اهل خطيبي عندهم قله ذوق

حياه

فتوكة جديدة
السلام عليكم من زمان وانا بشوف المنتدى و بتابعه بس عمري مافكرت ادخل فيه كنت دايما براقب من بعيد لحد ماقررت اخد الخطوه المهم انا فيا عيب منغص عليا حياتي كلها من وانا صغيره ان دماغي ع طول شغاله و بفكر ع طول و اوقات كتير مش بنسى انا مخطوبه من سنه و كام شهر المهم اني من اول الخطوبه و انا بلاقي من اهل خطيبي قله ذوق يعني مثلا اجيب هديه لاخته مالاقيش رد فعل منها ولا تعبر يوم الخطوبه كنا داخلين بالنص و اتفضل اكل و بيبسي ماخدناش منهم حاجه و والله مش حوار اكل و شرب بس علشان الحركه مع العلم ان القاعه كانت تاخد ٧٥ لكل واحد و خطيبي زود من عنده ٥٠ فرد و قال هاتي زياده عادي و على كده حاجات تانيه بس هما مش ناس بخيله خالص الحق يتقال و اوقات عادي بيقدروني موقف تاني هما لما جم اتفقوا ماحددوش ميعاد ع اساس ان خطيبي كان لسه قدامه شويه و احنا ماتكلمناش في ميعاد بس اتفقوا ع كل حاجه كان ناقص بس الميعاد لما خطيبي جيه يتفق جيه لوحده و قال ان والده عنده شغل من الصبح لبليل لاخر الشهر و مش هييجي معايا واحنا مش عايزين نتأخر في الاتفاق عن كده و احنا كده كده متفقين ع الخطوط العريضه احنا هنتفق ع ميعاد بس انا ساعتها اتضايقت جدا لاني حسيت اني ماليش قيمه و كان عادي يفضي نفسه ساعتين مش هما دول اللي كانوا هيعملوا الازمه حسيت اني بالنسبالهم ماليش قيمه و مش عارفه انا مكبره الموضوع ولا لا و كل اللي بيتقالي ان كل الجوازات بيحصل فيها مواقف انا اللي مزعلني اني بشوفهم بيتصرفوا مع ناس تانيه عادي و بذوق ع طول يعني لما يحبوا يبقوا ذوق و لو حتى بالكلام بيعرفوا المشكله بقى ان قلبي شايل و انا معترفه اني بشيل و بقفل من اللي قدامي لما ييجي موقف في التاني في التاالت و انا دلوقتي مخنوقه و كل مافتكر موقف اتخنق اكتر و خصوصا اني مش باخد رد فعل و مش بعرف ابقى قليله الذوق معاهم زي مابيعملوا و عمري ماهعرف و مش عارفه اعمل ايه في نفسي
 

bfifa

فتوكة ونص
انتى اوفر اوى الصراحة
فين قلة الذوق فى اهل جوزك
اكل ايه اللى عايزة تاخدى نصه من القاعة بعد الفرح
وبعدين الناس جم واتفقوا على كل حاجة فين قلة الذوق لما خطيبك ييجى يحدد الميعاد لوحده .. مش هما اللى ماعملولكيش قيمة انتى اللى مديا لنفسك قيمة وحق اكتر من المفروض
على حسب قولك انتى اللى بتشيلى يبقة دى مسئوليتك انتى صفى نفسك ونيتك وهتلاقى الامور ماشية زى الفل وافرحى بجوازك بدل التفاهات اللى حاطاها فى دماغك دى
 

فيروز حافظ

فتوكة جديدة
المهم خطيبك معاكي ازاي ؟ قليل الزوق برده ولا بيراعي مشاعرك وبيخاف عليكي ،،، ومش هتعرفي تعامليهم بمعاملتهم الا لما تدخلي بيتهم ... ويفضل عشان تحافظي ع نفسك ومحدش يجرح حد انك تعيشي مستقله عنهم
 
س

سوسو لولو

غير مسجلة
اوووفر اوي ايه الهيافات دي يابنتي
انتي متأكده انك عايزة تكوني بيت واسرة
مادام ماحدش اهانك مالك ومالهم
وباعدين المناسبات جايه كتير مستعجله ع ايه اخت جوزك مسيرها ترجعلك الهديه
انتي مالك ومال ابوه ماخلاص قعدة الرجاله وخلصت عادي يعني كبري دماغك ممكن فعلا مشغول وانتي تعرفي شغله من فين علشان تحددي هما ساعتين يجيهم
يمكن في اولويات يروح يرتاح الساعتين دول
ولا اي حاجه تانيه
انتي هاتتجوزي يا قلبي
يعني لوفضلتي بنفس العقليه دي مع كمية
المواقف اللي هاتحصل معاكي مش هاتكملي مع جوزك شهر واحد
اعقلي وكبري دماغك لما تدي ماتستنيش من حد حاجه اعملي الحاجه دايما لوجه الله حتي لو ماترددتش
ربنا يصلح حالك وحالنا ويسعدك
 

يمكنك أيضا مشاهدة