جوزي عايرني اعمل ايه؟

المحتارة

فتوكة ونص
فتكات المحتارة
الموضوع اللي هتكلم فيه حساس جدا بالنسبالي و يا ريت المشرفات ماتنزلوش لو اتكتب بعضويتي
قبل 5 سنين عرفت واحد و حبيته و كان اول شخص في حياتي و اول حب و كنت بسمع كلامه و بموت فيه للاسف غلطت معاه مرة ماكناش مخططين للموضوع مش عارفة حصل ازاي لغاية دلوقتي بس ندمنا جدا و اتقدملي بس بابا رفض حاولت كتير و اقنعت ماما و حايلته بس كان رافضه رفض نهائي عشان فيه فرق كبير في المستوى في الاخر اما يئسنا قالي تعالي نكتب كتابنا و نحطه قدام الامر الواقع و انا رفضت و علاقتنا استمرت بس مش زي اول و جاله شغل في الخليج راح في الاول كان بيكلمني بس موبايلي اتسرق و من وقتها اتقطعت الاتصالات و انا خدت قرار اني مش اتجوز و كل ما يجيلي عريس ارفض لغاية ما جالي عريس عجبني مش بس مواصفاته حسيت ان فيه حاجة تانية و حسيت اني مش عايزة ارفض و وافقت عليه و كنت ناوية اصارحه في فترة الخطوبة بس ما قدرتش الموضوع كان صعب جدا و كنت مكسوفة و في نفس الوقت خايفة اخسره عشان لو خسرته هو كمان مستحيل احب تاني و حتى لو حبيت المشكلة هتفضل موجودة و مش هلاقي حد يحبني و يدلعني زيه و فضلت محتارة اقوله و لا اسيبه و في كل مرة اجل الموضوع لغاية ما اقترح نكتب الكتاب و انا وافقت عشان مش لاقيت حجة عشان ارفض بعد كتب الكتاب ندمت اني مش قلتله عشان دلوقتي هيشوف انه اتحط قدام الامر الواقع و في الاخر صارحته و احنا مع بعض و كان بيقولي قد ايه بيموت فيا و قلت اشوف هو بيحبني بجد و لا اي كلام في الاول افتكرني بهزر و اما اقنعته اني جدية اتصدم و مش اتكلم خالص و وداني عند اهلي من غير ما ينطق حرف حاولت اتصل بيه مش بيرد رحتله الشغل تاني يوم قالولي ماجاش اضطريت اروحله البيت رفض يشوفني قلت لاخته قوليله مش رايحة غير اما اكلمه جالي متعصب و قالت عايزة ايه قلتله عايزة نتكلم و افهم هيحصل ايه دلوقتي قالي ده اللي مضايقك هيحصل ايه بس انا و رايي مش فارقين معاكي و قالي انتي خدعتيني و استغليتيني عشان تستري نفسك و قالي كلام زي السم ما استحملتش و قلتله لو كان هدفي اني استر على نفسي و اخدعك كنت *****وعمرك ما كنت هتعرف ده بس انا كنت عايزاك تعرف و لو عايز تكمل و قابلني زي ما انا او تسيبني انت حر قالي عشان كده مش اتكلمتي غير بعد كتب الكتاب و بهدلني عشان سلمت نفسي لواحد من غير ما يكون فيه ارتباط رسمي اتخنقت و اديتله الدبلة و الخاتم و قلتله كفاية لحد كده خد دول و هبعتلك باقي الشبكة قالي انتي فاكرة دخول الحمام زي خروجه بعد ما بقيتي مراتي قدام الناس كلها و اتحسبت عليه جوازة عايزة تطلقي بعد ما وصلتي للي عايزاه فاكرة انك هتعلبي بيا و لبسني الدبلة و الخاتم و قالي روحي دلوقتي قلتله مش عايزة اكمل معاك و انت فاكرني بستغلك قالي مش انتي اللي تقرري انا اللي اقرر و روحي دلوقتي انا مابقيتش فاهماه و لا عارفة اتصرف نفسي اقول لماما تساعدني في المشكلة دي بس مش عايزاها تزعل و تشيل هم هي مالهاش ذنب فيه دي مشكلتي و لازم احلها لوحدي من غير ما اهلي يعرفو دي اهم حاجة بالنسبالي دلوقتي كل ذنبي اني مارضيتش اخدعه و صدقت انه بيحبني و هيقبلني زي ما انا طلع زي باقي الرجالة اساسا ******* مش فاهمة دلوقتي هيحصل ايه و هو عايز ايه بالضبط بقالنا 3 ايام مش بنتكلم بس عرفت انه بيخلص تشطيب الشقة اكلمه تاني و استحمل الاهانة و لا اطنش و اشوف هيحصل ايه و لا اقول لاهلي من دلوقتي اننا سيبنا بعض و ارجعله حاجته؟ساعدوني ماليش حد غيركم
 


