بالله عليكم ادعولي يتي هيتخرب بسبب زجاجه بيبسي

[المحتارة]

السلام عليكم
ازيكم يا اخواتي
انا عندي مشكله عاوزه استشيركم فيها ربنا يخليكم ليا
انا متزوجه في محافظه بعيده عن اهلي وبزورهم كل فتره وزوجي بيكون معايا
حصلت مشكله بيني وبين زوجي في بيت اهلي الساعه 2 بالليل
المشكله هي ان ابني اللي عنده 4 سنوات طلب يشرب كانز بيبسي وكانت الزجاجه مثلجه جدا فقلت افتحها وارجها شويه ممكن تسخن وكمان الصوده تكون خفيفه عليه شويه
فجوزي قاللي اديلو الزجاجه منغير ما ترجيها
قلتله هي كده هتكون شديده عليه قوي رد عليه باءنفعال شديد اسمعي اللي بقوللك عليه والكلام ده كان قدام اخويا وابن عمتي المهم القعده خلصت والناس مشيت واحنا دخلنا الاوضه بتاعتنا لقيت جوزي زعلان وبوزه شبرين بقله انت زعلان ليه قاللي ما انتي مش عاملالي قيمه ولمابقولك علي حاجه ما بتسمعيش كلامي وقعد يتخانق معايا وحلف انه هيلبس هدومه وهيمشي
قلتله طيب استني للصبح قال لا همشي دلوقتي مسكته من كتافه وقلتله طيب اقعد علشان خاطري ومعلش حقك عليا احنا في بيت اهلي ومش عاوزه صوتنا يعلي وحد يحس بينا قاللي ابعدي عني وشيلي ايدك من علي كتفي والله انا ممكن اضربك في بيت اهلك
عليت صوتي عليه وقلتله والله لاتقدر تضربني في بيت اهلي ولا في بيتي
راح زاققني وموقعني علي الارض وقاللي انا هندهلك امك تشوف حل معاكي وفتح باب الاوضه وراح ينده لماما
بابا رد عليه وقاله ان ماما نايمه
قاله طيب تعالي شوف بنتك
بابا جاللي لقاني واقعه علي الارض ومنهاره في البكاء
وبسرعه جري عليا وحاول يقومني من الارض وجوزي واقف وراه يقولي بطللي تمثيل
بابا قاله حرام عليك ايه اللي انت عملته في بنتي ده قاله انا ماشي دلوقتي لما تكون عاوزه ترجع بيتها يبقي اخوها يجي يرجعها
بابا قاله انت هتيجي ترجعها ورجلك فوق رقبتك
ايه رايكم مين اللي غلطان وهل جوزي بيتلككلي ولا ايه انا مش فاهمه وعاوزه خبرتكم
اااه نسيت اقوللكم ان الحمد لله اهلي مستواهم المادي والاجتماعي اعلي منهم بكتتتتتتتتتتيييييييير وانا بدات الاحظ ان هو بيكون متغيير معايا جدا واحنا عندهم وهو من ساعت ما خرج من البيت ما اتصلش بيا لا هو ولا اهله مع العلم اني متزوجه بقاللي خمس سنوات ومعايا طفلين وهو بقاله 10 ايام اعمل ايه اهلي بيقولولي هو لا زم يتادب لان دي اهانه ليهم ان هو يتخانق معايا ويتلككلي في بيتهم وكمان يندهلهم وانا واقعه علي الارض
وانا زعلانه جدا وحاسه ان هو بقه بنادم تاني غير اللي انا اعرفه كانه حيوان
بقيت بكرهه اعمل ايه اتصرف ازاي
بالله عليكم عاوزه اراكم ضروري حالتي النفسيه سيئه جدا ولسه والده من شهرين
ارجوكم ادعولي اللهم اصلح بيني وبين زوجي انا بيتي بيتخرب بسبب زجاجه بيبسي يارب صبرني والهمني الصواب وفك كربي

 

[Mariam MOo]

انتى المفروض تراعى مشاعر جوزك من ناحية الفروق المادية وزساراتك لاهلك ياما تكونى لوحدك او يكون معاكى بس مطولوش هناك عشان مشاعره.......بس المهم دلوقتى انو غلطان وباباكى معاه حق وسيبيه يتربى ....ومتنزليش من كرامتك وترحيله ...... سيبى والدك يتعامل معاه .....بس متوصليش الموضوع للطلاق عشان انتى دلوقتى معاكى اطفال منو ......وادعى ربنا ييسرك الامور ويهديلك جوزك يارب........وعلى فكرة هى فعلا اهانة انو يضربك .....حاولى اول مواجهة ما بنكوا ....تكون بينك وبينوا لوحدكوا اتنقشوا فيها بكل هدووء.....واوصلوا لحل للمشكلة دى......اسئلية اى الى حصل لدا كلوا .....ليه المواضيع وصلت للحد دا. اتنقشى بهدوء وحكمة عشان توصلى لحل .....بلاش عصبية وزعيق ....بس دا لما هو الى يبدأ ويجى لغايه عندك عشان هو كمان عايز يحل المشكلة مش انتى بس الى بتحاول تحلى وهو بيعقد الدنيا.....لازم تكونوا انتوا الاتنين عايزين تصلحوا الامور....ولو المده طالت....خلى والدك يجيب وسيط بين العيلتين ويكون شخص كبير ولو احترامه وحكيم ....يحل المشكلة مابنكوا .....وربنا ييسرلك الامور يا قلبى ❤