زوجي بيخوني مع تلاته

ميار احمد

فتوكة جديدة
السلام عليكم
حابه افضض معاكم شويه مليش حد قريب مني اتكلم معاه انا متجوزه ليا 8سنين ومعايا طفلين ومن حوالي سنه ونص عرفت زوجي بيخوني مع تلاته بس مكالمات بس انا اتاكدت كانت بنسبالي صدمه لاني انا وهو متجوزين بعض عن حب وكان بنسبالي السما فوق وهو في الارض انا مكنتش حابه اكمل معاه بس بعد اعتذر وعر بغلطه قعدت معاه عشان عيالي يتربو وسطينا وهما متعلقين خالص بيه
بس المشكله اني مش عارفه انسي وبفكر كتير اني انفصل الايام دي بس مع العلم هو اتغير
ياريت تفيدوني بكلامكم وتدعولي كتير
 
يا أختي كل ابن آدم خطاء. وإذا كان زوجك ندم وتغير فلماذا يكون جزاءه جزاء من لم يندم ولم يتغير؟؟ تريدين تغيير النعمة؟ أنت الآن في نعمة وزوجك تائب كيف ترفضين توبته والله هو من يقبلها. كلنا نتمنى المغفرة والرحمة من الله. كيف نرجوها من الله ونحن لا نقبلها بيننا معاذ الله. (ألا تحبون أي يغفر الله لكم)
 

bata7azena

فتوكة جديدة
بصي انا من وجهة نظري الخيانة درجات يعني كلام الموبايل مش بعتبره حاجة اخرب بيتي عشانها بالعكس انتي تعرفي تجيبي حقك منه و انتي قاعدة معاه من غير انفصال. اصل حرام خراب البيت و انك تخسري استقرار عيالك من جميع النواحي عشان خاطر حاجة زي دي. لو هو اتغير زي ما بتقولي و انتي قررتي تسامحيه خلاص يبقى ده شيطان بيزن في دماغك كل شوية او ثقتك فيه بقت مهزوزة وده طبيعي محتاجة وقت عشان ترجعي تتقبليه تاني. لكن لو الموضوع اتكرر تاني خدي موقف منه ساعتها و ان شاء الموضوع ميتكررش و ربنا يهدي الحال بينكم
 

زهرة التقي

فتوكة جديدة
في الوضع ده هقولك نصيحة واحدة بس غيري اعتقادك... ربنا سبحانه وتعالي هو المدبر للكون هو الفاعل الحقيقي هو اللي قدر عليكي الألم ده... الشيطان اللي هيعمله معاكي دلوقتي انه يستغل ضعفك كأنثي وشعورك بأنك اطعنتي في ظهرك وشعورك بعدم الأمان وهيبدأ يخليكي علطول أسيرة للشعور ده علشان يعرف يشغلك عن ربنا... عن صلاتك... عن قرآنك... عن أولادك... عن كل باب ممكن يقربك من ربنا ويجبلك حسنات هتلقيه عمال يشغلك وتبقي بتتحركي في حياتك وانتي مشتتة ومحبطة... ده هو اللي بيحصل معاكي ومش سببه زوجك لأ ده سببه جواكي انتي... الشيطان متمكن منك.. ولو مكنتش في مشكلة ليكي مع زوجك كان هيدور علي حاجة تانية يخرب علي حياتك بيها ويخسرك دنيتك واخرتك فالحل انك توقفي سيطرة الشيطان عليكي

طيب ازاي ؟
هقولك علي تجربة اخت قريبة مني كان حصلها ربنا يعافينا امراض خربت حياتها... مشاكل نفسية وفقدان ذاكرة وورم في المخ ولفوا علي دكاترة المخ والاعصاب... اما جوزها بقي فخدها كدا من ايدها بعيالها وسابها قدام بيت أهلها من غير ما يمهد لها ولا بربع كلمة... ورجعوا لبعض تاني تخيلي دي... وحصل برده قصة التليفونات دي وحاجات كتير ما بينهم وعديتها بحاجة واحدة بس
 
التعديل الأخير:

