نفسيتي صفر ومتدمرة

samora

فتوكة
انا اسفه ع العنوان انا نفسيتي صفر ومدمره من كل حاجه معنديش حد بعد ربنا اتكلم معاه انا عندى ٢٩ سنه وماشيه ف ٣٠ ومفيش اى حد ييجى يتقدم ليا بقالي كذا سنه كان الأول فيه بس مكنش وله اى حدمناسب مش قادره اقولك ع إللى بيحصل فيا من كل إللى حواليا انا محدش شايفنى وله حاسس بيا انا عارفه انى نصيب ومكتوب بس غصب عنى اتحملت فوق طاقتى يارب لو تنقذونى بدعوتكم دعوه ٤٠ شخص مستجابه ويمكن ف حد اقرب من ربنا ليا انا يصلى ويدعى وقران بقرأ باستمرار انا عملت كل حاجه بس تعببيت حقيقى خايفه اوصل الانتحار ف اى لحظه اتقذونى بدعوه بالله عليكو الفرحه مشفتهاش بقالي ١٣ سنه ف حزن الحمدلله
 

omhesham

فتوكة جديدة
استعينى بالله واقرائي قران كتير اشغلى نفسك بكورسات احضريها او باى هواية ان شاؤ الله ربنا هيصلح حالك ويرزقك باللى يقدرك ♥
 

omyasmeen

فتوكة جديدة
ليه محدش بيرد عليا
حبيبتى الجواز بقى منفوق سن 30 للبنت والراجل 35 او حتى 40
ادعى ربنا يرزقك بزوج صالح يتقى الله فيكى
الحياة والله كل يوم بحال
انا كنت عايشة فى اسوان وانتقلت فجأة الجيزة وسبت اهلى وبيتى بسبب ظروف الشغل والكرونا
فديما والله الناس بتستعجل صدقينى ربنا عنده الخير ونصيبك هيجى
ومتسمعيش للناس المحبطة والى تقول دى بقت عانس و قطار الجواز فتها وكلام والله مالهوش وجود لا فى دين ولا فى عرف
ربنا يرزقك الخير ويرزقك انتى واختى بزوجين صالحين يتقوا الله فيكوا
دايما قولى الحمد لله مهما كان ومهما حصل
 

يارب عفوك

فتوكة جديدة
بجد نصيحة بس فعلا اعملى بيها لو محتاجه اى حاجه هما ٣ حاجات الزميهم حرفيا
قيام الليل
الاستغفار
سورة البقرة ...مش تقرئيها ف يوم واحد قسميها ع ٣ ايام مثلا واستغفري وصلى واقري بنية الحاجه اللى عايزاها والله ربنا هيكرمك جدا
 
ح

حسن

غير مسجلة
انا بعتبر الكلام ده طبيعي لاني مريت بيه كشاب بس متوصلش لدرجة الانتحار لان طبيعي انك تكوني متضايقة جدا خصوصا لما السن يكبر شوية وكل صحابك اتجوزوا فتبدئي تفقدي الثقة في نفسك ويبقى عاوزه تتجوزي وخلاص اي حد لكن الفكرة دي غلط ، انا كنت اتمنى اتجوز وانا عندي 25 سنة ويعتبر فضلت 5 سنين ادور على حد اقبله ويقبلني ويكون كويس بالنسبالي واكمل معاها على طول، انا كنت في نفس الحالة كشاب اتقدمت كتير لدرجة اني كنت بدات افقد الثقة في نفسي وكنت عاوز اتجوز اي حد لاني حلاص مش لاقي العروسة المناسبة واقول في نفسي يمكن بعد كده تتغير لكن الحمدلله كنت برفض من اول لقاء طالما حاسس انها مش مناسبة ليا او ممكن احس اني في بنت مناسبة ليا لكن بيكون الرفض من ناحيتها وده كويس برضه بالنسبالي عشان مينفعش يكون قبول من طرف واحد فكنت بفرح ان اللي قدامي عارف هو عايز مين ، والان انا متزوج وبعتبر اللي فات درس اني احافظ على الجواز لاني لاقيتها بعد عناء، نصيحتي ليكي كشاب ان الجواز يتاخر عادي انما انا معرفش حد متجوزش ، كله بيتجوز في الاخر مفيش حد اعرفه الا واتجوز سواء متاخر او بدري ، هيا الفكرة اللي مفروض تكوني مقتنعه بيها انك هتتجوزي هتتجوزي بس انه يكون اختيارك حد كويس تكملي معاه مش كام يوم ولا شهر ويحصل مشكلة وتندمي انك اتسرعتي ، الجواز مبيفوتش الجواز بيتاخر وحلاوة الجواز انه يكون اختيار حد كويس ويدوم الجواز ولو مفيش حد بيتقدملك لانك مش بتنزلي كلمي والدتك او والدك او اخوكي او صاحبتك قليلها انا لسه متجوزتش ربنا يكرم بحد كويس ومش عيب انك تسعي بشكل غير مباشر انك تلاقي الشخص المناسب عشان متحسيش انك قصرتي.
 
