اخويا بيطرد خطيبي من البيت

ورد البستان

فتوكة جديدة
انا محتاجه نصيحه بالله عليكم
انا مخطوبه من سنه و ثلاث شهور للشاب اللي حبيته كذا سنه في الجامعه
وهو كويس جدا معايا ومحترم جدا ومتغيرش حبه ليا بالعكس بيزيد حبه فيا
لحد ما كان في ظرف من فترة ف أضطر انه يجيلنا البيت زيارة طبعا كنا عارفين انه جاي بس مكناش مرتبينلها واخويا الكبير مكنش موجود كان ف الشغل اخويا قدامه شخرين ويتجوز بالمناسبه وبابا متوفي المهم لما عرف ان خطيبي جاي قال لامي امنعيه انه يجي بس امي قالتله انها طالما موجوده ف البيت مافيش مشكله وجه عادي ومشي بس هو يعتبر كلمه وشبه طرده خطيبي قالي انه شاريني وبيحبني وهيعتبر محصلش حاجه وفعلا ده حصل وبيعامل اخويا كويس وبعديها حصل لاخويا ظرف خطيبي ساعده ماديا بفلوس يعني ومبلغ كان كبير حوالي 2000 جنيه لحد ما نفس الموضوع اتكرر تاني في رمضان ساعتها اخويا اتصل بخطيبي وهزأقه واتخانق معاه وطرده من البيت مع ان امي هي اللي كانت قايله لخطيبي يجي مجاش من نفسه بس هو اخويا عامل نفسه راجل البيت وخطيبي مستغرب بيقولي ان اما اخويا يتجوز علي كدا مش هاجيلك البيت خالص!؟ وبصراحه انا وماما مغلطين اخويا بس الوضع بقي وحش وخطيبي لاول مرة قالي انا تعبت ومش مرتاح للخطوبه دي وخايفه يسيبني لاني حرفيا مش هلاقي زيه وبحبه جدا ومش عارفه اتصرف ازاي منه لله اخويا والله
 

Mariam MOo

فتوكة ونص
خلى امك تتصرف مع اخوكى وتعرفه ان هى لسه عايشة وان كلمتها هى الى تمشى على الكل......وبعدين متخليش امك تتطلب من خطيبك انو يجى طلما اخوكى مش موجود....تجنبى المشاكل دى ........وعرفى خطيبك ان انتى شارياه بدال هو شخص كويس.......وعلى فكره اخوكى فعلا راجل البيت بعد والدك الله يرحمه ودلوقتى اخوكى مطالب انو سرد المبلغ الى استلفه لخطيبك ....خلى مامتك تكلمه ..وتقوله يعنى انت بتتخانق معاه وتزعقله وانت مديونله بفلوس.... ولو خطيبك دا مش شاريكى وقرر انو يسيبك حاولى تراضيه مره واحده....رضى تمام ...مرضيش يبقى خلاص كل واحد يروح لحاله
 

وتر العود

فتوكة جديدة
رد مريم ما شاء الله كويس جدااا بس احب اضيف عليه متعاديش اخوكي حاولي تقربي منه علي قد ما تقدري خليه في صفك وقربي من خطيبته لو بيحبها هتقف في صفك طول الوقت وسايسي امورك وان شاء خير يا حبيبتى
 

يمكنك أيضا مشاهدة