زهرة التقي

فتوكة جديدة
الحاجة اللي عدت بيها من ده كله الدعاء والقران..والله كنت باستغرب من صبرها وتسليمها لأمر الله بس عرفت بعد كدا انها كانت في اشد المواقف تدعي يارب اربط علي قلبي كما ربطت علي قلب ام موسي بتكرر الدعاء ده كتير قوي ...كانت تقول يارب انا عارفة اني جاية الدنيا علشان اعبدك انته واتعامل معاك انته سبحانك مش مع الناس بس يارب انا تعبانة كانت بتقعد تعيط وتشتكي لربنا.. وكانت تفتح المصحف علي اي اية وقت الابتلاء تتثبت بيها وتسترشد بيها لعل ربنا يرشدها تتصرف ازاي؟
وما هو ربنا سبحانه وتعالي قال : (لنثبت به فؤداك)
اخر مرض لها كان هلاوس اه متستغربيش الدكتور اداها دواء غلط ٣ جرعات مضاعفة من دوائها فبدأت تشوف وتحس بحاجات مرعبة انتي حبيبتي الشيطان مأثر عليكي بوساوس لا اكثر فما بالك بحد كدا... كان تثبيت ربنا ليها عجيب قبل كدا كانت تفتح المصحف وربنا بجد يمن عليها بأيات تثبتها... لكن في المرض ده ماكنش فيها عقل اصلا علشان تبحث كنا نقول لها شغلي سورة البقرة في البيت؛
وشوفي كرم ربنا الايات كانت بتجيلها لغاية عندها كانت تقول : كنت احس بدوشة ووش كدا في راسي علطول ده هو والطبيعي من أثار الدواء ولكن فجأة افوق الاقي نفسي باسمع اية الكرسي اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَاوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ (255)
كانت تقول وقتها قلبي بيطمن واحس اني ليا رب ليا حد بيحميني ليا حد بيتولاني.. ليا حد اعلم بيا وايه اللي بيجرالي وبيجرالي ليه وهو هيحفظني ما دام قال لي كدا فبقت تقاوم خوفها بكدا... وانتي حبيبتي برده ليكي رب هو اللي قضي عليكي بالابتلاء بعله تكفير ذنوب ورفع درجات..لعلك كنتي متعلقة بزوجك ده ومعتمدة عليه وشاغل كل وقتك وتفكيرك فربنا بيشفيكي من التعلق بغيره... متخافيش ان زوجك يكرر ده لأنه ربنا اللي كتب عليكي ده مرة ورحمته ولطفه اوسع بيكي من انه يبتليكي الابتلاء ده تاني.. ليكي رب حكيم يتولي امرك ويحميكي من زوجك وغير زوجك الجأي له يثبتك قلبك ويحميكي حتي من وساوس نفسك والشيطان
صحبتي كانت تنام وفجأة تقوم من النوم علي
( أَمْ حَسِبْتُمْ أَن تَدْخُلُوا الْجَنَّةَ وَلَمَّا يَأْتِكُم مَّثَلُ الَّذِينَ خَلَوْا مِن قَبْلِكُم ۖ مَّسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّىٰ يَقُولَ الرَّسُولُ وَالَّذِينَ آمَنُوا مَعَهُ مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ)
فتطمن اكثر
كانت فجأة مكبر الصوت بتاع المسجد اللي جنبهم يعلي فتسمع


