ليه زمايلي في الشغل فاكرين اني متعاملتش مع ناس قبل كده؟

Yasmine20

فتوكة جديدة
ليه فاكرني في الشغل ماتعملتش مع ناس كتير؟
انا جميلة ومؤدبة و محترمة وهادية بس مش اجتماعية اوي لاكن بحاول اكون اجتماعية علي اد ما اقدر و عندي صحاب بره الشغل من ايام الطفولة قريبين بحبهم اوي و دائما يقولولي اني لذيذة ، هما عددهم مش كبير علشان انا مش بيهمني عدد الصحاب علي قد ما بيهمني انهم يكونوا صحاب حقيقيين و ارتاحلهم بس في الشغل مش بثق في الناس اوي زي صحابي برة الشغل بس بحاول اكون لذيذة و كويسة و بقرب من اللي برتاحلهم بس لكن في مدير بيقولي انتي شكلك متعاملتيش مع ناس في الكلية و اني متعاملتش مع عالم قبل كدة و اني ساذجة و في شوية زمايل بيقولولي انهم حاسين اني متعاملتش مع ناس كتير و ان اهلي كانوا قفلين عليا مع ان كل الكلام دة غلط و اهلي بيسبوني اعمل كل حاجة انا عايزاها و مدلعيني بس كله بحدود و انا اصلا محترمة نفسي فمش بعمل حاجة غلط و اهلي واثقين فيا و غير كدة بتعامل عادي مع كل الناس و عندي صحاب بره الشغل عادي بس انا بختار صحابي و كمان مش ساذجة لاني بحس بالناس اوي و بفهم علطول و بختار صحابي كويس فا مش عارفة ليه بيحكموا عليا كدة في الشغل مع اني بحاول اكون اجتماعية . دة اول تجربة عمل ليا بس انا شايفة انهم مفروض ميجرحونيش و يقولولي كدة حتي لو هما حاسين بكدة لان انا كمان عندي نفس الانطباع عن ناس معينة في الشغل بس مش بقول عشان مجرحهمش . ليه بيفكروا عني كدة و اعمل ايه عشان اثبت العكس للي بيقولي الكلام دة؟
 

bfifa

فتوكة ونص
سيبى اللى يقول يقول .. وخليكى انتى زى ماانتى ولا تحطى كلام الناس فى بالك
 
يابنتي في ايه مالك فين الموضوع بجد ايه اللي بتقوليه ده مش قصدي اقلل منك بس انتي فعلا لو اتعاملتي مع عقليات كتير هاتعرفي تميزي عقول الناس وعقلك يبقي اكبر من كده
علشان مش هاتمسكي كل واحد من لسانه ما اللي يقول يقول

هو ايه الجارح ف كلامهم
يعني لما حد يقولي شكلك عمرك ماتعاملتي مع ناس واهلك مقفلين عليكي وايه المشكلة ؟
هاقول الحمدلله اه اهلي بيخافو عليا وباعدين ليه بتحكمي عليا كده مادام ماقلتش ادبي عليكي واتعاملت معاكي بذووق يبقي اتعاملت مع ناس او لا دي حاجه تضايقكم في ايه
انا كده متحفظه ع نفسي وحاطه حدود

مش فاهمه بجد فين الجرح ف كلامهم محسساني ان لو ماتعملتيش مع ناس مش هاتدلخي الجنه
سوري يتحرقو يعني براحتك
 

يمكنك أيضا مشاهدة