ينفع أصارح شاب بحبى له ؟

المحتارة

فتوكة ونص
فتكات المحتارة
السلام عليكم و رحمة الله و بركاته
اخواتى فى الله انا فى كرب شديد اوى و محتاجة منكم نصيحة لوجه الله
فى البداية احب اعرفكم بنفسى انا بنت و الله العظيم طول عمرى دوغرى لا ليا فى الكلام مع الشباب و لا المياعة و لا اى حاجة بعرف ربنا و بحترم ثقة اهلى فيا و الحمد لله
و زى اى بنوته فيكم حلم حياتى و امنيه الليل و النهار انى الاقى فارس الاحلام اللى يسعدنى و يحبنى و اعيش معاه اجمل قصة حب و خصوصا انى رومانسيه بزيادة يعنى
و ربنا اراد انى الاقى الانسان ده زى ما حلمت بيه و اكتر باختصار يعنى هو الحلم اللى حلمته ماشى على رجلين
زميلى فى الجامعه
ملتزم و محترم و مجتهد دراسيا و كل حاجة
و حبيته للاسف غصب عنى و الله و بعدين سمحت لنفسى و دى غلطتى اعيش الوهم و اتمادى فى احلامى
المهم هو طبعا ميعرفش و اذا حصل اى تعامل بيننا بكون جادة و مختصرة و انا جوايا بتقطع
دلوقتى احنا اتخرجنا من زماان و انا رافضة الارتباط و بتابع اخباره (عارفة انكم هتزعلو منى بس و الله غصب عنى لو تعرفو اللى جوايا ناحيته هتقدروا كلامى و تصرفاتى ) و بشتغل و هو كمان بيشتغل و ربنا اراد تانى و نتقابل و اتكلمنا كزمايل لان هو كان محتاج حجات من المكان اللى بشتغل فيه فانا بالنسبه له يعنى معرفه قديمة

نيجى للجزء المهم بقى النسبه له انا بحس انه بيحبنى و مش متاكده بس هو مرتبطش و هو يقدر على فكرة لانه الف مليون واحدة تتمناه و هو بيشتغل و طموح اما السؤال الطبيعى طب لو عايزنى ليه مكلمنيش
اقولكم انه كذا مرة لمحلى جوه كلامه انى مستواى اعلى منه و انه اقل منى و انا كنت بتخرس و مبقدرش ارد عليه و بتكسف اتكلم
انا بموت يا بنات بحبه ربنا عالم اكتر من نفسى و سألت شيخ قالى ممكن تقوليله عشان التعب اللى انتى فيه ده حرام عليكى نفسك يا يعرف و يتقدم لك يا تنسيه تماما لما تعرفى انه مش من نصيبك
مع العلم انه هو كلامه معايا مختصر جداا و بحدود جدااااااااا و مع كل البنات

شورو عليا اعمل ايه انا مش متخيلة انى ممكن اقوله او المحله انا خجوله جدااااا و كرامتى غاليه عليا و هيقول عليا ايه
انا بتقطع و ربنا بس اللى دراى بى
ارجوكم بالراحة عليا و ادعولى ربنا يجعله من نصيبى لو فى الخير ليا
 
M

Mai Shenawe

غير مسجلة
السيده خديجه لما اعجبت بسيدنا محمد عليه افضل الصلاه و السلام.
ارسلت له صديقاتها تعرض عليه الامر وكانها بترشحله عروسه

وكان رد الرسول صل الله عليه وسلم.كان سوال لصاحبه السيده خديجه
*اترضي* يعني كان مستغرب من ان ااسيده خديجه صاحبه المال و الجمال و النسب الحسن انها توافق.
اللهم صلي وسلم علي سيدنا محمد

جربي الموضوع ده يمكن ينفع معاكي
 
لأ طبعأ مينفعش تصارحيه
تلمحي ممكن لكن بذكاء شديد
لكن اللي ممكن تعمليه تحسسيه انك بتحبيه لو بتحبيه فعلا لكن لسانك ينطق بكدا لا والف لا
يحسها اه لكن يسمعها منك لا
خصوصا اذا مصارحكيش بحبه له يبقي مفيش مجال تفتحي انتي
 

Mariam MOo

فتوكة ونص
اوووعى تصارحيه
ادعى ربنا انو يخليه من نصيبك ...ولو ملكيش خير انو يبقى من نصيبك ...يبقى يطلعوا من قلبك ...ادعى دايما بكدا....الغلطه غلطتك من البداية بس خلاص الى فات مااااات.......دلوقتى بقى مش قدامك غير ربنا وبس
وارجوكى اوووعى انتى الى تبدائى وتصرحيه....لان انت متعرفيش ايه الى ممكن يحصل فى المستقبل ....لقدر الله ممكن لو ربنا كتبلك نصيب فيه ...تيجو فى مره تتخانقوا ....ويعايرك بدون وعى بانك انتى الى بدائتى وصارحتيه...هو فى اللحظة دى مش هيبقى مدرك للبيقولوا (لحظة غضب)....بس الكلمة هتوجعك اوووى وهتعمل شرخ كبير فى علاقتك بيه......دا لو ربنا كتبلك نصيب فيه.....خلى عندك قناعة ان نصيبك ورزقك محدش هياخدوا غيرك....عشان كدا مفيش داعى تجازفى بكرامتك ...عشان حاجه انتى كدا كدا وخداها .....او مش واخداها
 
H

Hossam x

غير مسجلة
صارحيه عشان ميجيش يوم متلاقيهوش و تبقي ضيعتيه من ايديك
 

bfifa

فتوكة ونص
ياترى صارحتيه ولا هو صارحك اتجوزتيه ولا ماتجوزتيهوش الموضوع بقاله ٥ سنين
 
يمكنك أيضا مشاهدة المنتدى التاريخ
ا شكاوى المحتارة 10

يمكنك أيضا مشاهدة