هو انا لما اتجوز بعد التلاتين و اخلف اربي العيل امتى واجيبله صحه منين؟

[المحتارة]

هو انا لما اتجوز بعد التلاتين و اخلف
اربي العيل امتى واجيبله صحه منين؟
يعني يبئى عندي 30 سنه وابني لسه مولود؟؟؟؟؟؟؟؟
مش الاعده احسن؟

 

[بشارة قادمة]

بصي حبيبتي تعرفي سؤالك دا يعتبر خنجر وبتحطيه بكل قوة في قلب كل بنت عدت التلاتين او حتي الاربعين صحة ايه وتلاتنين ايه اللي بتتكلمي عنهم هو لو كان الامر اختياري ما كانت كل البنات اتجوزت وهي عندها ٢٠ بس دا نصيب وفي حياتنا عشرات البنات اتجوزو في العشرينات٠ واتاخرو في الحمل وحملو في التلاتينات وانتي بتقولي مش القعدة احسن من الجواز في السن دا معاكي لو دا اختيارك انت حرة بس في غيرك اتجوزو في التلانين والاربعين كمان وخلفو وربو ولادهم لانه اصلا مش اختيار دا نصيب وهل انتي معني كلامك انك لو اتقدم لك شخص ممتاز وانتي في التلاتين هترفضي ؟؟؟؟؟
تمام دا اختيارك بس بلاش نحبط الاف من البنات اللي فعليا معديين التلاتين ونقول هيخلفو امتي ويجيبو ا طفل وهما عندهم ٣٠ انت مش عاوزة انتي حرة بس بلاش الطاقة السلبية ديه ننقلها لغيرنا

 

[شيكولاتة بالمستكة]

بصي يا حبيبتي كل حا في حياتنا رزق
الصحة رزق والاولاد رزق
وتقسيم الارزاق دي بيد الله واحدة

اه عادي جدا تخلفي وانتي حتي في الاربعينات وربنا يقويكي ويديكي الصحة
ولو علي الفرق هو حد يا حبيبتي يعرف عمره هيخلص امتي هتجوزيه وتفرحي بيه لو مكتوبلك عمر

طيب لو اي بنت بتتجوز وبتخلف مثلا 3اولاد بيكون الاخير ده جه وهي في سن كبير وكمان بتكون هلكت من الاثنين اللي قبله وما ذالك ربنا بيقويها وبتربيه وتعلمه وتكبره وتجوزه كان

بلاش تفكير في الغيبيات لانها ملك الوهاب

 

[Mariam MOo]

اه عاادى تخلفى ان شاله ف الاربعين.....فيها اى يعنى ايه الى يمنع مش فاهمة

 

[ZAhmed]

انا إتجوزت ٢٨ سنة وخلفت بنتي الكبيره وعندي ٣٠ سنة ايه المشكلة ؟ مش فاهمه

 

[حياتنا بكل بساطه مع اسماء]

ربك اللى بيمشيها. والله.انا متجوزه.بقالى 13 سنه. ولسه ربنا مكرمنيش بالذريه.بس هما يجو. وبعدين يحلها.ربنا. احنا كده كده.تعبانين.

 

[ZAhmed]

ربك اللى بيمشيها. والله.انا متجوزه.بقالى 13 سنه. ولسه ربنا مكرمنيش بالذريه.بس هما يجو. وبعدين يحلها.ربنا. احنا كده كده.تعبانين.

ربنا يكرمك إن شاءالله

 

[روح]

يا قلبي عادي ما الست علي مدار حياتها بتخلف واكيد بتخلف بعددالتلاتين بصي ليكي او لحد من اخواتك هتلاقي مامتك مخلفاه بعد الثلاثين
الثلاثين اصلا مش كبيرة

 

[ميوم وسمسم]

امي ولدت اختي وهي عندها ٤٥ سنة ودلوقتي اختي مخلصة كلية بقالها ٤سنين وامي ربنا يبارك لنا فيها ويديها الصحة والعافية ايه المشكلة

 

[جنه حبيبتي]

ان

 

[أميرة]

ايه المشكلة ياحبيبتي انا والدتي خلفتني وهي ٣٠ سنة واختي بقت ٣٧ ولسه مخلفة بيبي من ٣ شهور اللهم بارك..واعرف ناس كتير مخلفة بعد ال ٤٠ كمان..انتي ليه مكبرة نفسك ؟! سن ال٣٠ دة عز الشباب ومن رأيي انه أنسب سن للزواج والخلفة

 

[000]

ايه يا بنتى ماله سن 30 انت محسسه نفسك سن 30 سن 400 سنة مومياء ههههههههههههههه

 

[Moura]

عادي منا حامل اهو وعندي 37 صحيح ده الرابع بس مفيش واحدة بتخلص دراسه وتتخطب وتتجوز وتخلف عيل واتنين وهي لسه في العشريناات وبعد كده تلاتين مش كبيرة مش احسن ما تكوني لا جواز ولا خلفه واهو التلاتين اهون م الاربعين

 

[عسل]

مدام تفكيرك بطريقه هذه النقاش معاكي عقيم

 

[عسل]

ربك اللى بيمشيها. والله.انا متجوزه.بقالى 13 سنه. ولسه ربنا مكرمنيش بالذريه.بس هما يجو. وبعدين يحلها.ربنا. احنا كده كده.تعبانين.

الله يرزقك الذريه الصالحه

 

[Moura]

مدام تفكيرك بطريقه هذه النقاش معاكي عقيم

بتكلمي مين انا ولا صاحبة البوست

 

[عسل]

بتكلمي مين انا ولا صاحبة البوست

مو حضرتك بكلم صاحبه البوست الي شايفه عمر الثلاثين كبيره على الخلفه