نفسى ربنا يرزقنى بالذريه الصالحه

[Aya zizo]

انا متجوزه بقالى ٣ سنين ونص ولسه ربنا مرزقنيش بالاولاد نفسيا مضمره و تعبانه ومش عارفه ابين لحد لان كل اللى حواليا ما شاء الله ربنا ناعم عليهم بالاولاد حتى اقرب الناس ليه مبقتش حابه اتكلم معاهم عشان محدش بقى بيفهمنى كله بيقولى اصبرى ...لان مفي دكتور محددلى مشكله معينه وانا نفسيتى تعبت و بقيت بصحى بليل من النوم من كتر مانا مخنوقه وافضل اعيط ... انا مش عارفه اعمل ايه بدعى و بتابع مع الدكتور لما اكشف و لما ملاقيش نتيجه بسيبه ..انا تعبانه و مضغوطه نفسيا اوووى

 

[bfifa]

يارب يرزقك بالذرية الصالحة يارب .. احنا فى ايام مفترجة وان شاء الله كله خير

 

[بشارة قادمة]

اكثري من الدعاء في رمضان واللهي انت مش لوحدك بس الامل في ربنا كلنا عايشين عليه

 

[دولي]

ربنا يرزقك يارب بالذرية الصالحة

 

[مستعينه بالله]

ان شاء الله ربناهيجبر بخاطرك ان شاء الله ده اختبار اصبري شويه صغيره وان شاء الله هيكرمك وهتزهقي من زن العيال وهيبقوا حواليكي ودموعكي دي هتزل من كتر شقاوتهم متزعليش وقوي نفسك بقربك من ربنا ولسوف يعطيك ربك فترضي اكثري من قيام الليل في ايام شعبان وعليكي بقراءه سوره مريم وبس كل ليله جمعه وان شاء الله خير وهو عالم بحالك وقولي في الصلاه اللهم لا تذرني فردا وانت خير الوراثين وقبل ما تقولي كل ده لازم يكون عندك يقين اكبر وان ربنا هيكرمك وحدي بالاسباب بالقران والعلاج اوعي تياسي من رحمه ربنا خليكي قويه لو ضعفتي ودموعك نزلت اتوضي واشتكي لربنا وان شاء الله هيكرمك باحلي اولاد ربنا يراضكي وابقي افتكريني بس هيراضكي بازن الله