خطيبي اقترح اننا نجيب شبكة صيني كبيرة بجانب الدبلة والمحبس

[المحتارة]

يابنات انا علي وش خطوبة وماتكلمناش في الشبكة وقلنا هدية من العريس بس المبلغ المحدد قليل في عين عيلتي وهما بيهمهم المظاهر اكتر من اي حاجة
دلوقتي هو اقتراح اننا نجيب شبكة صيني كبيرة بجانب الدبلة والمحبس
نعمل كدة ولا هنرمي فلوس الشبكة في الارض؟

 

[bfifa]

طبعا فلوس مرمية فى الارض .. حتى لو المبلغ قليل بس اسمه دهب ياعنى تتحول لفلوس
لكن الدهب الصينى دة هتعملى بى ايه لابيتباع ولا هتستفادى بى فى حاجة .. اوعى

 

[بشارة قادمة]

بصي الصراحة ما فيش احسن من الصراحة انا ممكن احكي لك عشرات القصص من الاقارب والمعارف اللي اتكشف المقربين منهم بعد فترة انهم جابو دهب صيني طيب ايه المغزي بقي والنتيجة في الاخر ان نظرة المقربين اللي هما المقصودين انهم يعرفو انهم جابو دهب كتير وغالي هما نفسهم اللي هيكتشفو الكذبة ديه طيب ليه فكري مرة وعشرة قبل ما تعملو كدا