حب امتلاك

[Zahraa]

انا امرأة في الخمسين من عمري تزوجت من ٣٠سنة بعد قصة حب انا علشان خاطره ضحيت بحاجات كتير جدا أولهم اني تزوجت في بيتهم القديم في الوقت اللي كان بيجيلي فيه عرسان على أعلى مستوى مادي وعلمي لكن فضلته هو لاني كنت بحبه جدا ومانكرش أنه بيحبني إلى الآن بجنون وهذه هي المشكلة إلى الآن بيغير على غيرة مش طبيعية وبيتهأله حاجات اصلا ماحصلتش واي خلاف بينا يرجع لحاجات قديمة حصلت فى خياله وليس في الواقع وبيشتكي لأولاده على اني غير أمينة عليه لدرجة أن بنتي قالت لي أن بابا اتجنن يا ماما غير أنه عمره ماجابلي اي حاجة وبيستخسر فيا كل حاجة يعني حب بلا أي غرامة حب امتلاك فقط لا غير انا اللي بتجيب كل حاجة لنفسي واولادي واخر خلاف بينا شتمني ادام اولادي بكلام غير لائق ومش اول مرة انا حاسة اني فعلا كرهته ومش قادرة اعيش معاه ومش عارفة اعمل ايه ولو سيبته هاروح فين

 

[bfifa]

سيدتى ربنا يديكى الصحة والعافية .. حاولى تاخدى موقف علشان موضوع الشتيمة مايتكررش تانى انتوا عشرة عمر حاولى بعقلك ورزانتك وحكمتك الامور ترجع لطبيعتها

 

[utobia]

مش بعد العمر ده كله اصبري وادعي ربنا

 

[عسل]

لا حول ولا قوه الا بالله
الله يهدي بالكم ويسخره يلك

 

[Mariam MOo]

ياحول الله يارب
حاولى يكون فى بينك وبينه كلام ع انفراد تتكلمى فيه معاه على كل خاجة مديقاكى منو وتشرحيله ان فى خطوط مينفعش يتعداها معاكى على الاخص قدام الناس ...وياريت لو تقدرى تستشيرى اى دكتورة نفسية فى الموضوع دا عشان تقولك تتعاملى معاه ازاى