ام جوزى هتعيش معانا

المحتارة

فتوكة ونص
فتكات المحتارة
السلام عليكم . انا متجوزة من سنتين مشكلتى ان اخت جوزى هتتجوز بعد شهرين وهو قالى ان امه هتيجى تعيش معانا على طول بعد جواز اخته وانا رافضة الموضوع تماما لاسباب كتير اهمها الخصوصية وهى من النوع اللى بيتدخل . مع العلم ان امه مش كبيرة سناً للدرجة وصحتها تمام بتشتغل وشغلها قريب من بيتها ده غير ان اخته هتتجوز جنبها بالظبط فى نفس الشارع . دلوقتى امه بتقول انها عايزة تفضل مستقرة فى شقتها عشان مش حابة تسيبها ولا تبعد عن شغلها وجوزى هو اللى مصمم انها تعيش معانا وبيقولها مش هينفع اسيبك تنامى لوحدك . الموضوع فعلا صعب عليا لدرجة انه ممكن يوصل لطلاقنا لان احنا اساسا علاقتنا مش احسن حاجة ولو امه فعلا قعدت معانا يبقى حياتنا فعلا هتكون صعبة جدا . فعايزة رأيكم هل جوزى موقفه كدا صح ؟ وهل من حقى ارفض الوضع ده ومقبلش ؟
 
ج

جنة الرحمن

غير مسجلة
العيشه الشرك وحشة جدا حتي لو الاتنين ملايكه واللي يقول غير كده يبقي ميعرفش حاجه اوي بيتكلم فالهوا
 

bfifa

فتوكة ونص
من حقك طبعا ترفضى الوضع
اولا الست بصحتها مش محتاجة حد يرعاها
ثانيا هى نفسها مش موافقة
يبقة جوزك مأفور اوى .. ايه ماتنمش لوحدها دى .. ثم ان الست نفسها مش هترتاح الا فى بيتها
ماتعمليش مشكلة معاه ..واوصلى معاه لنقطة محددة انها تيجى تبات يوم اجازتها من الشغل تقضى الويك اند معاكم وبس
 

يمكنك أيضا مشاهدة