للاسف خطيبى دكتور وعايز يطمن

المحتارة

Member
فتكات المحتارة
انا في مشكله كبييييره جدا بيني وبين نفسي ومش عارفه احلها
الموضوع باختصار ان فاضل علي خطوبتي ٥ ايام وخطيبي من يوم ما عرفته وهو انسان محترم جداااا ومتدين وبيصلي ومتفاهم معايا في كل حاجه.....وهو بحكم عمله كدكتور فهو شخصيه مثقفه جداااا ومهتم بيا وبصحه كل اللي حواليا....حتقولولي فين المشكله <<<اقولكوا
خطيبي دكتور امراض تناسليه وعقم ....وانا وهو من الاول بنتكلم بصراحه في حدود الادب والمسموح بيه....يعني قبل كده سالني البيريود منتظمه ولا لا قلتله اه،،،،ولما سالني اصلااا كان في منتهي.الكسوف والاحراج ليا ومن بعدها مسالنيش تاني....المشكله انه عنده اخت بقالها سنتين متجوزه ومخلفتش واتضح ان عندها مشاكل في الرحم ده غير انه اللي قاله ان فيه عندهم مشكله في العلاقه الزوجيه....انا طبعا اول ما بسمع الكلام ده بغير الموضوع واقوله ان شاء الله ربنا يرزقها ويعطيها من فضله...لقيته بيقولي هو انا بقولك حاجه عيب ده كلام علمي ومفهيوش كسوف ليه غيرتي الموضوع....قلتله عادي طالما حاجه متخصناش يبقي مفيش داعي نتكلم فيه....قالي يا حبيبتي ده كلام عادي وانا بصفتي دكتوور فانا عدي عليا حالات زي دي كتيير وناس مخطوبه برضه والغريب اني بلاقي البنت هي اللي بتتكلم وبتشجع الولد انه يتكلم بصراحه....انا اللي شايفه انك لسه مش مأهله نفسك لانك تكوني زوجه وام وبتتعاملي انك لسه في بيت بابا....وانا من الحالات اللي عدت عليا كتيييير كان معظم علاجها مش ادويه ولا اعشاب ولا اي حاجه....معظم علاجها هو الكلام لان البنت بيبقي جواها مشاعر واحاسيس نفسها تبوح بيها لاي حد ومبتقدرش فلما بتكتم جواها بيخوفها اكتر من اي علاقه شرعيه في الدنيا...يعني مثلا فيه بنات كتيير ليله الدخله بيغمي عليها وبتتعامل معاها علي انها مذبحه مش حاجه عاديه بتحصل لاي واحده لان ربنا حلل ده وامر بالجواز لعفه الرجل والست ده غير انه سبب رئيسي في استمرار الحياه عشان الاولاد يعني وكده....فانا قلتله طيب ممكن نغير الموضوع قالي لا ....انتي حتخليني مضطر اسالك سوال مكنتش عايز اساله دلوقتي ...قلتله متسالش ...قالي لا لازم اسال عشان اطمن....قلتله ايه....قالي انتي اثناء فتره المراهقه كان عندك ميل لاي حد....انا صرخت في وشه قلتله انت مش محترم ايه اللي انت بتقوله ده انت واخدني من الشارع....بصراحه سكت وقالي طيب اسمعيني...فسرلي سبب سواله انه عارف ان فتره المراهقه بتبقي دي قمه ظهور الهرمونات لاي بنت وبالتالي ده بيديها الاحساس انها عايزه تدخل في علاقه مع اي حد مش شرط علاقه كامله بس ممكن تتلخص في مشاعر حب بينها وبين ان الجيران او المدرس بتاعها بس اللي هو متاكد منه ان اي بنت طبيعيه في الدنيا لازم تكون عدت بالمرحله دي وحست ده حتي لو بينها وبين نفسها....وقالي كلامك اللي انتي قولتيه انا مش ححاسبك عليه لان عارف ان ده رد فعلك الطبيعي لانك بتتكسفي بس بجد انتي فيه حاجات كتيير ناقصاكي لازم تعرفيها عن جسمك وعني وعن العلاقه الزوجيه لان فيه جوازات كتيير بتفشل بسبب الموضوع ده.....واعذيني لو ضايقتك بس انا دكتور وعدي عليا اكتر من اللي تتخيليه وانا بجد عشان بحبك وعارف انك بنت ناس ومحترمه وفعلا عاير حياتي تكمل معاكي من غير مشاكل بقولك الكلام ده....ومهما كانت اجاباتك ده مش حيهز صورتك في عيني لاني عارفك كويس...كل اللي بعمله ده عشان اطمن ولو فيه مشكله نعالجها قبل ما تكبر
فكري في كلامي وحتعرفي اني عندي حق

