موضوعي للمتزوجات بس اعتبروني اختكوا وقولولي حل لمشكلتي

المحتارة

فتوكة ونص
فتكات المحتارة
انا سني 26 سنه كنت بشتغل في شركة مواد غذائية كبيرة تحت المدير على طول وهو كان صاحبها واكبر مني بعشرين سنه .......

المهم حصلت صداقة بيني وبين المدير بتاعي بس في حدود الاحترام جدا وهو كان عارف اني محترمة وبتاعت ربنا وبصلي دايما وقريبه من ربنا ....... عدى وقت كتير واحنا كده مثلا اكتر من سنه وانا بتعامل معاه زي ابي او اخي الكبير ودايما لما يقولي ادعيلي يا ***اقوله ربنا يكرمك ويخليلك مراتك وعيالك ويباركلك فيهم

حصلت مشكلة وصحته اتبهدلت شوية رحت زرته في المستشفى لقيته بيشتكي من زوجته ومن ولاده انهم راميينه ومش سألين فيه وهما السبب وكل واحد فيهم عايش حياته و هو مش فارق معاهم المهم خف وخرج من المستشفى ورجع الشركة وفي الوقت ده كان مخليني انا مسؤلة عن حاجات كتير اوي هو اللي كان بيعملها وكان بيقولي خلاص انا بقيت تعبان ومش حقدر اشتغل زي الاول وان انا حعمل شغل زيادة وحيزود مرتبي الضعف طبعا فرحت جدا لاني حتحمل مسؤليه زيادة وفي نفس الوقت مرتبي حيزيد وحكبر في المكان ده

جه يوم قاللي انه طلق مراته خلاص وانه عايش لوحده دلوقتي بعيد عنهم طبعا انا زعلت جدا وعاتبته وقلتله مايصحش اللي حصل وانا ممكن اكلمها و اعقلها وابين لها غلطها قاللي مفيش فايده وقاللي لو كلمتيها حتقول ان انتي السبب واني انا طلقتها عشانك استغربت جدا وقلتله ايه اللي بتقوله ده دي اكبر مني بكتير وبعدين انت في مكانه ابويا الله يرحمه ازاي حتقول كده بس قاللي هي مخها يوصلها لانها تقول كده عدى اكتر من اربع شهور وطول المده دي وانا بعقله عليها وبتحايل عليه يرجعها وهو مفيش فايدة بعدين تعب تاني وقعد كذا يوم مش بيجي الشغل ويتصل يقول انه تعبان وانا عارفه انه قاعد لوحده كنت بتصل اسال عليه كل شوية لان المرض اللي عنده محتاج دعم نفسي وانا كنت بحاول اساعده في الموضوع ده

اول ما بقى كويس ورجع قاللي انا مش حينفع اقعد لوحدي تاني خلاص انا محتاج حد ياخد باله مني قلتله رجع مراتك قاللي كانت اخدت بالها قبل كده ,عرض عليا الجواز طبعا بعد كل المعامله دي بصراحه مشاعري اتغيرت وبقيت افكر فيه كراجل مش اخ واب بس صليت استخاره ووافقت وقلتله اني موافقه بس بشرط تكون فعلا مش حترجع لزوجتك وفعلا كل واحد فيكوا حيعرف يعيش حياته بعيد عن التاني و مانعملش فرح في قاعه نعمله في مسجد لقيته وافق بشدة وقاللي ياريت عشان انا اهلي مش حيتقبلوا اني اتجوز تاني لانهم عايزيني ارجع مراتي وده مستحيل ليا وليها

اتجوزنا وفضلت اشتغل لحد ما حملت وقعدت من الشغل وعمري ما شفت منه غير كل حب واهتمام بادق التفاصيل وكان بيراعي ربنا فيا بشكل غير طبيعي غير الحب اللي كان بيحبهولي ومتعلق بيا بشكل لا يوصف ومفيش حاجه بطلبها غير ما الاقيها

