حماتي قعدت عندي شهر وكمان زعلانه

[المحتارة]

عايزه رأيكم و لو انتوا مكاني هتعملوا ايه.... انا حماتي جت قعدت عندي حوالي اكتر من شهر و كنت نعمه البنت ليها خدمه و اكل و غسيل و كنت حتى بديها من هدومي و حاجاتي الشخصيه، في يوم كنت تعبانه و متغدتش معاهم و تاني يوم حماتي مشيت من عندي و اشتكتني لزوجي اني بكشر في وجهها و مش طيقاها مع العلم اني عندي ولدين توأم و كنت بخدم ٦ أفراد لوحدي،، فبعد ما مشيت كلمتني و قالتلي كلام عمري ما سمعته في حياتي و عمر ما حد غلط فيا بالشكل دا و انا مردتش خالص عليها مع العلم ان جوزي كان سامع كل الكلام و مقلهاش اي حاجه و بيطلبني بعد كل دا اني اكلمها و أراضيها و انا رافضه فهو مخاصمني و معكنن علينا حياتنا فا المفروض اعمل ايه

 

[شيكولاتة بالمستكة]

(والكاظمين الغيظ والعافين عن الناس والله يحب المحسنين)
لو تقدري تكظمي غيظك وتكلميها وتحتسبي الاجر والثواب وتعمليها بنية ارضاء الزوج
يبقي كويس اوي
وكمان معاملة جوزك معاكي هتتغير

قوليلوا انا مش مقتنعة اني غلطانة بس علشان خاطرك هكلمها

من احسن الاعمال عند الله جبر الخواطر

 

[Shaymaa mamdohe]

لو تقدرى تيجى على نفسك وتراضيها عشان خاطر زوجك تمام مقدرتيش خلاص متتغطيش على نفسك وفهمى زوجك كدة

 

[Maged1]

رضيها وربنا هيراضيكي
وربنا مش بيسيب حق مظلوم

 

[Mariam MOo]

رضيها معلش عشان خاطر جوزك كليميها فى التليفون .....وجوزك يكون قاعد جنبم وافتحى السبيكر ومترغيش كتير .....انتى تقوليلها ....انا والله مش شايفة انى غلط فى حضرتك مع ذلك عشان انتى ام جوزى وجده عيالى ....انا بعتذرلك جدا، عن اى تصرف صدر منى دايقك ....بس والله انا عمرى ماكشرت فى وشك وكنت بعتبرك زى امى ....اتمنى ان حضرتك متكونيش زعلانه منى .....وكدا خلاص تخلى معملتك معاها بحدود عشان التصرف دا مايتكررش....وبعد ما تقفلى مع حماتك وطبعا جوزك لازم يكون جنبك وسامع كل حاجه.....تقوليلوا على فكرة انا مراتك وكرامتى من كرامتك وانت مطالب انك تريحنى بصفتك راجلى وسندى وتحمينى من اى حد حتى ولو كان مامتك ....انا والله وربنا يعلم مش بقويك عليها دى امك بس برضوا مش من حقها تهينى بالشكل دا ....ربنا يسامحك.....وتسيبيلوا المككان كلوا فى اللحظة دى وتروحى تقعدى فى الصالة او فى الاوضة او تشوفى معاكى اى ....المهم متستنيش منو رد .....الا لو هو رد عليكى يبقى تقدى وتتناقشى معاه بهدوء.....ولو الموقف دا اتكرر تانى ....اطلبى بهدوء من حماتك انها متكلمكيش بالطريقة دى لانها بتديقك ...دا حقك ......بس طبعا بهدوووء وبادب....وبعدين تحكى لجوزك الى حصل برضوا بهدووء

عايزه رأيكم و لو انتوا مكاني هتعملوا ايه.... انا حماتي جت قعدت عندي حوالي اكتر من شهر و كنت نعمه البنت ليها خدمه و اكل و غسيل و كنت حتى بديها من هدومي و حاجاتي الشخصيه، في يوم كنت تعبانه و متغدتش معاهم و تاني يوم حماتي مشيت من عندي و اشتكتني لزوجي اني بكشر في وجهها و مش طيقاها مع العلم اني عندي ولدين توأم و كنت بخدم ٦ أفراد لوحدي،، فبعد ما مشيت كلمتني و قالتلي كلام عمري ما سمعته في حياتي و عمر ما حد غلط فيا بالشكل دا و انا مردتش خالص عليها مع العلم ان جوزي كان سامع كل الكلام و مقلهاش اي حاجه و بيطلبني بعد كل دا اني اكلمها و أراضيها و انا رافضه فهو مخاصمني و معكنن علينا حياتنا فا المفروض اعمل ايه

 

[ذات النقاب]

زي م البنات قالولك
أنا عايزاكي بس تفهمي إن الستات كل م بتكبر بتكون حساسه جدا ف معلش احتسبي عند ربنا ، وقوليلها انك كنتي تعبانه وعمرك م اضايقتي م وجودها وأنه بيت ابنها وصحبه بيت وشويه كلمتين حلوين والله دول بيقوا غلابه ومتخافيش م اللي بتتكلم وتطلع اللي جواها
قوليلها انك بنتها ومكنتيش متعشمه فيها كده ومع ذلك حقك عليا وانتي أمي .
وبعده كده ساعه روقان قولي لزوجك انك مكنتش مستنيه منه كده وانك عارفه انها ولدتها وميقدرش يزعلها
بس كان ممكن تمسك العصايه م النص ومتجيش عليا ولا ع كرامتي ع حساب والدتك وكنت هحترم ده فيك
وانك رضتيها اكراما ليه