ينفع اللى جوزى بيعملة دة ؟

المحتارة

Member
فتكات المحتارة
سلام عليكم
انا هدخل ف الموضوع علطول عشان بجد
انا مصدومة ومنهارة وموجووووعة مش فاهمة
ليه بيحصل كده. استحملوني شوية معلش وادعولي ربنا يفك كربي
انا 22 سنة وجوزي 31 متزوجة من سنتين ونص وعندي بنوتة سنتين وحامل ف التامن
جميلة جدا بشهادة الكل وشكلي يدي 16 بحب جوزي وهو كمان حصلت مشاكل كتير
وعديناها وكملنا
المهم جوزي اتفق معايا اروح أعيد ع أهلي بعد العيد همآ ف محافظة ثانية سفر يعني
وقالي مش هتطولي هناك وقال خمس أيام بس حتى مش اسبوع
كان مفروض يجي يخدني الخميس ال فات
بس هو وصلني بيت بابا وكنا كويسين ومشى هو عشان شغله وقال لماما هخدها
يوم الخميس
بس من سعتها برن عليه كتيييير مش يبرد عليا ابعتله رسائل وواتس وبردوا ميردش
كلمته م فون بابا ع أساس بابا ال بيتصل مردش بعتله قلتله بابا ال بيرن
رد عليه. راح رن من رقم غريب واستني بسمع الصوت الأول انا ولا بابا وبردوا مكلمنيش ولا عبرني
بجد ليه كده بنات الناس ومشاعرهم لعبة سهلة كده
واستنيته الخميس مجاش
أزاي يهون عليه يشوف اسمي يرن مليون مرة ميردش ولا حتى يكنسل
يشوف رسايلي وبترجاه وميرذش
حامل وميسالش عليا وعندي معاد مع الدكتورة هناك
ولا يسأل على بنته
يسبني معلقة كده ليه هو ده يرضى ربنا
طب حتى يعرفني السبب ده أبسط حقوقي
نفسي ارجع بيتي انا اتعودت عليه نفسي اعرف ليه
عمل كده لبيه لو انا غلطت تستأهل كل ده
ليه أنام كل يوم معيطة أصحى استني يتصل وميتصلش
هيسبني كده قد إيه وليه وده يرضى ربنا
عارفة ممكن الموضوع يكون تافه بس نفسيتي صفررر
وتعبانة جدا ليه عمل كده ليه وجعني كده ليه
هي دي الرجولة ؟!!!!!!
هي دي وصية الرسول
قولولي أتصرف معاه أزاي واعمل إيه وادعولي بالله عليكوا
وع فكرة هو عايش حياته عادي ع الفيس يرد ع ده ويبارك لده
يعني هو كويس محصلهوش حاجة
يارب فرج كربي وكرب كل مكروب بقاله أسبوع اهو ولا معبرني وبترجع جدا لما أرن واهين كرمتي وميردش وهيسبني قد إيه كده
ومينفعش أسافر لوحدي ولا بابا يوديني لازم هو بيجي يخدني التي مخرجتش غضبانة بدون أذنه بالعكس
 
م

موني

غير مسجلة
خلي والدك يروح معاكي وشوفي ايه اللي حصل
 

cat.woman

New Member
طالما محصلش مشاكل ولا زعل ايه المشكله لما والدك او اخوكي يروحوكي دا انتي مروحه بيتك لجوزك ومعاكي اولادك
علي الاقل تطمني عليه يمكن حصل حاجه ولا تعبان
انما لو حصلت مشكله اكيد انتي هتبقي عارفه السبب
 

Mariam MOo

Member
شوفى انتى يمكن تكونى زعلتيه فى حاجه.....غير كدا يبقى .....يبقى تخلى والدك يكلم والده او اى حد كبير فى عيلته....يقوله هو ابنك مش ناوى ياخد مراته يعنى ولا اى...عشان دى خلاص هتولد.....يعنى هتولد فيين هنا ولا فى بيت جوزها....حاولى تتصرفى اخترعى اسئله خلى والدك يكلموا هو ويسئله ويعرف منه اى دنيته وبعد مايخلص حاولى تكلميه تانى ...وحاولى تتابعى مع دكتوره فى بيت والدك....لغايه لما تشوفى هترسى على اى....مش معقوله ال هو بيعمله دا يعنى اكيد فى سبب حاولى تعرفى اى السبب دا
)اه يا خوفى ليطلع دا كلوا بسبب هرمونات الحمل فى الاخر
 

يمكنك أيضا مشاهدة

أكثر العضوات تحقيقا للنقاط