من اسبوعين تقريبا لقيته بيقولي انه مسافر عشان يتابع حالته ويعمل فحوصات قلتله ماتعملها في مصر قاللي لا مش حينفع عشان الدكاتره هنا فيهم وفيهم بعدها بيوم لقيت واحده بتتصل عليا في البيت وبتقولي انها اخت جوزي وانها عايزة تتعرف عليا عندي لاني مش بقدر اخرج من البيت بسبب الحمل وعرفتها العنوان
وهنا جت الصدمه عرفت منها انه ماطلقش مراته ولا حاجه وان ولاده مسافرين بره عشان يكملوا الدراسه عشان هما معاهم شهادت IG وحيكملوا جامعه بره وانها سافرت معاهم وهو اللي اصر انها تسافر عشان تاخد بالها من الولاد وانها مكانتش موافقه ع السفر اصلا وطبعا هو سافر لهم ومفهمني انه رايح يكشف

قلتلها انتي ليه ماقلتليش الكلام ده م الاول قالتلي انا لسه عارفه اصلا انه متجوز قبل مايسافر بيوم لانه اتصل بيها وقالها عشان لو حصله حاجه هي تبقى عارفاني وعارفه ابني وتاخد بالها مننا

دلوقتي بقى انا مستنيه ينزل عشان اطلب الطلاق بس مش عارفه ده صح ولا غلط بعد ماحملت خصوصا اني بحبه اوي اوي و برضه مش عايزة اظلم مراته التانيه بس اخته برضه فهمتني انها فعلا مش مهتمه بيه اوي وانها اهملته في اخر كام سنه وهو ده اللي دفعه للجواز تاني بس وهو عارف اني عمري ماكنت حوافق اني اتجوز راجل متجوز

هو بيتصل بيا وانا مش بقوله حاجه وعاملة نفسي مش عارفه لحد ما يرجع بس هو حاسس ان فيه حاجه

ساعدوني وقولولي اعمل ايه لما يرجع اطلب الطلاق ولا ارضى بالامر الواقع واسكت واعيش طول عمري في نار الزوجه التانيه وانتوا فاهمين قصدي طبعا وعمري ماحخليه يطلقها لان هي الاصل للاسف وانا التانيه بس هو خدعني وعلى فكرة انا قبل الجواز كنت عايشه مع والدتي لوحدنا لان اخواتي كلهم مسافرين الخليج ومتجوزين وانا اصغرهم وابويا ميت حتى محدش فيهم نزل يحضر فرحي لسه حيرجعوا ف شهر 8
 

Mariam MOo

فتوكة ونص
شوفى انتى اى الاريح ليكى لو حاسه انتى مش هتقدرى تعيشى زوجة تانية والوقت الى بيقضيه بينك وبينها مش هيكفيكى يبقى اطلقى منو......لكن لو انتى هتفكرى فى ابنك الى جاى فى الطريق مثلا وانو هو شخص كويس يبقى حاولى تتقبلى الامر الواقع.....شوفى انهى المشاعر الاقوى عندك.....بس طبعا فى كل الاحوال انتى لازم تربيه على كذبه وخداعه ليكى .....صلى استخارة وربنا يقدملك الى فيه الخير ليكى❤
 

remoo

فتوكة
مش يمكن اخته دي بتحاول توقع مابينكم وتخدعك انه لسه متزوج الاولي
بصي هو الله اعلم فين الصح والغلط
بس انا شايفه طالما هو معاملته حلوه اوي كده وماشاء الله مقتدر وشايلك من عالارض شيل... رأيي انك تخليكي معاه
مش مهم ايه الي حصل
المهم فكري بعد الطلاق صدقيني هتتبهدلي اكتر
هتبقي مطلقه ونوعيه الرجال الي هيتقدمولك مش زي الاول صدقيني واسالي مجربين
ثالثا بقولك ممكن تكون اخته دي بتخدعك عشان تبوظها عليكم اكيد هي كلمتك من وراه
لان لو عايز يديها رقمك كان هيقولك انا هخلي اختي تتواصل معاكي
وبعدين هي ايه مصلحتها من انها تخرب علي اخوها؟
انا رايي انك تحاولي تتكلمي معاها تاني وتسجلي ليها المكالمة
وتواجهي زوجك بيها
جتلي فلانه الفلانيه وقالت كذا...وهي طبعا اكيد هتنكر
ممكن كمان توقع جوزك فيكي عشان يطلقك
انا شايفه ان انتي مرتاحه معاه
والهدف من العلاقه هو سعادتك
وطالما معظم الوقت بيقضيه معاكي يبقي ايه فايدتها مكتوب عالورق مراته ولا لا ممكن يكون جواز عالورق بس
عموما فكري كتير ومتثقيش في اي حد عشان متطلعيش خسرانه كل حاجه في الاخر ...ده رايي والسلام عليكم
 
