ا
امل بلال
غير مسجلة
حبايبى ممكن افضفض معاكم بحاجه صغيره غير حياتى وفرقت معايا شوية وبقيت عايشه سعيده
والحمد لله و حالى اتحسن كتير عن الاول طيب بقى ايه هى- كنت بفضل معلقة تفكيرى على المشاكل والهموم اغلب الوقت وبنام واصحى افكر فى الى مضايقنى وسايبه حياتى وعمرى يعدى على الفاضى زى ماتقولى كده كنت عايشه فى توهان الجراح على الماضى والخوف من المستقبل والمشاكل الحاليه وعماله اتعصر وانضغط طيب انا بقى اخدت استفدت ايه ولا حاجه غير ان شعرى بدا يسقط وبشرتى اسودت والحزن بقى مرسوم فى وشى وصحتى بقت فى النازل ومحدش نفعنى بحاجه بل بالعاكس بقى كل الحواليا بيبعد ويسبنى فاخدت قرار ايه هو انى اعيش سعيده وابقى مبسوطه رغم انف كل الظروف والمشاكل انى افكر فى نفسى ايه الى يبسطنى واعمله بقيت بضحك لما غيرت اضار تفكيرى وانتبهت لنفسى وبعد ما نعيط وبعد ما نحزن ايه الى حيتغير ولا حاجه حتجد يبقى نفكر صح الحكايه كلها فى فكرة بتودى عقلنا شمال او يمين عقلك ربنا مسخره ليكى تحت امرك بينفز الى بتفكرى فيه والى بتحدثى نفسك بيه كل ما نفكر فى الهموم والمشاكل المشاكل بتزيد وبتستفحل و بيينجذب لينامشاكل تانيه من نفس نوع التفكير يعنى يبقى نغير نفكر فى الحلول ابقى ايجابيه ايه الى اعمله يحللى مشاكلى واعمله والله تقدرى تبقى مبسوطه حتى وانتى فى بيتك لو قررتى تعيشى سعيده وتمشى فى طريق السعاده لان ها طريق زى ماالخير له طريق والشر له طريق السعاده لها طريق امشى فيه وغيرى نفسيتك وافرحى قبل العمر مايعدى ونندم على الى فات قبل مانعجز واحنا صغيرين اسعدى نفسك بنفسك ما تستنيش ان حد يسعدك محدش بيحس بحد انتى حسى بنفسك وطبطبى على روحك وحبى نفسك فكرى كل يوم انك تشوفى ايه اليسعدك وتعمليه وقربى من ربنا وادعى ربنا بلى نفسك فيه ادعيه كل يوم وحبى حياتك عشان حياتك تستاهل ربنا جعلنا فى الارض خليفه جابنا عشان نعبده ونعيش مبسوطين بس من غيرة الشيطان مننا ان ربنا كرمنا وفضلنا عليه بقى بيغير من كل البشر ومهمته مش بس انه يبعدك عن الصلاه والعباده لا وكمانى عايزنا حزنانين وسخطين كل الوقت على اقدار ربنا فمتسبيش نفسك فريسه له واحمدى ربنا على كل النعم ولو على خمس نعم بس فى حياتك اشكريه ربنا عليه ولو بس على نعمة الاسلام قولى الحمد لله واهم حاجه تركزى عليها كل يوم سيبك من الى مضيك وركزى على اسعاد نفسك انتى ايوه انتى لانك غاليه اوى فى عنين نفسك لو انتى بنت كلمى صحابتك واخرجى واتفسحى وعيشى دنيتك وعمرك ما تسبيش عمرك يعدى على ولاشى ولو انت ام افرحى بولادك وانبسطى معاهم هما محتاجينك اووى عايزين يشوفه امهم مبسوطه قداهم عشان هما كمان تنطبع عليهم السعاده منك فعيشى وافرحى العمر مش بيرجع استغلى كل لحظه فى عمرك واشترى الفرح بئيدك
