نفسى يغمى عليا زى باقى البنات

[المحتارة]

بجد ما تقولوش عليه هبله الله يخليكم انا فعلا نفسي يغمى عليه فى مواقف كتيرة بتحط فيها وناس بتتغط عليه وببقي حسه انى مضايقه وتعبانه جداااااااا لكن ما بيغماش عليه فمحدش بيحس بيه لكن لو واحده من صحباتى اغمى عليها الناس تقول ديه رقيقه ويعاملوها كويس واللى كان مزعلها يصالحها ويخافوا يزعلوها تانى وبتعرف عنها انها رقيقه لكن انا اولع مش مهم مانا مش رقيقه لكن والله ببقي تعبانه ومحدش بيقدر لانى حسااااااااااااااااسه جدا لاقصي درجه تتخيلوها لكن ما بيغماش عليه...حسالكم سؤال هو ايه اسباب ان واحده يغمى عليها ؟؟؟وهل معنى ان اغمى عليها انها رقيقه ؟؟؟وانا لاء؟؟؟؟؟؟؟؟ معلش استحملونى انا اختكم الصغيرة عندى 16 سنه بس بجد ديه امنيه حياتى لدرجه انى فكرت اعرف ايه اسباب الاغماء عشان اعملها ويغمى عليه حتى لو لوحدى عشان احس انى رقيقه....محدش يزعق لى وقولوا لى هى الى بيغمى عليها بتبقي رقيقه ولا ايه؟؟؟يعنى انا راجل؟؟؟؟؟؟؟؟؟

 

[ملكة الكون]

رد: نفسى يغمى عليا زى باقى البنات

ياستي الف بعد الشر عليكي
انتي شكلك عسولة من طريقة كلامك

متقوليش كدة وربنا يصلح الحال

 

[بشارة قادمة]

يا حبيبتي في مجتمع النساء اللي بتستخدم اللاسلوب الساذج دا من البنات بيقولو عليها ممثله والناس بيخافو منها لان التصرف دا معروف عند الستات اللي بتحاول تقلب اي مشكلة لصالحها وبقي موقف ساذج ومكشوف واللي بتعمله مش متقبلة اجتماعيا اسلوب قديم ومستهلك كوني نفسك يا حبيبتي انتي زي ما انتي مش الاغماء اللي هيخلي الناس تتعاطف معاكي علي العكس

 

[شيكولاتة بالمستكة]

بعد الشر عنك يا حبيبتي
ليه طرية تفكيرك كده
ولا ليها علاقة بالانوثة ولا الرقة
شيلي الموضوع من دماغك خالص
واستعيذي كتير من الشيطان الرجيم
مش يمكن اللي بيغمي عليها عندها مشاكل في القلب او المخ
بس علشان لسه صغيرة مش باين عليها
احمدي ربنا ودايما استغفوي كتير هتلاقي كل حاجة تمام