مكسوفة من موضوع قديم وعايزة رايكم

المحتارة

فتوكة ونص
فتكات المحتارة
انا مكسوفه اوووى اتكلم والله ومش لاقيه حد غيركوا يقولى اعمل ايه واتصرف ازاى
انا متجوزه من فتره وحامل دلوقت واختى الاصغر منى متقدم لها عريس (ووافقوا عليه بالفعل) والعريس دا تقريبا فى سنى وله اخت اكبر منه ومنى بكتير يعنى وقت ما حصل اللى هحكيه دا كانت هيا متجوزه ومخلفه طفل عنده يجى 10 سنين - والست دى واخوها (العريس يعنى) قرايبنا بس كنا بعدنا عن بعض سنين يجى حوالى 10 سنين ومشفنهمش من وقتها لظروف معينه ودلوقت شافونا تانى واخوها دا اتقدم لاختى

اللى حصل بقى ان انا وانا صغيره الست دى شافتنى كنت بلعب مع بنات وولاد صغيرين كانوا قرايبنا برضه (كنا بنلعب عريس وعروسه) بس انا كنت تقريبا اكبر واحده فى الاطفال اللى كانوا بيلعبوا معايا دول كنت تقريبا فى رابعه ابتدائى وكنا بنشوف بعض ونحضن بعض وحاجات زى كدا - فبالصدفه هيا جت المكان اللى كنا بنلعب فيه وشافتنا وضربتنى وبعدتنا عن بعض ومشيت - ووقتها كنت خايفه اوى تقول لماما - فلقيت ماما فى نفس اليوم جايه تقولى "طنط فلانه بتقول عليكى انك قليلة الادب" قولتلها ليه يا ماما؟ قالتلى " عشان بتعلى صوتك ومش بتسمعى الكلام من اول مره" - فأنا فرحت اوى قلت اكيد طنط دى مقالتش لماما بس كانت مدايقه منى فراحت قالت عنى الكلمتين دول لماما وخلاص

دا الموقف اللى حصل زمان من حوالى 13 سنه بس انا عمرى ما نسيت الموقف دا ابدااااااا من كتر رعبى وقتها
المهم ان اخو الست دى خطب اختى واهلى وافقوا واختى وافقت وهيعملوا خطوبه كمان اسبوعين واكيد اخته دى هتيجى الخطوبه ومش عارفه اذا كانت فاكره الموقف دا ولا نسياه ؟ طب لو فكراه انا هيبقى شكلى ايه قدامها ؟ طب اتعامل معاها ازاى؟؟؟ انا بجد مكسووووفه اوى من الموقف اللى انا فيه .. هما كانوا بعيد عننا سنين كتيره زى ما قولتلكوا فى الاول بس لفت الايام واخوها شاف اختى واتقدملها ووافقوا وكدا

بالله عليكوا قولولى اعمل ايه واتصرف ازاى انا مش هينفع اسأل اى حد فى الموضوع دا غيركوا ساعدووونى
 

بريق امل

فتوكة جديدة
رد: مكسوفة من موضوع قديم وعايزة رايكم

حبيبتي انا في رأيي ان انتوا كنتو عيال وقتها ومن كلامك انو كانت الحكاية لعب عادي مفيهوش حاجة فانتي خلاص انسي الموضوع واتعاملي عادي جدا معاها كأن مفيش حاجة خالص وانا متهيألي هيا مش حتجيب سيرة الموضوع دلوقتي ... معلش طولت عليكي تقبلي مروري
 

remoo

فتوكة
ههههههههههه يالهوي يالهوي
انا مش مستغربه من الموقف الي حصل
انا مستغربه انك فكراه لا...ولا خايفه منه كمان
 

روح

فتوكة
ده لعب اطغال ومعتقدش انها اصلا لو لسه حطاه في قلبها يعني هي ممكن تكون فكراه اه بس انتي كبرتي واتجوز تي وهتخلفي كمان اكيد لو افتكرت الموقف هتقعد تضحك َوانتي اعملي مش فاكرة الموقف حتي لو اتفتح بهزار قدام اضحكي وكل حاجة وكانك ناسيه وهتعدي يعني هي ليها باسلوبك دلوقتي كبنت كبيرة وناضجة
هو حد بياخد ع كلام ولعب العيال،
 

يمكنك أيضا مشاهدة