وبعد ما تطلقى انا من رائى انك معاكى طفل والمفروض اصلا مكنتيش اجوزتى من البدايه راجل معاه اولاد بس هو بيحبك وانا شايفه انك مبسوطه يبقى طلاق ليه
 

SOLO

فتوكة
انا من رائى طالما الراجل مش مقصر فى شىء وانه فى تفاهم مابنكم والحياه مشيه وتمام يبقى وانك حامل كمان يبقى ملهوش داعى انك تفكرى فى موضوع الانفصال ده خالص وكملى حياتك عادى
 
ض

ضى القمر

غير مسجلة
السلام عليكم
انا شايفه انك تتكلمى معاه الاول قبل اى قرار
اعرفى ابعاد الموضوع وافهمى
ويابنت الحلال متستعجليش الطلاق
الطلاق مش بالساهل ده خراب فعلا
في طفل وانتى هتتبهدلى
انما الراجل بيحبك ومهتم وفرحان بيكى
بصى لنص الكوبايه المليان
وده ما يمنعش انك تاخدى موقف لو طلع ان
فيه كلام من ده
صدقينى هيعمل كل شئ عشان يرضيكى
نصيحتى متستعجليش
انتى بتحبيه
 

Om Mahfouz

فتوكة جديدة
تعاملي معاه كأنك متعرفيش اي حاجة
وطالما مش مقصر معاكي خلاص وحتي لو فعلا مش طلقها فأكيد فترة جوزكم عرفتي فيها مقدار حبه واهتمامه بيكي ولو لا ان خايف عليكم مكنش بعت اخته
انا زوجة تانية بس بعد طلاق بس بصراحة صعب عليا الأطفال اللي معاه وحبهم لامهم اصريت ان يرجعها ورجعت والحمد لله جوزي عادل بينا بس الميزة ان قلبه معايا انا
صحيح في أيام بتكون صعبة علينا كزوجة وغيرة بس اهون بكتير من الطلاق واللي بيحصل بعده خاصة ان معاكي طفل و حبك ليه هيبقي أصعب حاجة عليكي
عيشي معاه واتمتعي ومتعي ابنك بخير ابوه و في وجود ابوه
 

So see

فتوكة جديدة
السلام عليكم خليكي اوعي تطلقي كدا الصح هو مش مقصر في شئ اوعي تاخدي الخطوه دي
 

Barbie

فتوكة جديدة
لا متطلقيش لانك مشوفتيش منه حاجه وحشه
طالما معاملته كويسه خلاص اصبري وشوفي هو ليه كدب عليكي بس خلي بالك ان اخوات الازواج دول مش دائما صح وبيحبوا يخربوا البيوت وخلاص
 

عسل

فتوكة
استني لحتى يرجع وافهمي منه ليه كذب عليكي
لفت انتباهي انه قال لاخته عشان لو صار معاه شي تاخد بالها منك وعرفها لانك حامل وهذه نقطه تحسب له واضح انه خايف عليكي وحاب يأمنك
وما ظنت اخته جايه تخرب عليكي ليه دايما ناخذ السلبي يمكن اخته حبتك وما حبت تخدعك مثل اخوها لو الكلام طلع حقيقي لو مكانك اشكر اخته انها نورتني
والغايب حجته معاه