جرحت خطيبي وسابني اعمل ايه ساعدونى يابنات

المحتارة

فتوكة ونص
فتكات المحتارة
انا كنت مخطوبه خطوبه تقليديه بس حبيته اوي من كل قلبي كان اول حد في حياتي ..هو كان طيب وكويس وساعات كان حنين عليا اوي... بس كان عيبه السجاير وانا عندي عقده منها قبل الخطوبه قعدت معاه مره واثنين وفهمته ان انا عندي عقده منها قالي انا اصلا تعبت منها وهبطلها وساعديني وانا صدقته وساعدته فعلا وجبتله حجات كتير من الصيدليه علشان يبطلها ووقفت جمبه كتير ومره اتخانقنا مع بعض بسبب السجاير كانت اول مشكله تحصل بينا ووقتها قالي كلام وحش رديت عليه وقولتله للدرجاتي مدايقاك بلاش مني وانا لما هرجع هكلم اخويا يرجعلك حاجتك.. (علشان كنت في محافظه تانيه وكان صابح عندي امتحان ) قفلت معاه وانا بعيط ومعرفتش ازاكر ورجعت اتصلت بيه كتير مردش وبعتله رسايل اعتذرله كتير بس برده مردش تاني يوم رحت امتحنت وروحت البيت وهو معبرنيش ولى حتى يطمن عليا وانا مسافره ولقيته شاكيني لاهلي وهيجيب اهله علشان يحط النقط على الحروف وجم اهله غسلوني هو يشرب ولى ما يشربش هو حر انتي حرقتي دمه انتي وانتي هو مش هيبطلها واقبله على كدا ومامته شدتني من ودني قدام اخواتي وقدامه وهو انكر ان هو قالي اي كلمه وحشه وبعدها هدينا واتصالحنا واتعاتبنا وقولتله مش انت وعدتي هتبطلها قالي اه وملكيش دعوى بكلامهم وانا عند وعدي... وسامحته ...
انا خليت اهلي يتنازله عن حجات كتير في الاتفقات علشان بحبه وعاوزاه وبعد خطوبتناا بكام شهر اختي اتخطبت وبدات المشاكل واهلي يعايروني بان انا اقل من اختي وان اهل خطيبها شارينها وبيجبولها كل حاجه وانا لا انا كنت عبيطه بسمع الكلام دا وبدايق واعيط وبعدي علشان بحب خطيبي ومش يفرق معايا حاجه بس غلطتي اني كنت بعتبره احن حد عليا واقرب حد ليا وحكتله كل حاجه وكل الكلام الي بيتقال مكنش قصدي حاجه غير اني بفضفض معاه..
بعدها حصل بينا شد بسبب السجاير تاني بس المره دي مغلطش فيه في حاجه قولتله بص انا مش هسيبك بس مش هنتجوز غير لما تبطلها انا كنت فاكره ان بكدها هيبطلها اسرع علشان بيحبني راح اتقمص وقالي ماشي سبيلي افكر واقولك قراري بعدها اتصلت بيه قولتله مش هتيجي قالي مش جاي قولتله طيب انا هخرج مع صاحبتي خرجت وعربيه خبطتني وكنت تعبانه وهو مفكرش حتى يتصل بيا لحد الساعه 2 ولى يعرف حتى انا فين اتصلت بيه لقيته بيرد عليا نعم عاوزه ايه قولتله مش عاوزه حاجه انا بس بطمنك اني روحت قالي ماشي مع السلامه قولتله دا بدل ما انت الي تتصل وتطمن عليا قالي اخلصي عاوزه ايه صعبت عليا نفسي وقتها وقولتله مش عاوزه حاجه انا شكلي طلبت الرقم غلط مش بكلم خطيبي وكنت بعيط راح مردش عليا اتعصبت قولتله انا مش كلبه علشان ترميني كدا ومتفكرش تسال فيا انا واحده ومن بيت محترم وينفعش واحد زيك يكلمني كدا... وكان صوتي عالي
اخدها على كرامته وشاف اني كدا شايفه ان هو قليل وراح قالي انا زباله ومن الشارع وانتي بنت الاصول وربنا مش هيسامحك على الي بتعمليه قولتله واللهي حسبي الله ونعم الوكيل ربنا عالم انا بعمل علشانك ايه... (اقسم بالله كنت بشتغل شغلين في اليوم علشان اساعده علشان ميبقاش اقل من حد)
راح قفل ورجع كلمني وقالي انا مش هكمل معاكي والموضوع دا انتهى اتاسفتله وقولتله عارفه اني غلطانه حقك عليا انا مكنش قصدي وان عربيه خبطتني وكان نفسي انت الي تتصل عليا وتتطمن واعتذارات كتير وتعبت وجالي نزيف وكنت بموت خليت اختي تكلمه قالها صحي حد من اخواتها يوديها المستشفى وخليها متتصلش بيا تاني... اختي كلمت مامته ماصدقت وقالت عليا كلام وحش وقالت لاختي هيا نكديه وخنقته وانا قولتله سبها كذا مره مرضيش خلاص بقى سبولي ابني تعبتوه وكلام من ده...
تاني يوم مامتي واخويا وانا كلمناه مرضيش قعدت اعبط واقوله متسبنيش ابوس ايدك يقولي خلاص انا قولت لاخويا مش عاوزك ويجبلي حاجتي ومش هصغر اخويا...
بابا كلمه قاله استنى بس لما انزل واصالحكم وهجبها لحد عندك تعتذر ليك ولوالدتك قاله لا انا قولت لاخويا يجبلي الحاجه...
بعد الفسخ كلمته كتير وقولتله انا جرحتك بس غصب عني واعتذرت كتير برده بقى بيهني زياده ويقولي انا الي سايبك انا الي مش عاوزك متتصليش بيا تاني عاوزاني اروح اقول لماما عاوز ارجع لواحده بتحسبن عليا انتي مش محترمه وكلام وحش...
وهو حتى لو حنلي ماته مقوياه عليا وبتقوله دي مش هتنفعك واني مدلعه ومش بتاعت مسؤليه وهسبله العيال وامشي وهتعبه وكلام وحش اوي وانا مش كدا اقسم بالله....
انا تعبانه اوي من غيره ودلوقتي فات 5 شهور وهو ولى فكر يتصل او حتى يبعتلي رساله وعملي بلوك من كل حاجه...
اعمل ايه ساعدوني انا مكسوره اوي...
وكل حد بيتقدملي برفضه واول لما فسخت اتقدملي اثنين كلمته وقولتله قالي ارفضي... قولتله هترجعلي قالي مش راجع قولتله هستناك سنه اثنين قولي بس انك عاوزني قالي مش عاوزك...
 