Mariam MOo

فتوكة ونص
انتى غلطى غلط كبير اووووى ......واحمدى ربنا انو مراحش فضحك وعرف اهلك ودى اقل حاجه يعملها .....دلوقتى انتى تسيبه يتجوزك وتتوبى لربنا وتستغفرى كتير على الغلط الى انتى ارتكبتيه.......وتتجوزيه ومتقوليش لحد من اهلك ......وسيبه عشان باين عليه راجل وهيجوزك ومش هيقول لحد على الموضوع دا......وعلى فكره انا معرفش الامور وصلت ما بينك انتى والشخص الاولانى دا لفين يعنى هل لدرجة انك تفقدى عزريتك ولالا .....بس لو الموضوع موصلش لدرجه انك تفقدى عزريتك يبقى مكانش فى داعى تقوليله ...لان ربنا ستر الموضوع دا عليكى ....لكن لو فقدتى عذريتك يبقى انتى المفروض تقوليله قبل كتب الكتاب وتسيبيه هو يختار ....،وعلى فكره دا مش زى باقى الرجالة ...لو راجل غيروا كان راح فضحك فضيحة بجلاجل وقل لاهلك وقل لاهلوا .....بس دا ستر الموضوع الى ربنا ستروا عليكى ...انا رأى انك تسمعى كلامه وتطعيه وتشوفيه هو عايز اى وتعمليهولوا ....هو لو مكانش بيحبك مكانش خلاكى لسه على زمته ....حاولى تروحى انتى وهو كافيه هاادى ...وقوليلوا انت عايز اى دلوقتى عايز نطلف نطلق عايز نكمل نكمل شوف الى انت عايزوا وانا هعمله ...وقليلوا انا لو واخداك وسيلة عشان استر على نفسى كنت استنيت بعد ما عملنا الفرح وقولتلك لكن انا مش كدا......وربنا يغفرلك ذنبك ويهديكى ويهديه
 


Rehab sobhy

فتوكة جديدة
مفروض تروحي لدكتوره تطمني ع نفسك الاول ولو أنتي بنت قليلوه مش حصل علاقه كامله هي حجات بسيطه ولو أنتي مش بنت للاسف ممكن تطلقي بعد جواز أو يغفر ليكي بس كله ف ايدك انتي لو فعلا توبيتي ورجعتي لربنا ادعي يهدي ليكي وربنا يوفقك
 


Salmanoor

فتوكة جديدة
انتي ماوضحتيش اللي حصل مع الشخص الاول اذا انتي فقدي عذريتك تمام ولازم كان يعرف وصدقيني انتي تسرعتي ربنا ستر عليكي تفضحي نفسك ليه والغشاء مش بسهوله يتفض
روحي للدكتوره واتاكدي واذا الامور تمام قولي انا كنت بحتبرك
 


ا

ام عمار

غير مسجلة
للاسف كلامه مظبوط انتي خدعتيه كان لازم تصارحيه قبل كتب الكتاب
 


Ema.my.love

فتوكة
ليه ياحبيبتي تهتكي ستر الله عليكي مصارحة ايه وكلام فاضي ايه كل دا غلط جدا طالما توبتي توبة نصوحة خلاص ربنا تاب عليكي وسترك كنت سكتي انت الوقت هدمتي حياة قبل ماتبدأ وهدمتي ثقة للاسف هتفضل ملازماكي طول العمر الا لو ربنا هداه وفكر بعقله ربنا يكتب لك الخير ياحبيبتي تعرفي اصلا مادام توبتي ونسيتي وبداتي صفحة جديدة ال غلط معاكي الاول لو حب يفضحك ويقول عاى ال بينكم مفروص تنكري انت وتنسي وتتناسي
 


انتى غلطى غلط كبير اووووى ......واحمدى ربنا انو مراحش فضحك وعرف اهلك ودى اقل حاجه يعملها .....دلوقتى انتى تسيبه يتجوزك وتتوبى لربنا وتستغفرى كتير على الغلط الى انتى ارتكبتيه.......وتتجوزيه ومتقوليش لحد من اهلك ......وسيبه عشان باين عليه راجل وهيجوزك ومش هيقول لحد على الموضوع دا......وعلى فكره انا معرفش الامور وصلت ما بينك انتى والشخص الاولانى دا لفين يعنى هل لدرجة انك تفقدى عزريتك ولالا .....بس لو الموضوع موصلش لدرجه انك تفقدى عزريتك يبقى مكانش فى داعى تقوليله ...لان ربنا ستر الموضوع دا عليكى ....لكن لو فقدتى عذريتك يبقى انتى المفروض تقوليله قبل كتب الكتاب وتسيبيه هو يختار ....،وعلى فكره دا مش زى باقى الرجالة ...لو راجل غيروا كان راح فضحك فضيحة بجلاجل وقل لاهلك وقل لاهلوا .....بس دا ستر الموضوع الى ربنا ستروا عليكى ...انا رأى انك تسمعى كلامه وتطعيه وتشوفيه هو عايز اى وتعمليهولوا ....هو لو مكانش بيحبك مكانش خلاكى لسه على زمته ....حاولى تروحى انتى وهو كافيه هاادى ...وقوليلوا انت عايز اى دلوقتى عايز نطلف نطلق عايز نكمل نكمل شوف الى انت عايزوا وانا هعمله ...وقليلوا انا لو واخداك وسيلة عشان استر على نفسى كنت استنيت بعد ما عملنا الفرح وقولتلك لكن انا مش كدا......وربنا يغفرلك ذنبك ويهديكى ويهديه
كلامك صح جدا
 


يمكنك أيضا مشاهدة