انا زوجة تانية وزوجى يهملنى

[المحتارة]

دلوقتي انا زوجه تانيه و زوجي معظم الوقت عند مراته الاولي و ده كنا متفقين عليه من الاول و اهلي قالولي انتي حره ده زوجك و اتفقوا علي اللي هاينسبك و بريحك
بس احنا بقالنا كتير اوي ماتقبلناش و الموضوع ده مضيقني و مهمه اقوله وحشتني و عايزه اشوفك طب يومين بس يقولي الشغل و الولاد ما انتي عارفه و مش عايزهم يحسوا انك وخداني منهم و كلام كتير كده و لو قولتلو حاجه زي برضه انت وحشتني و ليا حق عليك يقولي احنا متفقين علي كده
دلوقتي بقي يابنات عايزاكو تقولولي افكار اعملها واتس او موبايل عشان اوحشه و يجي يقعد معايا يومين بس
كلام او حركات اي حاجه
انا جربت معاه كذه حاجه قبل كده بس دلوقتي افكاري خلصت
ارجوكوا يا بنات سعدوني
عشان لما بنفضل فتره كبيره زي دلوقتي مش بنتقابل نفسيتي بتتعب اقسم بالله

 

[Warda11]

ودلوقتي ايه الحل المشكله فيكي انتي لانك اخيرا عرفتي انك وقعتي نفسك في المشكله بعد حدوثها مش قبل كده وده الغلط غلطتك لما اتنازلتي وكان جوازك في السر غلطتك لما اتجوزتي انسان متجوز وعنده اولاد والتنازل يجيب تنازل وهكذا وهو رد عليكي وقالك ده اتفاق بينا وللأسف يافندم حضرتك للمتعه لا اكثر مجرد تفريغ شهواني وحتي ده بخيل فيه الزواج موده ورحمه لا تجديها في العلاقه إنما في المواقف بين الزوجين في خوفهم علي بعض الحنان منك الاحتواء والامان منه حركات ايه يابنتي اللي تعمليها انتي زوجه وليكي حقوق بس ازاي نطلبها وانتي من الأساس اتنازلتي عنها انتن لسن ساحرات بل صالحات انتن تاج علي الرؤوس ولا يضع التيجان الا الملوك

 

[bfifa]

عندك كام سنة حبيبتى؟
وزوجك كام سنة؟
وايه اسبابه اللى قالهالك ومفتقدها فى مراته علشان يتجوز تانى ؟
طيب لما هو مبسوط فى بيته مع ولاده ومراته ومش بيجيلك الا على فترات بعيدة اومال ايه اللى يخليه يتجوز تانى؟
لازم تردى
حركات ايه يابنتى دلوقتى !
يابنتى دة حتى مش بيشتاقلك
انتى عندك مشكله كبيرة انتى استبن زوجة .. راجعى حساباتك معاه انتى ليكى حقوق وحقوق كتير جدا عليه مش بس رغبة جنسية لا كل الحقوق المعنوية . الرعاية الاهتمام العطف السند (عارفة ياعنى ايه السند) ياعنى راجل مش شبه راجل

 

[Yasmine 22]

للأسف ياحبيبتي هو كده خلاص واخدك مجرد نزوه مش زواج رسمي مجرد انه مقصر في حقوقك وانتي وافقتيه على كده مبقاش فيها رجوع خلاص يا هتقبلي تكملي بالوضع ده للأسف يا تلجائي للكلام تآني يمكن يرجع عن طريقته معاكي دي شويه مع اني اشك انه يرجع في اتفاقيته دي

 

[cat.woman]

مش انتو متفقين علي كده ؟
استحملي بقه
هو كان واضح واتشرط وانتي وافقتي
يبقي تستحملي
او تتكلمي معاه بما يرضي الله وتقوليله انك حابه تغيري الاتفاق تماما لاتفاق جديد
لان اي افكار هتتقال دلوقتي هتخلي يجيلك يوم ولا اتنين وخلاص ويرجع للاتفاق القديم
انتي مش محتاجه حلول ثانويه انتي محتاجه حل جزري
اللي هو اتفاق جديد بشروط جديده ترضي ربنا

 

[ZAhmed]

الجواز مش للمتعة وتقضية كام ساعة مع بعض وبس
الجواز بناء اسرة ومجتمع
الجواز مودة ورحمة وسكينة
الجواز مش عشان ابني بيتي واعمل اسرة فاهد بيت واسرة واحدة تانية وعلشان افرح فرحه كذابه مسروقه اسرق فرحة واحدة تانية واحزن وابكي واحدة تانية
سيبك منه لبيته ولعياله وروحي اتجوزي واحد فاضي يكون ليكي لوحدك

مش انتو متفقين علي كده ؟
استحملي بقه
هو كان واضح واتشرط وانتي وافقتي
يبقي تستحملي
او تتكلمي معاه بما يرضي الله وتقوليله انك حابه تغيري الاتفاق تماما لاتفاق جديد
لان اي افكار هتتقال دلوقتي هتخلي يجيلك يوم ولا اتنين وخلاص ويرجع للاتفاق القديم
انتي مش محتاجه حلول ثانويه انتي محتاجه حل جزري
اللي هو اتفاق جديد بشروط جديده ترضي ربنا