جوزى بيقولى اعمل ......عشان اخوه

المحتارة

فتوكة ونص
فتكات المحتارة
باختصار انا متجوزة بقالى سنه والحمد لله بحب جوزى وهو بيحبنى جدا كل مشاكلى معاه بسبب اهله بس مش معاهم بمعنى انه امه من النوع اللى بتبص لفلوس عيالها اوى ومره ونا قاعده معاه اول جوازى وانا وهى لوحدنا قالتلى احنا ملحقناش ندوق فلوس جوزك لان جوزى تجوزنى بعد ما اشتغل على طول واحنا اصلا مصاريفنا كتير جدا بندفع ايجار 800و50نور سلم و50بواب غير النور والميه واصلا جوزى مرتبه 1600جنيه هتقولوا عايشين ازاى والله ربنا بيمشيها والبركه هى اللى بتمشى الدنيا برغم كل ده هى عارفاه بس برضو تخليه يجبلها كروت شحن كل شويه انا بستخسر اشحن والله وااقول نوفر عشان نعرف نجيب شقه وهاتلى علاج وانا محتاجه فلوس معرفش لايه بس لما ربنا يسهل طبعا هو بيفهم ويديها انا مش معترضه والله انه يديها بس اعتراضى على الاسلوب الملتوى دى امه الله يهديها
اخواته البنات نفس الكلام بس بقى الكلام كله على اخوه وطبعا هو بيفهم بقى يعنى اخته تقوله ده انا عايزة موبايل وهى بتشتغل وجوزها مرتبه 2000جنيه يعنى اعلى مننا الاقيه بيقولى انا عايز اديها فلوس تجيب واحد انا قولتله بس براحه مع انى كنت بغلى طيب ما هى ممكن تجيبه هى ماشاء الله ربنا كرمها وانت لو هى عايزة تزود ابقى زودلها وبعدين المفروض جوزها اللى يجيب بس بهدوء عشان ميحسش انى ضدهم وعدى الموضوع وهى جابت واحد من صاحبتها
اخوه وده الشوكه اللى هكره جوزى بسببه هو خلاص هيتجوز الشهر الجاى وانا بقى كل اللى نفسى فيه انى اسافر شرم الشيخ لان هو وعدنى بالسفر ده من قبل الجواز انا اهلى كانوا فى الغردقه من اسبوع بس انا مرضتش اروح معاهم لانى بضايق من مرات اخويا ومكنش هينفع جوزى يبقى معانا وانا نفسى اروح معاه حاجه فيها بحر وكده هو بقى مش موافق خالص وكل شويه يقولى خلاص هوديكى واسالى على الاسعار واسال واتعشم ويجى يقولى لا خلاص مش هنروح انا مبحبش اسافر وبعدين اخويا داخل على جواز وانا هساعده اتحرق دمى وانا مالى باخوك اخوك الى لما اتجوزنا استخسر يجبلك ابره فى جهازك اللى حتى مدناش ولا مليم ولما جه مكنش مكسوف من نفسه وهو يحرمنى انا من السفر وانى اتفسح عشان خاطره اتخنقنا مره جامد وقولتله انا عايزة اسافر قالى الموضوع هيتكلف 2000يبقى كده هدى اخويا 2000عشان انا متفسحش وهو يكون محتاج فلوس هو اولى اااااااااااااااااااااااااه نفسى اصوت هموووووت من الغيظ اخر خناقه كانت امبارح قولتله انا عايزة اروح شرم قالى لا وبطلى بقى زن انا هدى الفلوس لاخويا عشان يجيب حاجه لنفسه روحت زقيته من جمبى وقومت راح زقنى واتخنقنا مع بعض ونزل الساعه 3بليل ورجع متكلمناش والنهارده قولتله هبات عند ماما عشان ماما تعبانه مش طايقه اشوفه اعمل ايه قولولى انا ملزمه انى احرم نفسى من حاجه عشان اخو جوزى
 

Mariam MOo

فتوكة ونص
بصى يا اختى انا واحدة مش بفهم ولا فى العادات ولا التقاليد ولا الكلام دا......بس انا بابا معاه اخوه الصغير الى هو عمى لسه متجوز منفترة قصير مكملش سنه وبابا حتى الان بيصرف عليه ودى مش حاجه مديقانا ولا مديقى مامتى بالعكس بابا لو جاب لينا خضار بيجيب خضار لجدى ويحطهولو فى التلاجه وبيجيب لعمى كمان وبيجيب لينا ...مع ان احنا اربعة فى البيت غير بابا وماما وبا يدوب عايش على مرتب الحكومة الى ولا بيودى ولا بيجيب....احنا من فترة كنا فى رمضان احنا حرفيا فطرنا فول لان مفيش حاجه تتاكل فى التلاجة ....وقتها كان بابا مدى لما ١٠٠ جنية عشان درس اختى ...راح بابا اخد منها ال١٠٠ جنية ديه وادها لاخوه....مع العلم ان عمى شغال بس شغله مش جايب همه لان هو شغال فى محل......وعلى الرغم من كدا احنا عايشيين....مع العلم ان انا ليا اعمام كتير بس برضوا بابا واقف مع عمى من قبل ما يتجوز ومن قبل ما يتخطب حتى...وهو الى كان واقف معاه فى تجهيز شقته....على الرغم ان بعض اعمامى مكنوش بيعبروه ساعتها.....والى ملوش خير فى اهله صدقينى ملوش خير فيكى....انتى المفروض تفرحى ......انا نصيحتى ليكى انك تتنازلى المره دى ......وتسيبى الخناق والزعل لحاجه اقوى من كدا..........احنا مش هنموت يعنى لو مرحناش نتفسح .....مع العلم ان انا مش موافقة على طريقة حماتك واخوات جوزك دى ....انا بكره الاسلوب دا جدا.....بس انتى تفرحى لان جوزك مطلعش زيهم شخص ماادى بالعكس هو كريم وراجل ......وبالنسبة لوقفتوا مع اخوه فمن رأى دا واجبه ......ومش هيحصل حاجه لو اتنزلتى عن خروجة شرم يعنى .....اكيد ربنا هيعوضك ان شاء الله ....انا قولتلك رايى بصراحة اتمنى انى مكنوش زعلتك فى حاجه❤ربنا يصلحلك الحال يارب
 
ن

نونا نونا

غير مسجلة
بصي هو انتي لو ينفع جوزك يشتغل فالعاشر هياخد 4 الف جنيه واكتر جوزي شغال نسيج هناك
 
ن

نانا المصريه

غير مسجلة
شرم للشيخ ايه الى ب٢٠٠٠ جنيه احنا هنستهبل
 
ا

ام عمار

غير مسجلة
معلش يا محتارة جوزك عايز يساعد أخوه وربنا هيرزق زوجك بسبب أنه بيفك أزمة أخوه معلش اصبري لحد ما اخوه يتجوز ساعتها الدنيا هتظبط معاه أن شاء الله
وخلي عندك صبر والخروج لشرم مش شيء ضروري
 

يمكنك أيضا مشاهدة