bfifa

فتوكة ونص
ليه بتعملى فى نفسك كدة مافداهية دة مش شاريكى وهتتعبى معاه قوى وحتة السجاير دى مش هيبطلها وهتفرقى منه اوى لو اتجوزتيه لان اللى بيشرب سجاير بتبقة ريحه نفسه لاتطاق ازاى هتنامى جانبه دة هيخنقك .. شوفى حالك يابنت الناس والحياة مابتقفش عند حد
 

Amals

فتوكة
ايه قلة الكرامة دى يا بنتى ما يغور فى داهية هو و أهله .. للأسف انتى مرخصة نفسك و أهلك برضه مرخصينك جدا
 

Mariam MOo

فتوكة ونص
دا انتى لو اتجوزتيه عيشتك هتبقى هم وغم ....ومش هتتمتعى بحياتك ....وبعدين المثل بيقولك خدى الى بيحبك ومتخديش الى بتحبيه.....انا كنت بقرا المشكلة بتعتك وانا بتقطع .....يعنى قليلتى من نفسك اوووى ....ودوستى على كرامتك اووووى اووووى .....من واجب الزوج انو يحفظ كرامة مراته حتى من اهل بيته....وهو محفظش كرامتك وانتى لسه خطيبته وعلى البر ...امال لما تبقى ملكه هيعمل فيكى اى .....انا نصبحتى ليكى ...انك تفتكرى كرامتك الى نسيتها وتنسى الشخص داا....دا اصلا مش راجل عشان مامته تمسكك من ودنك وتهينك قدامه وهو قاعد.....انا مامتى متعملش معايا كدا .....بالك بقى بام خطيبى .....وبعدين يختى الى بعنا خسر دلعنا.....والبت ملهاش غير كرامتها....وانتى كرامتك دوستى عليها باقدم جذمة عندك ومش بس كدا انتى جبتى ناس تدوس على كرامتك معاكى وياريتهم ناس تستاهل...احمدى ربنا انو خلصك من الشخص دا ...وبعدين يعنى ازاى يشرب ولا ميشربش هو حر ....لا طبعا مش حر انتى الى هتبقى مراته ....وكويس انك قولتيله انك مش هتتجوزيه غير لما يبطلها....خليكى قوية مش موقف ذى دا يخليكى تقليلى من كرامتك بالشكل دا .....وانتى غلطى غلط كبير لما اتصلتى بيه بعد ما فسختى الخطوبة .....ونصحيتى ليكى لو هو جيه تانى واتقدملك وهو مبطل سجاير حتى ...متقبليهوش ...دا مش راجل يصونك ...انا قولتك وانتى حره.....ربنا يا رب يهديكى ويصلحلك حالك ...حاولى تنسية بانك تقربى اكتر من ربنا .....ولو اتقدملك واحد تانى وكان شخص كويس اقبليه وانسى الشخص دا تماما .....احنا بنعيش الحياة دى مرة واحدة ...يبقى نعيش المرة دى واحنا مبسوطين ولا واحنا نفسيتنا تعبانه واحنا بنقل من كرامتنا
 

ZAhmed

فتوكة لهلوبة
ليه الذل والهوان ده
على ايه يعني؟
وبترفضي غيره ايه الهبل ده؟
اكتبي في ورقة مميزاته وعيوبه هتلاقي عيوبه كتير واولهم امه وغروره وعصابته وووووو
ربنا بيحبك عشان هو اللي سابك عشان مش تندمي وتتحسري وتقولي يا ريتني
اللي باعك ارميه ولا تعبريه واتخطبي للاحسن منه
 
ا

ام عمار

غير مسجلة
احمدي ربنا انكم سبتو بعض لو كان كمل معاكي هيذلك
 

يمكنك أيضا مشاهدة