Do_d
فتوكة جديدة
متجوزه من 4سنين كان خلال 3سنين الأولي بيسافر يقعد بال 50يوم ويجي 10ايام كان بيخليني اروح اقعد عند اهلي لاني كنت بخاف اقعد ف الشقه لوحدي وانا ف مكان بعيد عنهم وعن أهله مكنش يديني فلوس وهو مسافر وانا كنت بتكسف اطلب انا بشتغل وكانت أمه لو هروح الشقه بدري كام يوم اروقها وكده تقعد تتصل بيا تقولي ايه اللي يجيبك خليكي كلي واشربي براحتك فعرفت من وقتها أنها هي اللي منبهه عليه ميدنيش فلوس مع أن كان في اتفاق بيني وبينه أن محدش يدخل ف قراراتنا نهائي كان ماشاء الله مرتبه وقتها يرجع ب 5الاف يصرف منهم مثلا الفين ف الايام اللي قاعدين ويدفع كهربا وميه وايجار ويديهم الباقي عشان كانوا بيبنوا بيتهم جيت ولدت بنتي وقررت اقعد ف شقتي اتفقت حماتي عملت عليا حوار امي شتمت ع سلفتي وخلتنا نقاطع بعض وطلعوني انا وحشه وبتاعت مشاكل وبقوا محدش يرفع سماعة تليفونه يسأل عليا انا وبنتي يشوفونا عايشين ولا ميتين هما ساكنين في نفس منطقتي واهلي ف محافظه تانيه واول مره سافر فيها بعد ما قعدت ف الشقه بعتلي 500جنيه ف البريد هي اللي سحبتهم من بعدها بقي قبل ما يسافر يسبلي 200جنيه زي ما يكون اتخانقت معاه وقالتله كتير وانا برضو كنت بتكسف اطلب اينعم كان بيجيب اللحمه والفراخ والسمك والبامبرز قبل ما يسافر بس 200جنيه تكفي ايه ده لو روحت لدكتور للبنت هتتصرف كلها طبعا من اول ما اتجوزت لو روحت انا اكشف انا اللي بدفع كشف وعلاج يمكن مره هو اللي دفعلي متكلمتش ع كل ده وسكتت جه قعد حاله شغل قريب مننا بس مرتبه قليل برضو مرتبي كله بيتصرف مش بعرف اشيل حاجه لنفسي خالص طبعا امه منبهه عليه لا كسوة ليا ولا للبنت هو يدفعها انا اللي بجيب من وقت ما اتجوزت مجبليش غير عبايه واحده والبنت قبل ما تتولد جبلها الهدوم بتاعتها وبس مش بيجيلي هديه ف عيد ميلادي انا اللي بجبله مش بنخرج نتفسح عشان ميزعلوش مش بيقول كلام حلو ولا حتي بيحسسني أنه بيقدر اللي بعمله ولا اي حاجه الفتره الاخيره عنده اخت تقريبا تعبانه نفسيا بتقعد لوحدها تصوت وتشتم امها واخواتها وع طول خناق معاه وانا دائما أقوله ملكش دعوة بيها حصلت مشكله بينه وبينها اتهموني اني اللي سلطته عليها واتصلوا يتحسبنوا فيا رحت اتحسبنت فيهم ده اللي عملته قامت الدنيا ومقعدتش عليا هو اتصالح معهم وانا طلعت الوحشه بتاعت المشاكل رحت حكيت لسلفتي عشان تهدي الدنيا راحت قلبت كلامي بشكل تاني اني بشتم عليهم وزدوت المشاكل اكتر هو كل ما يروح عندهم تجيب وتقول عليا وتسلطه ساعات يبان عليه وساعات لا اللي مضايقني اليومين دول اني ممكن اقول كلمه عاديه يروح متعصب ويزعق من غير سبب ويرجع بعدين يقولي أنتي بتعملي مشاكل وميدنيش فرصه اني اتكلم وادافع عن نفسي خالص خالص يقلب الدنيا عليا انا جوايا صراعات جوه دماغي وحوارات نفسي اقولها اخلص منها بس خايفه اقول كل اللي جوايا اقول كلام يجرح بس انا تعبت من الكبت اللي معيشني فيه. قبل ما يتجوزني لما شافني عجبه تفكيري ودلوقتي بيتعامل معايا كأني عبده عنده نسيت اقولكم أن أمه منبهه عليه منخلفش غير اتنين زي مايكون هي اللي هتحمل ولا هتدينا جنيه انا مبقتش بثق فيه ولا قادره اسكت ع التدخلات بتاعتهم وف نفس الوقت مش مخليني اتكلم لما هطق وانا حامل وتعبت اوقات يكون كويس جدا وأوقات لا يطاق وبقيت اخاف من ميعاد رجوعه البيت كان كابوس لما بيكون كده بس ف الحالتين هو اناني جدا ونفسه اولا قولولي اعمل ايه أكسبه ازاي واقول كل اللي ف نفسي ازاي ومحدش يقولي اتطلقي