154)
وَلَنَبْلُوَنَّكُم بِشَيْءٍ مِّنَ الْخَوْفِ وَالْجُوعِ وَنَقْصٍ مِّنَ الْأَمْوَالِ وَالْأَنفُسِ وَالثَّمَرَاتِ ۗ وَبَشِّرِ الصَّابِرِينَ (155) الَّذِينَ إِذَا أَصَابَتْهُم مُّصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (156) أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ ۖ وَأُولَٰئِكَ هُمُ الْمُهْتَدُونَ (157)
شهر كامل مبتسمعش تقريبا غير الايات دي تفتح اذاعة القران الكريم تسمعها.. تركب مواصلات علشان تروح المستشفي تسمع ايات شبيهه لمعناها... وهكذا اول ما فاقت بدأت تمسك التفسير ويااااه علي التفسير كنت باسمعها وقتها واعيط واتعجب من رحمة ربنا ولطفه بيها
الصبر تسليم مع رضا اه مش استسلام للامر الواقع زي ما انتي بتعملي حبيبيتي لأ ربنا ارشدها انها تسلم امرها له يارب انا ملكك تفعل بي ما تشاء... يارب لو ده هيخلصني من ذنوبي ويقربني لك فانا راضية بل حابة كمان ان يحصل لي كدا في الدنيا علشان اخرج منها وانا خلصانة من ذنوبي
شوفي بقا ربنا بيبشرك لو عملتي كدا بايه اللي هيحصل :
أُولَٰئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ ۖ وَأُولَٰئِكَ هُمُ الْمُهْتَدُونَ (157)
ياااه ربنا هيغفر لك ( صلوات يعني مغفرة)
هيترفق بيكي ويحسن اليكي ( الرحمة من المنان ترفق مع احسان)
وهتكوني من ايه؟ المهتدين
ربنا هيرشدك تتصرفي ازاي؟ وييسر لك العمل باللي ارشدك بيه وكمان هيثبتك علي العمل ده
شفتي جايزة اكبر من كدا
ده انتي تقولي لجوزك اعمل اللي انته عاوزة... انا بقي عاوزة اكسب من وراك حسنات... اتمني ان كلامي يكون صحح الخلل اللي بيدخلك الشيطان منه ووعيتي انه سبحانه هو الفاعل الحقيقي وهو القادر انه يوقف عنك الابتلاء... اقولك حاجة تثبك بجد اعملي ختمة قران اقرئي مثلا بسم الله الرحمن الرحيم وشوفي تفسيرها وانتي بتتحركي ناجي ربنا بالمعاني اللي فهمتيها وادعي يارب ائذن لي بطاعتك يارب انا ظلمت نفسي وسلمت نفسي للشيطان وانا باستعين بك دلوقتي فارحمني برحمتك واجعلني اهل رحمتك... ادعي وادعي خلصتي انقلي للاية اللي بعدها الحمد لله رب العالمين وهكذا طول ايامك الجاية بل طول حياتك امشي كدا
ابدئي بالترتيب الفاتحة المعوذات اية الكرسي خواتيم البقرة الكافرون هتصحح لك اي خلل في حياتك وتسد عليكي مداخل الشيطان وتوقف تلاعبه بيكي وبمشاعرك خالص
شوفي شرح السور دي للدكتور شريف طه يونس
ربنا ينجيكي ويربط علي قلبك ويهدينا جميعا للصراط المستقيم

بِسْمِ اللَّهِ الرَّحْمَنِ الرَّحِيمِ (1)

الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)
 
التعديل الأخير بواسطة المشرف:
السلام عليكم
حابه افضض معاكم شويه مليش حد قريب مني اتكلم معاه انا متجوزه ليا 8سنين ومعايا طفلين ومن حوالي سنه ونص عرفت زوجي بيخوني مع تلاته بس مكالمات بس انا اتاكدت كانت بنسبالي صدمه لاني انا وهو متجوزين بعض عن حب وكان بنسبالي السما فوق وهو في الارض انا مكنتش حابه اكمل معاه بس بعد اعتذر وعر بغلطه قعدت معاه عشان عيالي يتربو وسطينا وهما متعلقين خالص بيه
بس المشكله اني مش عارفه انسي وبفكر كتير اني انفصل الايام دي بس مع العلم هو اتغير
ياريت تفيدوني بكلامكم وتدعولي كتير
أنا عموما مابحبش المجاملات في الردود والنصائح
اللي من نوعية طالما هو اعترف بغلطه خلاص سامحيه
طبعا اللى بتمري بيه ده إبتلاء من إبتلاءات الدنيا / لأن الخيانه من أصعب الحاجات خاصة على الأوفياء
وليكي كل الحق تزعلي وتعيطي وتنكسري لكن بعد ده كله إحسبيها بالعقل
هل وضعك ووضع أولادك هيكون أفضل وانتى منفصله / وللا وانتو مع زوجك اللى ليه أخطاء مش هتتغير
إحسبيها وإستخيري وربنا يكتبلك كل الخير
 
التعديل الأخير:

honeyhope

فتوكة جديدة
طالما انو بيكلم تلاتة وتلفون بس معناها مافيش وحدة معينة حبها أو ممكن يرتبط بيها في علاقة. هو أنا معاكي أن بعد كدة هتفقدي الثقة وهتفضلي تفتشي في تلفونه بس صدقيني مع الوقت هتلاقيه تغير و مش هتلاقي أدلة جديدة وهتنسي الموضوع وهيبرد قلبك.
يارب يا كريم يهدي جوزك ويبعد عنه الحرام ويزينك في نظره ويخليه قوام على عائلته ويربط على قلبك وتنسي كل حاجة اذنك.
 
يمكنك أيضا مشاهدة المنتدى التاريخ
أ تفسير الأحلام 0
H الموضوعات العامة 0

يمكنك أيضا مشاهدة