خطيبي عايز مني ايه؟

[ساره سيد]

السلام عليكم يابنات
انا عندي 25 سنه اتقدم لي واحد قريبنا من معارفنا
انا قعدت معاه رؤيه شرعيه ووافقت
سالنا قرايبنا والناس الي يعرفوه أكتر مننا قالوا كويس
بس عيبه انه بيكذب
مش بيكذب كذب وحش
بس بيأفور في الكلام
واللي مضايقين منه قالوا ده منافق
اذا حدث كذب واذا وعد اخلف واذا اؤتمن خان
تقدروا تقولوا 4 من جهات مختلفه
اتفقوا علي النقطه دي وهم ميعرفوش اراء بعض
وده كان اول كلام عنه
هو بالنسبه لي شخص طيب ومحترم و ساعات بيشد معايا في الكلام بس بيرجع يصالحني ويطلب اني اسامحه
بس بيكدب يقول لا انا مقلتش
بس هو كويس معايا في اي صفات تانيه.اي واحده تتمناها
هو شكله قمور و بيشتغل شغلانه محترمه في مكان محترم
بس مثلا ساعات اقوله انت عملت حاجه كذا؟؟؟؟؟؟
يقولي اه عملت
واكتشف انه معملش واثبتله ده ...
بس مبضغطش عليه عشان محرجوش
ظهرلي انه بيكذب حتي الان مرتين
لكن في الاتفاقات وفي الشقه وفي كل حاجه كان كل شئ ماشي تمام ونفذ كل الي قاله ....

المشكله اني حاسه اني مش بحبه اووووي
يعني هتجوزه وكده عشان دي سنه الحياه
مفيش شغف بالنسبه لي
بس خايفه اظلمه واظلم نفسي
عملت استخاارراره كتيررررر
وسالت ناس كتير
وكلهم بيخوفوني بباقي الجوازات والمشاكل الي بتحصل
فيه رجاله بتعمل بلاوي وان هو كويس

بس حصل موقف اخير
كان كل مره بنتخانق كان بيطلعني غلطانه وكنت بحس اني بظلمه
اخر مره وبزعل من نفسب بس اخر مره لما اتعصب عليا انا كتبت الكلام الي قاله انا جيت سالته بعدها
يفضل يقولي انا مش فاكر
وينكر الي قاله
وفي نص الكلام بكتشف انع عارف هو قال ايه وانه فاكر كل حاجه
كان دايما يحسسني اني ظالمه وكنت بصدقه
المره دي فعلا متاكده انه قال الكلام ده لاني كتبته
كل مره كنت بتوهم لان لما باجي الومه بيقعد يبرررلي ويقولي.اني مفتريه وانه مسكين
بس المره دي اثبتله وطلعتله كل حاجه قالها وفعلا لحد مازنقته وهو.اعتذر
انا.يابنات
عندي مشكلتين
مش بحبه اوي مش عندي الحماس والشغف والروح الحلوه خالاااااالص
تاني حاجه
خايفه من كذبه يخليني مش طايقه العيشه معاه بعد كده
ثالثا
خايفه اظلمه
ويابخت من بات مظلوم ولا بات ظاللللم
اتجوز وانا مظلومه احسن مااكون ظالمه



خفوا عليا.يابنات عشان انا علي اخري
وكلهم بيقنعوني اني اكمل
كل فتره اقول افسخ كل الناس بتقولي هتخسري
ياريت محدش يشتمني عشان انا تعبت نفسيا
وبستغفر وبدعي وبصلي.استخااره
يارب.لو مفيش خير ابعده عني

 

[bfifa]

مافيش حاجة حبيبتى اسمها انا هتجوزه وخلاص علشان دى سنة الحياة
اولا انتى مش بتحبيه
ثانيا كداب
خلى بالك اللى يكدب فى الصغيرة هيكدب فى الكبيرة
هتفضلى طول عمرك شايفاه صغير فى نظرك
طب ليه يابنت الناس
فكرى كويس الجواز مسئولية كبيرة جدا وشكلك هتتعبى معاه اوى
الحقى نفسك وخدى قرارك بدرى بدل ماتندمى بعد فوات الاوان

 

[ضيفة بحب فتكات]

سيبيه بس كده

ليه تيجي علي نفسك مين أكد إن دا نصيبك وبعدين تتجوزي وتظهر مشاكل كبيرة وهو بيكدب وكل مرة هيطلعك انت اللي غلطانة

اوعي هو مش اخر راجل في الدنيا بلاش تيجي علي نفسك وخصوصاً انت مش بتحبيه

يابنتي الجواز مش لعبة الجواز مسؤلية فلو مش بتحبيه وكمان في صفات صعبة زي الكدب والنفاق يبقي بلاش لو انت مش متحملاه دلوقت بعد الجواز الاول هتحبيه شوية وبعدين هتكرهيه وتكرهي اليوم اللي فكرتي انك تاخديه

اعملي استخارة قبل ما تسيبه وادعي ربنا يعوضك بأحسن منه ربنا كريم وواسع الرزق بس ادعي واطلبي اللي عايزاه من ربنا