هل اخطئت في حقه ليعاقبني ببلوك

[mariwaf]

انا عمري ستة وثلاثين سنة محتجبة عازبة يتيمة اعيش مع امي التي تطيق العمي ولاتطيقني لا اعمل حاصلة علي دبلوم كمبيوترلا اعمل احببت رجلامتزوج ترك جرح غائرفي قلبي لانه ليس لي تعرفت بموقع زواج علي شاب يقول اصله هندي عمره 38 سنة شاهدت ملفه وصورته فارسلت له جملة هل تقبل ان نتعارف علما اني مغربية وهولايفهم العربية وانا كنت اراسله بالانجليزي عن طريق الترجمة هويقول انه طبيب بيطري انا حطيت بالموقع صورة ليست لي فقال اعرف انها ليست لك ارسلي صورتك فقلت له كيف ابعث صورتي لشخص لا اعرف عنه شيئا سوي ماكتبه هونتعارف اكثرواطمئن لنواياك وبعدين ابعثهاشو بتحب شوبتكره ماذاتنوي من دخولك للموقع لماذالم تتزوج وهنابدات مشكلتي ظل علي حالة صمت عقابي لايرد لمدة خمس ايام فقلت له ادرك انك تعاقبني لانك لم تري صورتي الشكل ليس كل شيء انت لاتسال عن اي شيء لارد صمت مستفزفقلت له اتعلم انالست قبيحة وحتي ان ارسلت صورتي لن تعجبك لانك تهتم بالشكل بس فقال طيب فيديوفاصرت اكثرفكتب لي صورتك اواتركيني وشاني وعملي بلوك وكتب لي جملة هذ موقع زواج وليس للتسلية وانت تتسلين موفقة في تسليتك ما قهرني اني رزعني بلوك وماعرفت ارد ومن ساعتها وانا لا ادردش مغ اي احد كرهني في نفسي فبدات اقرا فقرات ان هذه اعراض شخصية نرجسية مسمومة افيدوني من فضلكم

 

[bfifa]

ايه يااختى اللى بتعمليه فى نفسك دة .. كل تصرفاتك غلط

 

[bfifa]

انتى أخطأتى فى حقك نفسك مش حقه هو .. الأول تعرفتى على راجل متجوز وبعدين شات فى مواقع مشبهوه .. وكلام مع ناس ماتعرفيهاش .. رزقك هيجيلك ونصيبك مكتوب عند رب العالمين .. عززى نفسك وخلى عندك كرامة مافيش حد بيتجوز واحدة من المواقع دى وبيحترمها دايما هيشك فيكى انك ممكت تعملى كدة لما تتجوزيه .. اصبرى وربنا هيبعتلك نصيبك

 

[SOLO]

كبرى دماغك ياحبيبتى ولا يهمك وبعدين هندى ايه وبتاع ايه مالهم أبناء بلادك
وبعدين انتى لازم تركزى على نفسك اكتر دلوقتى يعنى تسعى انك تنزلى تشتغلى وتطورى من مهارتك وتقربى من ربنا

 

[لوليا بيرل]

بتقولي ايه.
؟ انتي بتقولي عندك ٣٦ سنه
لايمكن انتي كبيرك ٢٠ عام
اصل دي تصرفات مراهقه
واحد انتي اللي بعتيله وعايزة تتعرفي عليه غصب
وسابك ٥ ايام علشان مصر يشوف صورتك وكل ده وماسكه فيه
ومستغربه انه عمل بلوك
وبتقولي انك اتجرحتي ؟
وانتي ماتعرفهوش اصلا
هو طلبه واضح عايز صورة
لانه اكيد اتضحك عليه كتير
فا ماشي جد بقي ومش لسه هانتسلي وتعارف وكده
وانتي طبعا شخصية عايزة اتعرف الاول واعرفك وتعرفني وده منطقي طبعا
بس احسك قللتي من نفسك شويه
ماتعمليش كده ف نفسك تاني عززي نفسك وماتبعتيش لحد تاني
ربنا يبعتلك الزوج الصالح عاجلا ليس اجلا يارب العالمين
ويفرح قلبك ويسعدك