زوجي لا يهتم بالجماع خلاص

[ربيع العمر]

انا متزوجة من 13 سنة وعندي 37 سنة وجوزي 39..
جوزي كانت شهوته قوية وكان بيطلب الجماع يوميا مرتين وانا كنت بستجيب على قدر استطاعتي وتقريبا نادرا لما كنت برفض الا لو كان عندي مانع زي التهابات مهبلية او سبب عضوي يعني...
دلوقتي جوزي بقاله يمكن سنتين مش بيهتم بموضوع الجماع زي الاول وممكن يقعد بالاسبوع من غير ما يطلب حتى وكمان بقيت انا بلمح وافضل اتدلع عليه واتقرب منه عشان يحصل حاجة وبحس انه شهوته ما بقتش زي الاول خالص.. ما بقاش عنده نفس الشغف زي زمان مع انه بيحبني..
انا محافظة على جسمي وشكلي وبردو بحس انه بقى عنده برود واضطرني اقوله اني ست ولسة صغيرة وليا رغبات بردو فبدأ يحاول في الموضوع شوية بس بصراحة انا بحس انه عايز بس يثبت رجولته وانه لسة يقدر وكمان عشان يحميني اني اعمل حاجة حرام مثلا مع اني عمري ما حعمل كدة..
هو الفتور اللي عنده ده عادي في المرحلة العمرية دي ولا في حاجة غلط بيننا؟؟ انا سمعت ان الراجل لما بيقرب من الاربعين بيبدأ يحس بفتور ناحية مراته وكأنها اخته وبيحس بملل ناحيتها!!! من الناحية الجنسية وان قدرته الجنسية ممكن تكون قوية زي ما هي وده بيظهر فعلا لما يتجوز مرة تانية ويجدد نشاطه...ما اكدبش عليكم الموضوع ده قلقني بردو((
في واحدة منكم حصل معاها كدة؟؟ وهل المشكلة في انه زهقان ولا مشكلة السن مثلا مع انه لسة صغير بردو؟؟ هل ده سبب ان الراجل ممكن يتجوز تاني عشان يحس بالتجديد مع اني عاملة كل اللي عليا وبلبس وبتدلع بس بحس انه في معظم الاوقات بيعمل معايا بس عشان ما يبقاش شكله وحش قصادي ويثبت رجولته.... انصحوني طيب ممكن اعمل ايه؟؟
شكرا يا حلوين

 

[bfifa]

ممكن يكون بيشرب حاجة خلى بالك راقبيه كويس انا بسمع ان اللى بيتعاطى حاجة بيأثر على رغبته .. الاكيد انه مش السن طبعا لانه لسه صغير.. المشكله فعلا انه يكون اتجوز تانى بس ليه وانتى ماحرمتيهوش من حاجة ولا قصرتى معاه .. دورى وراه من غير مايحس

 

[فريده]

ربنا يصلح الاحوال يارب

 

[ام عمار]

ممكن فعلا يبقي عنده مشكلة صحيه
كل الرجاله مش زي بعض يعني ممكن يكون حاله برود فعلا ربنا يشفيه ويعافيه

 

[فاعلة خير]

شوفي يا قمر
اول حاجة متقلقيش خالص ولا تحسسيه انك حسيتي عشان ميعتبرش دا الطبيعي خليكي زي ما انتي بشغفك و دلعك و بريقك لغاية ما يرجعلك بنفسه و دخلي حياتك حاجات جديدة و اهتمي بيها زي القراءة او اي كورسات و عامليه بحنية بردو بس تجاهلي تقصيره و طبيعي جداا اي حد يحصله فتور بس ردة فعلك ممكن تخليه يجدد شغفه ليكي او يدور برة

 

[الحمدلله]

انا جوزي كان كدا وعرفت أنه بياخد ادويه قللت الرغبه عنده لو مش بياخد ادويه ساعة بيجي وقت الرغبه بتقل شويه انتي حاولي تجددي من لبسك دلعك اسلوبك اعمليلو جو رومانسي مختلف جددي المشاعر بينكم بشكل مختلف

 

[ام انوسه]

لا

ممكن يكون بيشرب حاجة خلى بالك راقبيه كويس انا بسمع ان اللى بيتعاطى حاجة بيأثر على رغبته .. الاكيد انه مش السن طبعا لانه لسه صغير.. المشكله فعلا انه يكون اتجوز تانى بس ليه وانتى ماحرمتيهوش من حاجة ولا قصرتى معاه .. دورى وراه من غير مايحس

بلاش تخليها تشك في جوزها ، ممكن تجدد في لبسها وطريقتها معاه وتجدد في العلاقه نفسها تشوف هو ايه اللي ممكن يلفت انتباهه وتعمله

 

[ام انوسه]

شوفي يا قمر
اول حاجة متقلقيش خالص ولا تحسسيه انك حسيتي عشان ميعتبرش دا الطبيعي خليكي زي ما انتي بشغفك و دلعك و بريقك لغاية ما يرجعلك بنفسه و دخلي حياتك حاجات جديدة و اهتمي بيها زي القراءة او اي كورسات و عامليه بحنية بردو بس تجاهلي تقصيره و طبيعي جداا اي حد يحصله فتور بس ردة فعلك ممكن تخليه يجدد شغفه ليكي او يدور برة

صح لسانك فعلا

 

[bfifa]

لا

بلاش تخليها تشك في جوزها ، ممكن تجدد في لبسها وطريقتها معاه وتجدد في العلاقه نفسها تشوف هو ايه اللي ممكن يلفت انتباهه وتعمله

مش بشككها فى جوزها لازم تاخد بالاسباب وتنتبه

 

[ام انوسه]

مش بشككها فى جوزها لازم تاخد بالاسباب وتنتبه

مردتش علي الرسائل في الخاص