اسافر عروسه ولا استني سنه كمان

[ذات النقاب]

بنات أنا خطيبي مسافر دوله افريقيه (نائيه ) والمفروض انه كان ينزل نتجوز واسافر معاه ، دلوقت وضعه ف الشغل معقد ومش هيقدر يوضب شقه ف مصر وشقه برا
ف قدامي حلين اسافرله عروسه وشقتي ف مصر مش هتتوضب غير بعد سنتين ، مع العلم البلد صعبه كمعيشه جدا

او انتظره سنه كمان لحد م يقدر ينزل بس ده مش مضمون لأن كورونا الوضع مش مستقر ولأنه بيسافر ترانزيت نزوله بيكون صعب ، وكمان انتظارنا سنه كمان هيزود المشاكل
ده غير انه تعبان م الغربه لوحده هناك

أنا محتاره جدا اهلي عايزني اسافر وأنا نفسي أفرح بشقتي وابقي عروسه وكمان نعمل عمره زي م كنت متفقين
قولولي رائكم وتجاربكم ف سفر كعروسه
وادعولي بالله عليكم بتيسر الزواج

 

[ذات النقاب]

ليه محدش رد !!
ياااا فين ايام فتكاات الله المستعان

 

[Mariam MOo]

بصى هو انا مليش تجارب كعروسة .....بس لو هو شخص كويس وانتى بتحبيه وهو بيحبك ....يبقى من وجهه نظرى تسفريله .....لكن لو انتى لسه متعرفيهوش كويس يبقى استنى احسن .....ودا عشان لو لقدر الله اتعدى عليكى او هانك وانتوا فى غربه ....ملكيش حد هناك .....يبقى هتعملى اى ........لكن لو انتى علاقتك بيه كويسة وانتى واثقة فيه واهلك واثقين فيه ....يبقى سافرى خصوصا ان انتى بتقولى ان ظروف السفر صعبة بعد سنة وان انتى مش ضامنها ....وان هو فى غربة ومحتاجك ....انتى احسيبيها كدا ....وربنا ييسر الامور وابقوا جهزوا الشقة الى مصر بعد سنتين مش مشكلة ......وحتى لو ظروف العيشة فى البلد دى صعبة ....انتى وهو تهونوا على بعض وتعينوا بعض وصدقينى مش هتحسوا باى صعوبة بس دا لو انتوا عندكوا استعداد انكوا تتشاركوا حتى فى اوجعاكم....بس لو كل واحد هيبقى مش طايق نفسه يبقى بلاش احسن .....كلميه وحطى النقط فوق الحروف وربنا يحققلكم الى بتتمنوه وتروحوا تعملوا العمرة الى نفسكوا فيها يا رب....وصلى استخارة ....وربنا يهديلك الحال .....وييسرلك الى فيه خير ليكى

 

[Ema.my.love]

ربنا يكتب لك الخير انا احترت اكتر والله ربنا معاكي

 

[جوري]

بصى هو انا مليش تجارب كعروسة .....بس لو هو شخص كويس وانتى بتحبيه وهو بيحبك ....يبقى من وجهه نظرى تسفريله .....لكن لو انتى لسه متعرفيهوش كويس يبقى استنى احسن .....ودا عشان لو لقدر الله اتعدى عليكى او هانك وانتوا فى غربه ....ملكيش حد هناك .....يبقى هتعملى اى ........لكن لو انتى علاقتك بيه كويسة وانتى واثقة فيه واهلك واثقين فيه ....يبقى سافرى خصوصا ان انتى بتقولى ان ظروف السفر صعبة بعد سنة وان انتى مش ضامنها ....وان هو فى غربة ومحتاجك ....انتى احسيبيها كدا ....وربنا ييسر الامور وابقوا جهزوا الشقة الى مصر بعد سنتين مش مشكلة ......وحتى لو ظروف العيشة فى البلد دى صعبة ....انتى وهو تهونوا على بعض وتعينوا بعض وصدقينى مش هتحسوا باى صعوبة بس دا لو انتوا عندكوا استعداد انكوا تتشاركوا حتى فى اوجعاكم....بس لو كل واحد هيبقى مش طايق نفسه يبقى بلاش احسن .....كلميه وحطى النقط فوق الحروف وربنا يحققلكم الى بتتمنوه وتروحوا تعملوا العمرة الى نفسكوا فيها يا رب....وصلى استخارة ....وربنا يهديلك الحال .....وييسرلك الى فيه خير ليكى

لا متسافريش قبل ماتعملي شقتك انا عملت زيك وسافرت وبقالي خمس سنيين مش عارفة اعمل شقة ليه في مصر

 

[Pretty]

جهزي شقتك هنا الأول وبعدين سافري
علشان بعد الزواج الإلتزامات بتزيد وبيكون صعب توضيب شقة
أصبري أفضل ياجميلة

 

[اسيا انس]

ماتسافريش