بحب واحد عنده 71 سنة

[نونا20888]

انا عندي 24 سنة حبيت صاحب الشغل جدااا حسيت نحيته بإحساس محستهوش ناحية اي شاب بفرح لما بشوفه و بزعل لو غاب عني يوم مقدرش مسمعش صوته بغير عليه من الهوا حتى ريحته لما بشمها بحس اني طايرة شايفاه احسن حد في الدنيا بس هو عنده 71 جد يعني بس غصب عني مش عارفة اتحكم في مشاعري اكيد اي حد هيعرف هيقولي بتحبيه عشان فلوسه بس بالعكس عمري ما بصيت للناحية دي انا مش عارفة اعمل ايه انا مجنونة و لا ده طبيعي و ممكن يحصل ؟؟

 

[جيجي]

بصي مش هقلك فرق السن والتفاهم والكلام ده لانى بؤمن ان الحب بيدوب المسافات
بس لازم تعرفى ان حتى لو اتجوزتوا وفكر فيكي هو خلاص مهما عاش هييجي وقت ويفارقك وهتتعبي جدا
ووقتها هتدخلى فى مشاكل مع اهله والميراث وكل الناس هتبصلك على انك انسانة وحشة ضحكتى على الراجل
وفرصك فى الجواز هتكون قليلة لانك ارملة ففكري بشكل صح وابعدى وافضل تسيبي الشغل ده

 

[نونا20888]

ممكن بتحبيه زي والدك و انتي خلطتي بين المشاعر

 

[bfifa]

اكيد كان عندك مشكلة مع والدك وفاقدة الحنان .. دة مش حب حبيبتى دى عاطفة ابويا ..

 

[حرام عليكي]

‍

 

[جيجي]

انا رديت على المشكلة دى ياترى ليه الرد متحطش

 

[Mariam atef]

حاولي تتحكمي في مشاعرك ده مش حب ممكن يكون اعجاب وانتي لسه صغيره جدا وهو يعتبر جدك اتحكمي في مشاعرك ياحبيبتي لان ده مش حب وربنا يصلحلك حالك يارب

 

[sma amer]

لا مش طبيعى
انتى مفتقدة الاب

 

[سمراء]

ركزي

 

[tna we rna]

الحياة لسة قدامك مضيعاش

 

[شمس و قمراية]

هو تقدم لكى اصلا
غالبا متزوج و جد و لا تمثلى شىء له
ما تزعليش منى
انتى متوهمة ان عشان سنك صغير بالنسبة له فبمجرد ما حتدى له اهتمام حيتيم بيكى
او بمجرد ما يطلق مراته او تتوفى حتبقى نمرة ٢ بعدها
مش يمكن تكونى مش فتاة احلامه و مهما حصل ال ذكرته مش حييجى يتجوزك
و حتى لو حصل ال ذكرته و هو اعجب بيكى فمش حيقدر ياخد قرار التقدم لكى لانه اد جدك
خلى بالك الرجالة ما بيضيعوش وقت و لا يؤسروا لاى ست
فلو واحدة ظروفها مش متناسبة معاه و هو عايز يتجوز فحيتجوز تانى واحدة مستلطفها بعدها
يبقى العقل بيقول ان لو جه لك عريس ما ترفضيهوش انتظارا لده
و لو العريس شكله و طريقة كلامه ما عجبتكيش بس مستواه المادى مقبول و طباعك متوافقة معاه و مع اهله فتتجوزيه
اولا لان سنك مش صغير اوى
ثانيا الدفة مش فى ايدك عشان تختارى لانك بنت فانتى ال بيتم اختيارك
ثالثا الشكل و طريقة الكلام بعد فترة بتحفظيها و تمليها و بيتبقى ال ذكرته

 

[Warda gamal]

لا دا مش حب انتي متوهمه ويمكن زي ما باقي العضوات قالوا مفتقده حنان الاب عاده ال بينجذب لحد كبير في السن بيكون عندك مشاكل مع والده لازم تسيبي الشغل دا عشان مايبقاش قدامك وتنسي الموضوع

 

[اونلاين بنت]

حب ايه الي انت جاي تقول عليه