ماما جبتلي حالة عصبية

[عبير]

انا امي جبتلي حاله عصبية
ضغط نفسي رهيب من وانا صغيرةمهما احاول اريحها وامسك اعصابي مفيش فايده
ذي ما بابا كان بيقول عليها "لتاته"
- اخر مشكله بسبب ان اخويا ولع نور المطبخ وقالها انا لقيته والع .. لقتها بتزعقلي علي نور المطبخ قمت من مكاني مخصوص رغم انهم اقرب مني وطفيت النور وقولتلها مش انا .... نخلص علي كده ؟لا طبعا! .. جت جمب باب اوضتي وفضلت تزعق علي النور وسحب الكهرباء وازاي اسيب النور
احاول امسك اعصابي احاول اعمل مش سامعه مقدرتش بدأت ازعق واقولها باعلي صوت مش انا مش انا مش انا .... دخلت ضربتني بالشبشب علي وشي وفضلت تضرب فيا وانا عندي 32سنة مش صغيره علي عمايل دي ... اخدته رميته من الشباك ... وفضلت تقطع في جسمي بضوافرها وتضرب فيا ... واخويا دخل يحوش عندي ... انا قولتلها انتي ست متوحشه ومجنونه
- زعلت طبعا وفضلت تدعي عليا وتقولي اني مريضه نفسيا وان غضب ربنا عليا وصلاه ايه مصليش تاني احسن وشتايم كتير
امي عموما بتكره البنات بتقولي دايما انتي بنت ببتاع ملكيش لزمة
اما مش لا عارفه ولا قادره اتعامل انا بتعصب وازعق وبرد عليها كلمة بكلمة ... مكنتش كده بس في مرحله ما فاض بيا ومبقتش بقدر اتحمل وبقيت عصبيه
- من العصبية جالي سحابه علي العين "عباره عن انفجار في شعره دمويه في العين " ومره مشكله ف دراعي الشمال
مش محتاجه منكم غير دعوة باصلاح الحال

 

[شمس مشرقه]

حبيبتي مش دايما الام بتكون مصدر الحنيه لولادها ساعات كتير بتكون الام محتاجه الحنيه من ولادها اكتر منهم امك هي طريقك للجنه اتقربي منها و حسسيها انك بتحبيها وعاوزه رضاها بالكلام وبالفعل امك اكيد ضحت كتير علشانكم ممكن بحاجات انت متعرفيش عنها وهي محتاجه تحسسوها بالامان والحنيه اللي هي مفتقداهم و ان شاء الامور ترجع بينكم لطبعيتها كلنا عندنا مشاكل كتير في حياتنا لكن قربنا من بعض بتهونها اكيد احساسها ببعدك عنها وتجاهلك ليها اقسي بكتير ومؤلم اكتر من الضرب اللي وجعك ربنا يصلح لك الحال

 

[bfifa]

معلش حبيبتى استحملى وماترديش وان شاء الله ربنا هيرزقك بالزوج الصالح

 

[ناصحة أمينة]

السلام عليكم
هاكتبلك نصيحة لوجه الله حطيها حلقة فى ودانك غالبا البيوت اللى بيحصل فيها كده بتكون بيوت محسودة أو فى شيطان فى البيت ربنا يكفيكم شر كيد الشياطين ...طب نعمل ايه عشان نحارب الشيطان ونحمى نفسنا من العين والحسد والمس والسحر ؟؟ أولا لازم تحافظى على صلاتك وبالذات صلاة الفجر ..ثانيا حافظى على اذكار مابعد الصلاة ..ثالثا حافظى على اذكار الصباح والمساء ..رابعا حافظى على اذكار النوم ..خامسا لازم تقولى بسم الله قبل ماتاكلى واياك تخلعى ملابسك من غير ماتقولى بسم الله وإياك تدخلى الحمام من غير ماتقولى اللهم إنى أعوذ بك من الخبث والخبائث ولو تقدرى تقرئى سورة البقرة كل يوم تبقى ممتازة وهتفرق معاكى أوى لو صعبة عليكى فى الأول ممكن تقسميها على ٣ أيام ومع الوقت هتبقى سهلة وتقدرى تقرئيها يوميا .. وياريت لو يكون ليكى ورد من الصلاة على النبى يوميا بأعداد كبيرة ..كل لما تزودى فى الذكر كل لما الشيطان يبعد عنك ويخاف منك وأمورك تتيسر .الحاجات اللى أنا بقولك عليها دى هتبانلك فى الأول إنها كتيرة وصعبة بس مع الوقت هتتعودى عليها وهتحبيها وهتلاحظى فرق كبير فى نفسيتك ولو مامتك بردو تعمل كده وأخوك وكل اللى فى البيت هتلاحظوا هدوء فى البيت وراحة نفسية ومشاكلكم إن شاء الله هتتحل بس أوصيكم بالاستمرار وعدم استعجال النتيجة ...الكلام ده أنا بقولهولك عن تجربة ..أصلا معظم البنات اللى تأخرت فى الزواج معظمهم بيكونوا مصابين بالحسد أو اى مرض روحى ولازم يحصنوا نفسهم أنا أسفة إنى بقولك الكلام ده بس والله أنا لا أقصد إلا الخير وأنا زيك وبقولك دى تجربة شخصية وبنصحك من قلبى عشان تستفيدى
ربنا ييسرلك أمرك ويصلح بينك وبين أمك ويصرف عنكم كيد شياطين الإنس والجن

 

[عابدة]

الاخت لي فوق جزاها الله خيرا قالت نفس الشي لي كنت حابة قولو...بدي ازيد بس انو تجعلي النية بالاستغفار و الصلاة على رسول الله صلى الله عليه و سلم و قراءة البقرة انو الله يدفع عنك كل اذى و انو الله يشفيك و يبتد تنكم اذى الانس و الجن باذن الله تعالى..صدقيني لي قالتو الاخت مجرب و مضمون باذن الله تعالى..اذا لقيندتي نفسك مو مرتاحة و في اشياء تمنعك عن دا..فاتاكدي انو جد في اصابة روحانية..تضرعي لله تعالى و اشكي له و اساليه الشفاء و تذكري انو الله سبحانه ينزل للسماء الدنيا في الثلث الاخير من الليل و يجيب كل دعاء عبيده.

 

[يارب آعني]

حضرتيك زعلانه ان والدتك بتعاملك معامله وحشه تعملي ايه لوعندك ام عملتلك اسحار ودمرت حياتك وانتي صغيره وانتي كبيره وضيعت عمرك ووقفت تتفرج عليكي وانتي بتنتهي وكل ده علشان مصلحتها والفلوس كانت اهم عندها احمدي ربنا ومتزعليش اتحمليها وادعيليها بالهدايه ربنا قادر علي كل شيء

 

[حبيبة الرحمن]

صدقينى مهما كانت قاسيه او عصبيه عليكى هى امك لو أمك ماتت وجاتلك مرات أب كنتى عرفتى قيمتها