اتعامل مع جوزي ازاي

[نوبية وافتخر]

السلام عليكم يا فتوكات عايزة منكم حل لمشكلتي انا متجوزة من عشر سنين وربنا ما ارادش الخلفة الحمد لله علي كل حال جوزي دايما متضايق ومخنوق جوة البيت مع العلم انو برة مع اصحابه زي الفل وعايش حياته ولما اكون بعيدة عنه او مسافرة مايسالش عليا ولا بتليفون حتي وبفضل انا اتصل وابعت رسايل ميردش عليا خالص وانا اتطلقت قبل كدة بسبب الموضوع دة ورجعتله تاني بعد ما اتحايل عليا ووعدني انو حيتغير وللاسف مفيش اي تغيير قولولي اعمل ايه انا زهقت من كتر الاهمال

 

الانضمام لجروب الفيس بوك

[dina mousa]

مفيش غير التجاهل معاه

 

[رانيا صالح]

ربنا يهون عليكى ويرزقك بالاولاد يارب غيرى طريقتك ومتساليش فىه واهتمى بنفسك وما تعبرهوش

 

[bfifa]

ربنا يرزقك بالذرية الصالحة حبيبتى اشغلى نفسك بحاجة بتحبيها ونمى مهاراتك واشتغلى حاجات يدوية هتفيدك وهتشغل بالك عنه .. وحاولى فى الحقن المجهرى الطب دلوقتى تقدم جدا وفى حلول لكل الحالات

 

[ام جاسمن]

ياستى ولا تعبريه عيشى لنفسك دا احلى خاجة انه مش شاغل دماغه بيكى ولا بيقولك رايحة فين وجاية منين اهمليه شويه وما تديلوش اكبر من حجمه عيشى لنفسك وبس

 

[Mariam atef]

ياستي تجاهليه خالص انتي كمان ذي هو مابيعمل ومتساليش ولا ترني عليه عيشي لنفسك ربنايهدليك حال يارب

 

[لمار]

بصى بقى ياستى اهتمى بمظهرك جدا ومتتصليش عليه خالص ولا تسالى وطبعا ده على غير عادتك فهو هيبقى مبسوط انك متصلتيش بيه فى الاول وبعدين هيستغرب ويسالك قوليلو عادى يا روحى انا لقيتك يتضايق قولت اسيبك براحتك وعلى كده استمرى بس مش تجاهل بس لا تجاهل مع اهتمام كبير بنفسك ومظهرك وربنا يرزقك يارب الذريه الصالحه عاجلا وليس اجلا وحاولى تتابعى تطور الطب لحملك أن شاءالله الطب فى كل يوم جديد

 

[Rony Ana]

انا اديك خطة من يوم الليلة ماتتصلي انتي ولاترسلي ولمن يقول ليك طالع لاصحابي قول ليهو طوالي حبيبي امشي غير جو وسلم عليهم واحسن برضو علشان انا عندي جلسة خاصة مع نفسي لو شالك قولي ليهو لمن ترجع حنشوف بعينك وخليهو وهو مع اصحابو يكون بالو مشغول مع الجلسة الخاصة واقعك تشرحي ليهو والجلسة حتكون انك حتهتمي بنفسك بدكير وساونا ونيو لوك لمن يرجع حينبهر وليلتكم حتكون حمراء بكرة الصبح خليك عادية كانو ماحصل بينكم علاقة عادي جدا ولمن يتصل عليك اوووعك تردي عليهو بسرعة ردس بعد المكالمة الثالثة وبيني انك مشغولة وقولي ليهو ماشة لأهلي اغير جو شوية وامشي وخليهو هو اللي يفتش عليك ويقلق انك مابتعبريهو ليه وتعالي من أهلك بنيولوك جديد وشخصية تانية جيبي روايات كتيرة تشغلي نفسك بيها انزلي كورسات اتعلمي حاجات جديدة اعملي ليك كيان براك حتلاقيه مشغول بيكي جدا

 

[Mariam MOo]

جربى تروحى لدكتور لموضوع الخلفة لعله خير...وانتى متكتميش على نفسه سيبيه بارحته مع قيامك واجباتك تجاهه اهتمى بنفسك لان اهتمام الرجل بينبع من اهتمام المراة بتفسها وصلى وادعى كتير ربنا يهديه ويصلح ااحال