ندمانه على اللى انا عملته

[ملاك بيبي]

السلام عليكم ياحبيب قلبى حصلت معايا مشكله مع جوزى واحنا قاعدين فى شقه بعيد عن بيت العيله النهارده كنت بزاكر للبنى وبعدين ضربته علشان مزهقنى وكل اللى همه اللعب وبس جوزى كان قاعد لما الولد عيط جوزى قام عليا وقعد يضربنى ويشتمنى وزى ما كان بيعمل وكنت بعمل معاه بظبط وفى الاخر خليته اخد هدومه ومشي من البيت انا معرفش حصل ده ازى مع انى بحبه جدااا وندمانه جدااا على اللى حصل ارجوكم فدونى اعمل ايه واتصرف معاه ازاى علشان فعلن جوزى مشي من البيت راح على الشقه اللى كنت متجوزه فيها اتصرف ازى

 

[bfifa]

انتوا الاتنين غلطانين واللى المفروض تعتذريله هو ابنك ليه تضربيه حرام علشان المذاكرة هو كدة هيذاكر ياعنى دة هيعند اكتر .. وجوزك لازم يفهم انه مايمدش ايده عليكى ابدا مهما كان السبب وبما انك ضربتيه زى ماضربك فاالموضوع كدة وسع خالص سيبى الامور تهدى لوحدها ماتروحيش تصالحيه علشان مايتعودتش على كدة

 

[emanhelmy75]

انتوا الاتنين غلطانين واللى المفروض تعتذريله هو ابنك ليه تضربيه حرام علشان المذاكرة هو كدة هيذاكر ياعنى دة هيعند اكتر .. وجوزك لازم يفهم انه مايمدش ايده عليكى ابدا مهما كان السبب وبما انك ضربتيه زى ماضربك فاالموضوع كدة وسع خالص سيبى الامور تهدى لوحدها ماتروحيش تصالحيه علشان مايتعودتش على كدة

كلامك مضبوط جدا

 

[Mariam MOo]

طبعا انا مش محتاجه اقولك ان انتو الاتنين غلطانين......
بس انا هقولك رأيى......انتى دلوقتى تسيبى الامور تهدى لوحدها....وبيتك دايما يبقى نضيف وانتى دايما تبقى عامله حسابك ان جوزك ممكن يجى فى اى لحظة ....هو ضربك هو غلطان .....بس التمسيله العذر ممكن يكون مضغوط او حاصل معاه مشاكل.....انا عارفة انو مهما حصل مش من حقوا انو يضربك عشان السبب دا.....بس انتى لو عايزة تصلحى الامور بينك وبينوا .....حاولى تعذريه.....عشان لو معزرتيهوش ....هتبقى حاسه دايما ان هو الى غلطان.......انتى غلطى لما مديتى ايدك عليه....دا راجل ...وكون ان مراته تضربه ....دى معناها ان الموضوع وسع منك اووووووووووى اووووووووى.......وابنك ارجوكى....ارجوكى متضربيهوش لاى سبب ......مهما عمل متضربيهوش.....استخدمى عقلك وذكاء فى انك تكسبى ابنك.....ومتستخدميش ايدك ابدا.......ادخلى على النت واقرائى عن تربية الاطفال ....هيفيدك جدا والله.......وجوزك دا انتى بس الى تعرفى تعقبيه بالطريقة الى تناسبوا ....انتى اكتر واحدة تعرفيه......ومتصلحيهوش بطريقة مباشرة .....سيبى الامور تهدى الاول وبعدين كل واحد يفهم التانى غلطوا.....وياريت متخليش اى حد يتدخل مابنكوا لان الى هيدخل دا صدقينى هيبوظ الدنيا اكتر ...... وبعدين المثل بيقولك ...ابنك على ما تربيه...وجوزك على ما تعوديه....ادعى ربنا انو يهدى الاحوال ما بينكوا ...ربنا شايف ومطلع على كل حاجه

 

[لافير الورد]

ربي يهدي الأحوال ويرجع وترجع اموركم احسن من الاول اسأل الله ربي يكرمكم يارب حصني نفسك وبيتك وزوجك وأولادك كل صباح ومساء... الشيطان بخيرب البيوت... لا تعطي فرصة