جوزى خانى وانا لسه مكملتش خمس شهور

[المحتارة]

السلام عليكم
انا اتعس خلق الله بس الحمدلله على كل حال
جوزي مكملش شهر مسافر بعد مانزل واتجوزنا وقعد معايه اربع شهور
سافر وانا ايدى على قلبى واللى خوفت منه حصل
دخلت عليه لقيته مكلم واحده كلام خارج وبتفتحله الكاميرا وانهرت لما شوفت كلامه معاها امه وابوه شافو الكلام وانا كنت ف اسوء حال واتصلو بهدلوه وهو استحلفلى عشان وريتهم كلام زى دة انا حامل واغم عليه وهما شافو الكلام ع الموبيل اول حادثه بعد جوازنا مستحمله غربته عنى وقعده مع اهله وحملى متعب جدا ومش قصرت معاه ف حاجة حاول يراضينى كتير وانا مش قادرة حاولت اروح بيت اهلى لكن حماتى مش وافقت وراضتنى وقالت بلاش الموضوع يكبر وقعدت وحاسه ان حقى ضاع واتصل وحاول يتاسف كتير لكن قلبى انكسر وسقط من نظرى اعمل ايه انا تعبانه مقدرش اقول عليه انسان وحش عاش اربع شهور معايه كويس وحمدت ربنا لكن سافر وافتكر نفسه عازب لسه وفكر انه هسامحه زى زمان واحنا مخطوين اعمل ايه بس دلونى دعيت كتير وخوفت اكتر من اللى جاى كفايه مش هقدر اثق ف تانى وهعيش قلقانه ادعولى ربنا بفك كربى دموعى مش نشفت وامه زعلانه ع زعلى جدا لكن انا حاسه اان حقى ضاع لما قعدت ومش روحت بيت اهلى ولما اتصل ورديت عليه يارب يارب يارب يارب ادعولى

 

[Mariam MOo]

صلى واشكى همك لربنا هو الوحيد الى يقدر يساعدك ويفرج همك......وانتى بلاش تقطعى حبل الوصال ....عشان الطفل الى فى بطنك ميطلعش من غير اب .....حاولى تكونى حيادية مابين كرامتك ومابين ابنك وحياتك.......واحمدى ربنا انك معاكى حما زى حماتك دى وقفت فى صفك ....واحدة غيرها كانت وقفت فى صف ابنها وقالتلك دا راجل يعمل الى هو عايزوا والشرع محلله اربعة ......لكن دى وقفت فى صفك انتى .....هى معاها حق متكبريش المواضيع.....انا عارفة ان الموضوع اصلا كبير .....لكن مهما كبر متوصليك الموضوع لاهلك الا فى حالة واحدة لو انتى خلاص يأستى منو وقررتى انك عايزة تطلقى ودا قرار نهائى.....وقتها تلجأى لاهلك غير كدا لا.....،ربيه انتى فى البيت .....ابعدى عنو....تجاهليه .....اعمليله اكله وشربة واهتمى بلبسه وكل حاجته جاهزة ....بس انتى مش بتتكلمى معاه.....لغاية لما تاخدى منو وعد على المصحف قدام ربنا انو مش هيرجع تانى للحاجات دى ......واهتمى بنفسك وبأنقتك ....وحطى ميكب وافردى شعرك والبسى لبس قصير وواسع عشان انتى حامل....وكانك عايشه فى بيت تانى .....ولو سألك على حاجه مثلا عن قميصه او كدا جاوبى على قد السؤال وبس.......ودا كلو بينك وبينو ......صارحيه انك مش قادرة ترجعى توثقى فيه وانو نزل من نظرك ....كلميه بهدوووء وبدون توتر وعصبية وزعيق خليكى هادية جدا......وخليه هو يرجع يرجع الصورة الكويسة تانى لعقلك دى مهمته......ربنا ييسرلك الحال يارب❤

 

[نسرينا]

ادعي له بالهدايا وربنا يهدي سركم

 

[لوليا بيرل]

انتي بتقولي من ايام الخطوبه
يعني انتي عارفه انه بتاع الحركات دي
ومع ذلك ده اختيارك
الله يصلح حاله يارب هاقولك ايه
بصي حبيبتي الراجل مابيتعاندش وممكن من اللي عملتيه ده يعمل فيس جديد ويعمل فيه اللي هو عايزه الراجل مابيتعاندش ابدااااا
لو قلتي لاهله لامه لو فضحتيه هايفضل يكمل مدام هو مش عايز يبطل
تعاليله براحه انت لازم تخاف ربنا لازم تخليني اثق فيك ازاي هاقدر اعيش معاك ازاي انت نفسك هاتكون مرتاح وانا مش واثقه ف سندي وضهري ومصدر الامان
وباعدين لازم تسافريله
انا رأيي الشخصي الحاجه اللي يصالحك بيها انك تسافريله ماتسبيش جوزك ابدا ف غربه لوحده
هاتقوليلي الحمل تمام ربنا يارب يقومك انتي والبيبي بصحة وسلامة تقومو بلسلامة وترتاحي وكله يبقي تمام وتسافريله انا اقصد انه يصالحك انك تسافريله مش بمده معينه يعني انا هافضل ماثقش فيك لحد ما اشوف العكس
ولحد لما اسافرلك
الموضوع مش هايخلص غير كده
لكن تبقي انتي ف بلد وهو ف بلد وبيعمل كده ويبطل ف ليله هاتفضلي تتعذبي والرجاله مش بتحس بتعبنا احنا بس اللي بنتعب
الله يصلح حاله ويهديه لازم اولا يخاف ربنا ثانيا يراعي ربنا فيكي
ولازم يفهم منك الكلام ده علشان لو مش بيصلي يبدأ يصلي قربيه من ربنا مافيش مستحيل
ربنا يارب يصلح احوالكم وتقومي بلسلامة يارب العالمين