خطيبى بيتقل عليا

[المحتارة]

بصراحة يافتوكات فكرت كتير اعمل موضوع هنا
بس احيانا بلاقى عدم اهتمام من الاعضاء

المهم هدخل فى الموضوع
ساعات بحس ان خطيبى بيتقل عليا
احنا مخطوبين من سنتين تقريبا
لما حس انى حبيتة اوى ومقدرش استغنى عنة
بدأ يتقل عليا وكل مايحصل مشكلة
مثلا او اى حاجة يقولى بالطريقة ..انا كدة بقى
احس انة بيقولى ((وان كان عاجبك))
انا بحبة جدا ومتأكدة انة بيحبنى جدا
بس فى رجال من النوع اللى بيعودوا زوجاتهم على حاجات معينة
وبيعودوهم على التقل وانهم لازم يبقى تحت رجليهم

انا حاليا نفسى حد يقولى طريقة
ازاى اتعامل معاة واعلمة انة مينفعش يتقل عليا

حد ممكن يقولى ازاى اتقل علية؟؟؟
بس بطريقة لطيفة لا اشد اوى علية ولا ارخى
هو بيكلمنى كل يوم تقريبا
ولو كلمتة فى يوم عادى من غير دلع يقولى انتى بتكلمى واقف كدة لية
وان اكلمت بدلع واحسسة بحبى احس انة خلاص
حس انى بقيت اسيرة لة

يارب اللى تقولى على حل
تتجوز قريب وربنا يرزقها من حيث لم تحتسب
ويرزقها حسن الخاتمة

 

[Sara4567]

شوفي اتقلي عليه
انقلي محبه تزيد محبه
الرجال بحبه التقل حتى لو بينو العكس ونصيحة حاولي ماتتعلقي فيه وقسي قلبك واتقلي عليه كتييييير

 

[bfifa]

حسسيه انك عندك اهتمامات تانية كتير غيره ..من الواضح انك محسساه انه محور حياتك .. وانه هو الشى الوحيد اللى واخد عقلك .. لأ ماينفعش كدة يطلبك مثلا قوليله سورى هكلمك تانى مشغولة شوية .. ماتتلهفيش عليه .. شوية كدة وشوية

 

[أم عبد الله أميرة]

نصيحة حاولي لا تتعلقي بأي أحد في الدنيا قوي أ ي كان هو مين من البشر لانك لو اتعلقت بأحد قو ي لو زعلك هتزعل أوي ولو رحل عنك هتزعلي أوي وانت اللى هتتعبي .
علقي قلبك بالله وحده
وبالنسبة للتقل
بلاش الدلع قبل الزواج مع الخطيب
عندما يراسلك اتأخري دقيقة أو دقيقتان قبل أن تردي عليه
اشغلي وقتك بما ينفعك في الدنيا والآخرة
وخطيبك يأخذ جزء من وقتك فقط وليس كل وقتك ده هبساعدك على التقل
بعدين الراجل او ضمن حب المرأة يقل اهتمامه بها إلا ما رحم ربي
ربي ييسر لك الأمور ويسعدك في الدنيا والاخرة

 

[Mariam MOo]

لما تلقيه يقولك انا كده بقى .....قوليلوا وانا مش بحب كده .....قوليلوا ان الحياه مشاركة ومتعويدهوش على الدلع .....خلى الدلع لبعد الجواز ارجوكى .....فترة الخطوبة دى زى اختبار الراجل بيختبر الست والست بتختبر الراجل.....طباعه الى فى الخطوبة مش هتتغير بعد الجواز الا بصعوبة كبيرة...دا لو اتغيرت اصلا ......قوليلوا صاريحى كدا....انا مش بحب المعاملة دى .....عاملنى ذى ما بعملك....قاللك انا كده بقى ....يبقى عامليه بالمثل..لو قاللم بتكلمينى واقف كدا ليه قوليلو انا كدا بقى .....عشان يحس بالى انتى حاسه بيه......ارخى وشدى .....مترخيش خااالص ولا تشدى خالص