Basmetamel
فتوكة جديدة
انا تعبت جدا من حياتي ومن تحكمات زوجي على طول في مشاكل وزعيق بيكره أهلي على الرغم من انهم في حالهم وانا مش بجيب سيرتهم معاه كتير لان مش بيحب سيرته مانعني اكلم امي يوميا واطمت عليها وعلى ابويا يقولي مره كل اربع ايام وكان دقيقه على الرغم من انه يوميا مع اخواته وبيرغي بالساعات حتى لما اكوم مبسوطه معاهم لازم اول مااجي من عندهم ينكد عليا شتيمه وتهزيق وقلة ادب في الالفاظ ولو جولي وجابتلي امي حاجه بحبها ينكد عليا بسبب انها جابتلي الحاجه اللي بحبها وهو مش بيحبها اختي ولدت فجبتلها حاجات للبيبي من فلوسي والله ماكملوا ١٠٠ جنيه اتخانق معايا ويقولي ماتتصرفيش من دماغك تشاوريني في كل حاجه وانا اقول اه او لا وتسمعي الكلام غصب عنك انا هنا الراجل وماتصرفيش قرش من فلوسك الا لنا ترجعيلي بيقولي ده الشرع هو الشرع انه يحرمني اكلم اهلي وان لو جولي زياره ومره من المرات جابولي الحاجه اللي بحبها يبقى لازم ينكد عليا هو الشرع قاله انه يتصرف في فلوسي الخاصه بيا كل اما اتكلم يقولي انتي ملكة يميني يعني بمعني ان حتى النفس لازم اخد عليه اذن قولولي اتصرف ازاي لاني بقيت بكرهه جدا وبكره عيشرته وعيشته وبقيت بكره حياتي اشتغلت هاند ميد وبيجيلي منه فلوس مش قوي بس انا مبسوطه بيهم كان يطلع عيني والله لو طلبت حاجه ويجيب الحاجه اللي على مزاجه حتى اللبس ممنوع البس على مزاجي لازم هو يكون مقتنع بيه هسمع منكم عادي عشام يختار اللبس الحشم ارد اقولكم لو عجبتني بيجامه او عبايه ماعجبتهوش مااجبهاش حتى لو عجباني يقولي لا طبعا البسي اللي يعجبني انا طيب نفسي البس اللي يعجبني ده انا لو روحت زياره لبيت اهلي انا اللي ادفع تمن بنزين العربيه مش بشتغل وحاجات كتير كتير هيقولي اتطلقي انا معايا ٣ اطفال ومش بشتغل الشغل اللي يخليني استقل ذاتيا انا محتاجه منكم نصايح وارشادات اتعامل معاه بيها محتاجه اقوي شخصيتي محتاجه اكون واثقه في نفسي محتاجه اتعلم فن الرد اخلي اللي قدامي يسكت مايعرفشي يجاوب ويكون بالادب محتاجه مساعدتكم قبل ماادخل في دور اكتئاب معلش طولت عليكم
