ام مكه
فتوكة جديدة
السلام عليكم انا كنت في فرح وست شافتني وعجبتها وسالت عليه وكده ووصلوا وجم اتقدموا فرحت طبعا اني هتخطب وكده كان عندي 17سنه وكان اكبر مني ب7سنين اتخطبنا وكنت مبسوطه اوي وبعدين بدأت تحكماته تزيد متخرجيش اللبس ده ضيق مفيش بناطيل وانا كنت بسمع كلامه عشان بحبه مع أن ماما وبابا مكنوش راضين عن تصرفاته دي وحصل كذا مشكله بس كانت بتتحل المهم بعد سنتين اتكتب كتابنا وفي يوم الفون بتاعي كان بايظ اداني الفون بتاعه وهوه معاه واحد تاني لقيته مكلم بنت خالته وانا بنت خالته دي عرفت أنهم كانوا معجبين ببعض قبل ما يخطبني بس كان لعب عيال وخلاص طبعا قلبت الدنيا عليه وقالي غلطه ومش هتتكرر تاني وفضلت مخصماه كتير وعملها حظر والموضوع خلص وعدي واتجوزنا وحملت علطول وانا حامل في الاخر اتشاكلنا انا وهوه شكله كبيره وسبت البيت قعدت اسبوع عند ماما وناس أدخلت في الموضوع و رجعت مسكت الفون بتاعه لقيته مكلم بنت خالته دي وهيه اصلا اتجوزت ومعاها ولد طلبتها وشتمتها وقالي ما انتي كنتي سيباني وكنت مخنوق وطلبت الطلاق وهوه مش راضي ودخلت ناس كبيره وأهله المهم قالي والله اخر مره وامسحي الرقم واعملي حظر ليها واخر فرصه وكده وبعد مشاكل كتير جدا عديت الموضوع ومن ساعتها وانا مش مرتاحه الشك هيموتني كل شويه امسك فونه وأشوف رقمها معمول حظر ولا لا سيبلي فونه علطول قدامي بقعد اقول لو عامل حاجه هيخاف بس بردوا مش مطمنه وانا دلوقتي متجوزين بقالنا 3سنين ومعانا بنوته بس عايشه في الجحيم أفضل ارن عليه لو انتظار افضل اساله بتكلم مين ولما يرجع اشوف فونه كلم مين حاسه اني هموووت من الشك فيه لو اتخنقنا سوا اقول هيروح يكلمها اعمل ايه عشان اتخلص من الشك ده وشكرا معلش طولت عليكم