انتو ايه رايكوا في اللي بيحصل ده.....انا عن نفسي محتاره مش عارفه اسمحله يتكلم تاني ولا اعمل ايه ولا اقول لماما ولا ايه.....وانا فعلا قطه مغمضه لاقصي درررررجه
 
متحكيش اي حاجه عن ماضي ليكي لخطيبك مهما كان دكتور او فاهم في الدنيا اكتر منك اولا لم يعرف اي حاجه عندك وجوبتييه هيعيرك بالكلام ده لان طبع الرجل الشرقي عايز واحده خام ثانيا هو بيقولك الكلام ده بيختبرك بيه او عايز يلاقي طريق يدخلك منو علشان يعرف انك عارفه الكلام ده ولا او يعمل حاجه مش تماك الله واعلم متدخلتش نيتو انا برد علي قد كلامك ثالثا لو هو نيتو ان هو ينصحك علشان هو دكتور بحكم شغلوه ميصحش انو يفتح معاكي مجال حوار زي ده ده مجرد خطيبك يعني ممكن ميحصلش نصيب حوارك معها يكون برهالكلام اللي بيقول ده علشان التطاول في الكلام ده حاجه مش كويسه لو هو عايز يفهمك يستني لم تبقي مراتو ويفهمك دلوقتي الكلام يزعل ربنا منك وغلط تسميعه مم مجرد واحد لسه غريب عنك رابعا علي فكره اني لو اتمديت في الكلام معه هيفكر عنك بطريقه وحشه كمان انت بتقولي بتعرض عليه حالات كتيره يعني هيفكر بطريقه مختلفه عنك وسيبك من كلاموه انتك لو حكيت مش هياخد عنك فكره وحشه لا ده بيجر رجلك علشان تتكلمي مهما كان مثقف ومتفتح برود تفكيرو شرقي وبصي والله انا معرفكيش مجرد رساله انا بنصحك زي اختك حافظي علي نفسك علشان انتي غاليه حتي من كلام حتي لو بتحبيه لو فتح الموضوع تاني ردي رد جادي جدا انك هتسبي علشان ميصحش الكلام ده وهتلاقي لوحده مفتحكيش في حا جه تاني وبعدين ماضيك خاص بيك مش لحد اكيد كل بنت مرت بتجربه حب وبتروح لحالها وخلاص ومتامنيش لحدعلي اسراراك وقريبي من ربنا اكتر وشاطره انك بتقفلي في الكلام شكلك متربيه كويس ربنا يحافظ عليكي وعلي كل البنات يارب مضيعش التربيه الحلوه علشان حب او انتي شايفه انك مخطوبه لدكتور وبرستيجي وكده و انك لو صديت كلامو يزعل ويسيبك لا مفكريش كده اهم حاجه تفكير الانسان الشهاده مش هي اللي هتعيش معاكي الشخص وافكاره وتعمله معاكي علشان جواز العمر فكري كويس ربنا يقدملك اللي فيه الخير
 

يمكنك أيضا مشاهدة