K

Karim maher

غير مسجلة
ليه محدش بيرد عليا
متزعليش نفسك مفيش حاجة محتاجة اننا نزعل عشانها عيشي واتبسطي واخرجي واشتغلي ومتفكريش ف الموضوع هتلاقيه نصيبك جالك علطول ممكن يكون زميل ليكي ف الشغل وهكذا ربنا معاكي ويوفقك
 

Pretty queen

فتوكة جديدة
انتي مش لوحدك حبيبتي تفائلي
ان شاء الله ربنا يكتبلنا الفرحه قريب انا وانتي وكل من قال امين
وبعدين دا انتي ٣٠ وزعلانه امال اللي في الأربعينات يعملوا ايه
احمدي ربنا
واخرجي كده اشتركي في سلاحه او جيم بيعمل شغل جامد صدقيني جربي
 

Hoda hakim

فتوكة جديدة
الزواج موحلو علشان تعملي في نفسك كدا بالعكس انتي كدا احسن بكتير وسبحان المتزوج ببصل للعزب والعكس ومافي احد مرتاح ليتني ماتزوجت
 

نوبية وافتخر

فتوكة جديدة
حبيبتي ربنا يرزقك باللي بتتمنيه الزمي الرقية الشرعية وسورة البقرة مع مداومة الاستغفار يوميا وان شاء الله ربنا يحققلك كل امنياتك يارب
 
من يتقي الله يجعل له مخرجا ويرزقه من حيث لا يحتسب بس والله العظيم الزواج مش حاجة حلوة عند كل الناس بس الحمد لله ع كل حال الزواج قد يكون ابتلاء ومن اصعب الابتلاءات وبس هي الدنيا كدة والله يرزقنا حسن الخاتمة
 

Beboo4ever

فتوكة جديدة
بجد نصيحة بس فعلا اعملى بيها لو محتاجه اى حاجه هما ٣ حاجات الزميهم حرفيا
قيام الليل
الاستغفار
سورة البقرة ...مش تقرئيها ف يوم واحد قسميها ع ٣ ايام مثلا واستغفري وصلى واقري بنية الحاجه اللى عايزاها والله ربنا هيكرمك جدا
علي فكره كنت داخلا أرد وأقول نفس كلامك ربنا يبارك لك
فعلا دول سحر الاستغفار وسورة البقره ربنا يرزق صاحبه الموضوع بالزوج الصالح إن شاء الله
 

Coffee Beans

فتوكة جديدة
ربنا يرزقك بالزوج الصالح
عليك بالدعاء و الصدقة و الصلاة على النبي و ادعي في اوقات استجابة الدعاء و ادعي بين الصلاة على النبي . ربنا يسعد قلبك و يقر عينك يا رب
 

سجى

فتوكة
استغفري وصلي وحاولي تتعرفي على صاحبات صالحات وكملي دراسه اذا ماكملت ادخلي تحافيظ القرآن حلوه تونسين وتشغلين وقتك
 

Hasnaa basbosa

فتوكة جديدة
ربنا يراضيكى حبيبتى ويرزقك الزوج الصالح بس اقرى سورة يس بنيه ان ربنا يرزقك الزوج وان شاء الله والله هتفرحى قريب
 
يمكنك أيضا مشاهدة المنتدى التاريخ
B شكاوى المحتارة 0

يمكنك أيضا مشاهدة