كنت ماسكه موبايل بابا بالصدفه و لقيت في ماسيدج جاتله من واحده

المحتارة

Member
فتكات المحتارة
جماعه بصوا انا كنت ماسكه موبايل بابا بالصدفه و لقيت في ماسيدج جاتله من واحده و كده ، بعدين قفلت الموبايل و معملتش حاجه بس تاني يوم لقيته كان بيكلم نفس الست دي جمبي بعدها لقيته بيمسح الشات ف جايه اقرب منه واح قفل الموبايل بسرعه و كده ف قلقت اكتر المهم ان بردو تاني يوم لقيته بيكلم حد و كده بعيدن ساب الموبايل و نزل يجيب حاجات ف مسكت الموبايل و فتحته و شفت الشات بينهم واتاكدت فعلا انهم بيتكلموا كل يوم و كده و هو بيمسح الشات بليل ودي مش اول مره تحصل دي تالت مره يكلم واحده اول مرتين ماما عرفت و كانت هتسيب البيت بس بعدين هو وعدها انه مش هيعمل كده تاني
بعدين دلوقتي انا مش عارفه اعمل ايه انا عماله اعيط و مش هقدر اقول لماما لانها اليومين دول مضغىطه جامد ف الشغل لانها هي اللي بتشتغل و بتصرف علي البيت و بابا حاليا سايب شغله ف انا مش عارفه اقولها ايه لانها مضغوطه بما فيه الكفايه
ف ممكن تفيدوني باني اعمل اي حاجه ياريت؟!
 
ولا حاجه حرام متقلاهاش حاجه كفايه الهيه فيه هتنكدي عليها وخلاص وابوكي ربنا يهديه ادعيله بالهداية دا فراغ عشان مبيشتغلش للأسف ربنا يصلح الحال
 
F

full name

غير مسجلة
من خلال تجربتي ف انتي قدامك حلين يا اما متقوليلهاش عشان متدايقيهاش وتواجهيه هو بس هنا الله اعلم رد فعله هيكون عامل ازاي والناس دي مبتتغيرش واللي بيعملها مرة بيعملها الف مرة يا اما تقوليلها بس هل مستعدين لحاجة زي الطلاق؟؟ تجربة صعبة جدا بس في نفس الوقت ممكن يكون احسن ليها لانها تستاهل واحد يكون مقدرهاش ومبيخونهاش الحلين صعبين جدا انا عارفة انا بقول من وجهة نظري ومن خلال تجربتي
للاسف هما بيعملوا كدة ومش فاهمين ان هما بيسقطوا من نظر ولادهم وبياثر علي كل العيلة انا اسفة جدا انك بتمري ب حاجة زي كدة بس الخيانة المفروض منتساهلش معاها ومفيش حاجة اسمها ربنا يهديه او هيتوب اللي بيعمل كدة مرة بيعملها الف مرة وزي ما انتي بتقولي عملها مرتين قبل كدة
 
ح

حنين

غير مسجلة
متقليش حاجه بس عرفى والدك انك عرفتى يمكن يتكسف ويبطل
 

يمكنك أيضا مشاهدة