سلفي بيحبني اعمل ايه

المحتارة

فتوكة ونص
فتكات المحتارة
يا بنات حطو نفسكم مكاني سلفي متجوز بس مهتم بيا أكثر من مراته على طول بيسال عليا، بيجيبلي حاجات اكل و طرح و بخور و حاجات كدة، اما يكلمني بيقعد يبصلي في عينيا بطريقة محرجة و يتعمد يلمس ايديا اما يديلي كيس أو ياخد بنتي مني و حاجات كتير كدة مش مباشرة بس معناها واضح
اتصرف معاه ازاي
 

Mariam MOo

فتوكة ونص
ابعدى عنه تماما الله يهديكى .......حاولى متقعديش فى الحته الى هو قاعد فيها ولو سألك جاوبى على قد السؤال لا تزودى كلمة ولا تنقصى كلمة ......ولو جاب اى حاجه للبيت خلى جوزك هو الى يطلع ياخدها منو ....،ولو كنتو متجمعين مثلا العيلة او كدا.....متتكلميش معاه اتكلمى مع مراته او اى حد غيروا .....ولو مثلا هو جيه لواحده ....سلمى وادخلى متقعديش معاهم........ودايما قوليلوه انت اخويا .....انت زى اخويا كدا .....اتكى على الحته دى ........ولو حصلت منو اى مضاعفات مع الوقت ...اتكلمى بنظراتك خلى نظراتك نحيته ناريه ..... خلى معاملتك معاه جافة ومن خلال جوزك فقط .....توصلى سلامك ليه من خلال جوزك.......لو هو جيه عندكوا ......اعملى مثلا الشاى واندهى على جوزك يخدوا منك متدخليش......ولو جوزك قالك ليه مدخلتيش قوليلوا عشان مش لابسه حاجه واسعة مثلا......ولو جوزك قالك طب روحى البسى وتعالى سلمى ....روحى البسيلك اسدال وسلمى وامشى .......او سلمى واقعدى على مسافة بعيدة منو دقيقتين وقومى اتحججى بأى حاجه........مشى امورك كده......حاولى تصدرى جوزك فى اى معاملات مع اخوه.......ابعدى عنو على قد ما تقدرى ....وربنا يا رب يهديه
 

ZAhmed

فتوكة لهلوبة
مش تتعاملي معاه خالص خلي تعاملك مع مراته واتحججي بان حرام رجاله وستات يتعاملوا مع بعض عادي
 

مس صابرين

فتوكة جديدة
إنسان معدوم الدين والأخلاق لا يعرف غض البصر ولا يعرف حرمة البيت ولا يعرف دين الله ...هذا شيطان في شكل إنسان لا تجتمعي معه في مكان وعليكي أنتي الأخرى بغض البصر ولبس الفضاض وعدم الحديث معه ولا المزاح معه ولا تتواجدي معه في أي مكان إلا في أضيق الحدود وإذا وجد منك الشخصية المؤمنة القوية المحافظة على حدود الله لم يفعل مثل هذا الشيء وسيخاف منك وأنتي باستطاعتك أن تردي وتكفي عنك الأذى بطريقتك الحادة وأسلوبك الصارم وكلامك عن دين الله وعن حدود أما إذا وجد منك الضحك والهزار واللبس الضيق فأنتي جزء لا يتجزأ من فعله اتقي الله ستجديه معك في كل خطوة ربنا يحفظك ويخرجك من الدنيا وهو راض عنك اللهم آمين
 

نسرينا

فتوكة
اعوذ بالله من غضب الله حبيبتي ابعدي عنه نهائيًا قبل مايتخرب بيتك وارفضي. اي حاجة من عنده وخلي يعطيها لمراتو
 
ا

ام عمار

غير مسجلة
لا حول ولا قوه الا بالله
ارضي اي هدايا واحرجيه قوليله خليها لمراتك
خدي بالك عشان ميخربش بيتك ربنا يسترك دنيا واخرة
 
يمكنك أيضا مشاهدة المنتدى التاريخ
Ghadah شكاوى المحتارة 2

يمكنك أيضا مشاهدة