شقتي مباحة لأهل جوزي

[المحتارة]

بعيد عن الحمل وكده هسالكو فى مشكله دلوقتى انا ف بيت عيله وحامل اول حمل المهم انا تعبت كذا مره واغمى عليا وانا ف الشقه لوحدى ف ماماتى قالت ليا ولجوزى اكمل التلات شهور المتبقين عند ماما لحد ماولد بدل ماقع تانى المهم بروح كل خميس وجمعه دلوقتى اول شهر عدى وبعدين اما بروح بلاقي حاجات غريبه زى يكونوا طلعوا اكلو ف الشقه مع جوزى مفيش مشكله بس جوزى بيخبى عليا عشان مضايقش وبعدين لقيت ان اخوه بياخد شاور عندى ف الشقه ف انا قولتله مش راحه لماما تانى وهقطع الاتفاق ده عشان شقتى بقت مباحه بشكل غريب مع العلم اخوه ليه شقه تحت بيوضبها عشان ينقل فيها وعنده شقة مامته برضو

 

[bfifa]

ماتسمحيش لحد يدخل شقتك وانتى مش موجودة
والعيب على جوزك طبعا ازاى يسمح بكدة دى حياتكم الخاصة
ارجعى بيتك وشهور الحمل الاولانية عدت خلاص مافيش داعى تقعدى عند اهلك .. لو كل ست تعبت شوية فى اول حملها راحت عند اهلها البنات كلها هترجع كدة بيت اهلها
وبعدين التعب لسه جاى ورا ياما هتتعبى والبيبى هيتعب بعد الشر عليكم بس دة العادى
خليكى قوية واستحملى وخليكى اد مسئولية فتح بيت

 

[Mariam MOo]

خلى مامتك تيجى تقعد عندك لما تحسى نفسك تعيانه.....زكدا افضل احسن ما حد يكسر حاجه او كدا