعت منحرفه بجد اكلمة صدمتني واهانتني وجرحتني وزعلتني جدااااا يعني طول الوقت وانا مابرداش اعمل حاجة غط ولا سمحتله باي تجاوز الا بعد كتب الكتاب وفي الاخر يقولي اني طلعت منحرفة قولتله طب ايه الانحراف في كده دانا بقيت مراتك قدام ربنا ومش عيب ولا حرام اننا نمسك ايد بعض قالي اصل انا ابويا من الناس القديمة اللي عمره ما مسك ايد امي في الشارع ولا كانوا بعملوا كده قولته بس انا ماما وبابا لحد دلوقتي بيمشوا في الشارع مأنكجين بعض او ماسكين ايد بعض ايه الغلط في كده قالي ماشي خلاص وسكتنا وكملنا اليوم بس انا من جوايا كنت بغلي بجد ومحروق دمى

ففضت ساكته وبان عليا الزعل سألني يه وفي ايه وكده قولتله كلمتك جرحتني وزعلتني جدا وحسستني اني مش مؤدبة وانك جايبنى من الشارع قالي لا بس اني مافهمتيش وجهة نظري انا كان قصدى ماناخدش راحتنا اوي كده في الشارع نرفزني برضو تاني قولتله انت ليه محسسني اننا ماشين حاضنين بعض ولا بنبوس في بعض داحنا قاعدين في اماكن عامة وسط الناس والله يا فتوكات هو اللي كان عمال ياخد ايدي ويمسكها وكل ماشيلها منه هو يمسكها تاني ويقولي هاتي ايدك وفي الاخر يقولي اني طلعت منحرفة عمت مشكة بقي واليوم باظ وضاعت عليا فرحة اول خروجة ليا معاه وبجد اتضايقت جدا من نفسي

ولما روحني البيت كان عايزني اقلع طرحتي واقعد معاه بشعري وانا رفضت وفضلت مكشرة وزعلانة ولما حكيت لماما اتضايقت وزعلت وقالتلي اني انا الي غلطانه لاني طول اليوم في كتب الكتاب عماله أأكله بإيدي وانها اتضايقت مني لما كنت بأكله بس ماردتش تقولي عشان ماتزعلنيش وماما اتكلمت معاه قدامى وقالتله الكلمة الي انت قولتها دي ماكانش ينفع تقولها وان الغلط مش عليها الغلط علي بباها انه وافق يخرجها معاك اصلا وان كلمة زي دي لو اتقالت قدام بباها هتحصل مشاكل وقالتله قول قدام مامتك وبباك ان قولت لخطيبتك انها منحرفة وشوف هيقولولك ايه ونزل من عندي وهو متضايق اني ما صالحتهوش وانا فضلت زعلانه وهو زعلان وماما فضلت تعتب عليا وتأنب فيا واني لازم اتقل وهو الي يدور عليا ومعرفش ايه وكده

انا بقي بجد دلوقتي زعلانة جدا وصعبانة عليا نفسي جدا جدا ومش عارفة اعمل ايه انا صح ولا غلط ولا اييييه انصحوني بالله عليكم
 

Mariam MOo

فتوكة ونص
بصى انتى معملتيش حاجة غلط ومن طريقة كلامك انا حاسه ان خبرتك قليلة فى الأمور دى ..يعنى مبتعرفيش تتعاملى مع الغلط ...بس انتى مغلطيش ..والى عملتيه فى فترة الخطوبة صح الصح ...وانتى معملتيش حاجة غلط بعد كتب الكتاب دا جوزك وحلالك ...بصى عشان مكترش عليكى .. اسمعى كلام مامتك أنا شايفة أنها بتعرف تتصرف صح وهتخليكى تتصرفى صح ...ولو قلك انتى قولتلها أو أن دى حايتكم ومينفعش تدخلى فيها حد قوليله انت إلى بدأت وقرانت علاقتنا بعلاقة اهلك ..عشان كدا أنا كان لازم أستعين باأهلى .. ربنا يهدى سركم يا رب
 
حبيبتي الف مبروك ربنا يكملك علي خير
ماتزعليش نفسك
انا اسفه والله بس حتي بعد كتب الكتاب
كل اللي قلتيه ماشي بس اللي ماما عاتبتك عليه انك فضلتي تأكليه بأيدك اصل دي حركات دلع فا الراجل مش بنديله كل حاجه مرة واحده كده وانتي كنتي وقت الخطوبه ملتزمه بلصح اللي هو شرع ربنا
فا الراجل اكيد هيتفأ لما يلاقيكي فكيتي حتي لو كتبتو الكتاب الراجل مهما كان بيعشق الخجل والحياء
الراجل بيحب انه واحده واحده هو اللي يفك الحياء ده من زوجته بأسلوبه هو مش انك انتي تبدأي معاه فهماني
بلذات ف الأول
انا جوزي لحد دلوقتي بيفكرني ان بعد كتب كتابنا مكسوفه امسك ايده علشان هانتصور و ماكنتش قادرة من كتر الاحراج ازاي احط ايدي ف ايده وحتي لو حلال كنت مكسوفه جدا
ويقول لاخويا عرفها اني جوزها واخويا يقولي يابنتي امسكي ايدو هاصوركو
لكن هو اتفجأ انك فكيتي بسرعه اوي بعد كتب الكتاب هو ماعملش مجهود علشان كده اتصدم
ماتزعليش مني انتي طبعا حلال اللي تعمليه اكيد انا بكلمك ف نظرة الراجل عمتا بلذات دلوقتي ف الزمن اللي احنا عايشينه
انسي وكبري دماغك بس اعملي زي ما ماما قالتلك
اتقلي خليه هو اللي يتعب علشان تعملي رد الفعل اللي هايموت عليه
انسي دي طريقتك ماتخليش حد يزعلك
ربنا يكملك فرحتك علي خير والف مليوووم مبروك يا قلبي
انتي ماعملتيش حاجه حرام ماتزعليش
بس اعملي بنصيحة ماما و انه هو اللي يصالحك اثلا
ابقي طمنينا عليكي ربنا يسعد ايامك ياقلبي
 

ببجي

فتوكة جديدة
انتي طبعا اتصرفتي غلط وانك تاكليه سواء برا البيت او جوا ووقت كتب كتابكم ده خلاه شايفك انك مدلوقة عليه وشايف انه كبير عليكي فخلاه يشوف نفسه عليكي ويفضل يمسك ايديكي كل شوية ولو حس برفض كان لازم يقولك كلمة منحرفة دي هو قليل الادب وانتي محترمة والخطوبة لازم بتتعمل علشان تظهر الشخصيات النص كوم دي انا من رايي انك تكلمي مامتك وترفضيه علشان النهاردة بيقولك منحرفة وبيعاملك بجفا بكرة هيقولك ايه لما تتجوزيه واللي في طبع مبيغيروش
 

يمكنك أيضا مشاهدة