بقالي كتير ما كتبتلكمش كان فيه ظروف و كمان ما عرفتش اكتب ايه و لا ايه عشان بعد اخر تطورات جوزي ساب البيت و قعد عند حماتي و اجازته خلصت و راح من غير ما اشوفه انا ما عملتش حاجة وقتها لا رحتله و لا حكيت لاهلي عشان ما كنتش فاكرة انه هيكبرها كده اما راح من غير ما ما يدي خبر و لا يقول كلمة او يحاول يحل المشكلة انا اتغظت و كلمته في التيليفون عشان افهم منه هو عايز ايه ما ردش عليه اتغظت اكتر بس برضه حاولت الم الموضوع كلمت حماتي عشان تفهم منه هو عايز ايه قالتلي حاولت اتصل بيه مش بيرد عليه و انا عارفة ان الكلام ده مش صح وقتها كلمت بابا و حكيتله اللي حصل بالتفصيل و اتفقنا انه يقعد معاه اما يرجع من السفر و استنينا و هو في كل مرة بياجل بس في الاخر بابا ضغط عليه و اتقابلو و اما سالو عن المشكلة اللي بينا قالو عندنا مشكلة وحدة بس انا عايز اتجوز و هي رافضة و كمان اتكلمت كلام ما يصحش على الست اللي "ناوي" يتجوزها بابا قاله و ليه بتفكر تتجوز عليها اكيد فيه مشكلة لازم تفكرو ازاي تحلوها قاله انا بشتغل في حتت بعيدة و بقعد بالاسبوعين و التلاتة من غير ما اشوف مراتي و كنت اقدر اتجوز و اقعد الوقت ده عند ضرتها و ماكانتش هتحس بس انا قلتلها عشان كنت فاكرها عاقلة بس طلعت انانية و مش بتفكر غير في نفسها انا كده كده هغيب عليها بسبب الشغل يعني مش هتحس بفرق بس هي عايزاني اقعد لوحدي بدل ما الاقي حد ياخد باله مني و فضل مصر على موقفه انه عايز يتجوز و مش هيتراجع بابا قالي اختاري اما تكملي معاه و تقبلي بضرة اما تطلقي انا اتصدمت من تصرفاته و قلت لابويا مش هكمل معاه ثانية وحدة بس اما هديت و فكرت في الموضوع كويس خطرتلي فكرة اني اقوله انا موافقة و هخطبلك كمان بس بشرط انك ما تتجوزش الزفتة اللي كانت ساكنة جنبنا مش انت عايز بس انسانة تاخد بالها منك في الف وحدة عمرها ما اتجوزت و مهددة بالعنوسة اختار وحدة فيهم عشان انا متاكدة ان الفلم ده كله عشان هو متجوز الهانم و او عايز يتجوزها مش عشان عايز وحدة تتبهدل معاه و تسافر للحتت اللي بيشتغل فيها ايه رايكم؟ردو عليه بسرعة عشان لازم اقوله قراري
توضيح
توضيح
