انا موسوسة ولا ؟! بقرف كتييييير

[المحتارة]

يا بنات انا نضيفة زيادة عن اللزوم وشكل الموضوع بدأ يدخل فى وسوسة المشكلة مش فى كدة المشكلة ان مخطوبة وحصل موقف وحش جدااااااااااااااا ما بينى وبين خطيبى (((كنا فى دريم بارك وكانت ماما جايبة اكل ومن ضمن الاكل بيض مسلوق وكان فى كذا باسكت ((زبالة)) ""اسفة على اللفظ بس مش لاقية تعبير تانى""" والباسكت دة كان جمبنا بالظبط واحنا كلنا واقفين بناكل وساندويتشات وكدة الاقيى خطيبى اخد بيضة وراح وقف قدام الباسكت وفتحه بأيده وبالايد التانية كسر البيضة على حرف الباسكت وقشرها بأيده اللى كان فاتح بيها غطا الباسكت واكلها انا صوعقت وهما كلهم ((مامته واخواته يعنى)) قعدوا يضحكوا وعادى وقعدوا يألسوا عليا ويقولى اه بقى مانتى موسوسة نضافة المهم بعدها طلعنا على روحنا على كوبرى كدة على النيل واقفين بالعربية وكدة وكلنا نزلنا وانا خطيبى واقفين فقولت حاجة كدة بهزار راح حاطط ايده على بؤقى وقالى بمتقوليش كدة تانىى بهزار بردو المشكلة ان انا عملت حاجة لا ارادية زقيت ايده جامد وقولتله اوعى اوعى ايدك دى ومسحت بؤقى بمنديل ((هوة بيقولى قعدى ""تـتفى"" اسفة واللهى على اللفظ بس هوة قالى كدة)) بقرف كدة وانا فعلا كنت قرفانة من ايده جداااااااااااااااااااااا رغم ان هوة حد كويس اوى معايا ومحترم واخلاق وبيصلى وكدة بس انا مدايقة جدا من دة والمشكلة انه كلمنى فى كدة وقالى انا كنت فاكر وسوستك دى مش حتسببلنا مشاكل فى حياتنا لكن واضح انها هتخلينى اتجنبك علشان متكسفنيش تانى (((وقالى يعنى افرضى واحان متجوزين وانا جيت من برة وعايز اخدك فى حضنى او ابوسك هتقوللى روح اغسل ايدك وشفايفك الاول قولتله اه وهوة مدايق جدا دلوقتى وبيقولى انتى بتقرفى منى مع انا عمرى نا ااقرف منك وهوة مرة كنت باكل بونبوناية طلب ياخدها من بقى والح جامد وفعلا طلعتها واديتهاله بس كنت مستغرباه جدا وقولتله انت مش قرفان ؟؟!! قالى عمرى ما اقرف منك يااااااااااااااااااابناااااااااااااات انا خايفة لما اتجوزه اديقه بتصرفاتى مع العلم ان فعلا بقرف جداااااااااااااااااا ومش متخيلة ابدا ازاى ممكن يبقى داخل من الشغل واحضنه او ابوسه بجد صعب جدااااااااااااااااااااااا انا ايه اللى عرفنى كمية الجراثيم االلى هوة حاملها والمشكلة كمان ان فى سؤال محيرنى جدااااااااااااااااااااااا (((((هو اللعاب بينقل الجراثيم والميكروبات بين المتزوجين ؟؟؟؟؟؟ ولا ايه ؟؟؟؟ بجد انا خايفة لما اتجوزه اغضب ربنا ان ممكن اغضب زوجى))) انا نفسى حد يطمنى والناس المتجوزة بيتعاملوا ازاى فى الحاجات دى بجد دى حاجة مقرفة اوى وخصوصا لو حد نضافته ممكن متبقاش زيك انا تعبااااااااااااااااااانة اوى وحاسة انه مجروح وقلقان من مستقبله معايا يا بنات ارجوكو قولولى حل انا عارفة انى اوفر بس هوة بردو مش نضيف اوى ((زى اغلبية الشباب)))..دة وصلت انه قالى احنا لما نتجوز انا مش هلمسك غير لما تبطلى تقرفى منى واللهى انا قبل كدة مكنتش بقرف منه اوى كدة ولو بقرف مش ببينله بس دلوقتى بقرف جداااااااااااااااااا ..واسفة على الاطالة بس بجد انا مش عارفة اعمل ايه ولا اتأقلم ولا استوعب

 

[بريق امل]

رد: انا موسوسة ولا ؟! بقرف كتييييير

بصراحة موضوع تقشير البيضة وضربها بالباسكيت دي فعلا حركة مقرفة جدا بالنسبالي بس باقي الحاجات اللي قولتيها عادي انك تتعاملي معاها يعني مفيهاش حاجة لما يحط ايدو في بقك او يجي من الشغل يحضنك عادي جدا متاخديش الامور بحساسية وقرف زيادة عشان ميتخنقش منك ويبعد