هاطلق علشان فراخ كوكى

[المحتارة]

شوفتوا الخيبه اللى انا فيها هاطلق علشان قولت لجوزى هناكل النهارده فراخ كوكى ومكرونه وبطاطس محمره .. احب الاول اعرفكم انى زوجه من 10 سنين ومعايا بنتين 9 و7 وولد عنده 4 شهور جوزى ده من اول جوازى وانا واقفه جانبه بعت دهبى وخد فلوسى ونقوطى ونقوط عيالى التلاته وعمره ماقالى شكرا ابويا من وقت قريب لما لاقانى مش معايا لا دهب ولا فلوس ادلى عشر الاف جنيه اول ماجوزى شافهم لاقيته بيعاملنى معامله ماشوفتهاش فى حياتى وطبعا اخدهم وكل حاجه معايا خدها لدرجه انى مش معايا غير الدبله بس .. ابنى عنده 4 شهور طبعا اللى معاها طفل فى العمر ده هاتعرف قد ايه بتبقى محتاسه بيه وكل شويه تسيب اللى فى ايديها علشان يرضعله بوقين ومابتعرفش تتحرك من قدامه علشان هايعيط واخواته يمسكوه شويه وبعدين خلاص تعبنا ياماما .. المهم انا من اول رمضان وانا بعمل اكل زى الفل لحد امبارح قولت اريح بقى مش قادره قولت لبنتى. الكبيره هاتيلى فراخ كوكى ومكرونه وبيبسى جابتهم وكانوا فرحانين جدا هى واختها من باب التغيير يعنى . اول ماجوزى صحى من النوم قالى انتى قاعده لحد دلوقت ليه من غير ماتعملى الاكل الساعه كانت 5 قولتله احنا هناكل فراخ كوكى ومكرونه وبطاطس لاقيته بيزعق على اخره انتى بتستهبلى قومى دلوقتى حالا اعملى اكل ومتخلنيش اتعصب عليكى قولتله دى الساعه 5 مش هالحق اطلع لحمه او فراخ من الفريزر وتسيح واعمل اكل لاقيته بيزعق على اخره تانى و بيقولى طيب ماتعمليش حسابى انا هاكل بره دى بقت عيشه.تقرف ومشى وهبد الباب وراه والعيال زعلت جدا كان نفسهم فيها انا من الصدمه دخلت نمت ومعملتش حاجه . الاقيه بيتصل بيه ساعه الفطار وبيقولى خلصتى الاكل انا تنحت قولتله اكل ايه انت مش قولت هتاكل بره قالى نعم يعنى ماعملتيش حاجه قولتله لاء قالى طيب ماشى .. وساعه السحور اتصلت بيه قولتله احضر السحور قالى لاء ماتشغليش بالك بيا . ولما جه لاقيته رمالى الفلوس اللى بابا ادهالى العشر الاف جنيه وقالى انا عامل جمعيه علشان اجبلك باقى حاجتك قولتله حاجه ايه قالى دهبك .. قولتله انا اول مره اعرف انك غدار كده قالى ولسه هاتشوفى الغدر على اصوله بس اصبرى عليه .. مش قادره اصدق ان كل ده حصل علشان كان نفسى اريح فى يوم واعمل اى اكل اومال لو كنت قولتله هاتلى اكل من بره النهارده كان عمل ايه .. ادعولى بالله عليكم لانه شكله هايطلقنى فعلا

 

[Mariam MOo]

ربنا يقدرلك الى فيه الخير ....مين عارف يمكن لو اتطلقتى يبقى دا الاحسن ليكى.....خليكى واثقة فى اختيار ربنا ليكى .....انتى حاولى تتكلمى معاه براحة وبهدوء فى اوضة النوم كدا بعيد عن العيال....وتعرفى فين المشكلة بالظبط يعنى اى الى حصل لكل دا يعنى ......فهمه وجهه نظرك بهدوء وانك كنتى تعبانه .......وان هو يرحمك شوية وسحط نفسه مكانك....وخليكى باردة يعنى مش عشان قالك هياكل برا تقومى تزعلى ...لا عاادى....،وهاتى الكوكى والبكاطس وكلى وافرحى وانتى وعيالك .....متخليش عيالك يحسوا بالمشاكل ....وعرفيه ان عيالك مينفعش يحسوا بالمشاكل دى عشان ميأثرش على نفسيتهم......وربنا يهدى الحال يا رب .....ادعى ربنا وتوكلى عليه وارضى باى حاجه هو كتبهالك.......وحاولى تتكلمى مع جوزك وتفهميه وجهه نظرك وانك كنتى تعبانه وكدا وتقوليله انو لو حصل حاجه يتناقش مع بهدوء واحترام......وربنا ييسرلك الى فيه خير ليكى❤

 

[نسرينا]

شوفتوا الخيبه اللى انا فيها هاطلق علشان قولت لجوزى هناكل النهارده فراخ كوكى ومكرونه وبطاطس محمره .. احب الاول اعرفكم انى زوجه من 10 سنين ومعايا بنتين 9 و7 وولد عنده 4 شهور جوزى ده من اول جوازى وانا واقفه جانبه بعت دهبى وخد فلوسى ونقوطى ونقوط عيالى التلاته وعمره ماقالى شكرا ابويا من وقت قريب لما لاقانى مش معايا لا دهب ولا فلوس ادلى عشر الاف جنيه اول ماجوزى شافهم لاقيته بيعاملنى معامله ماشوفتهاش فى حياتى وطبعا اخدهم وكل حاجه معايا خدها لدرجه انى مش معايا غير الدبله بس .. ابنى عنده 4 شهور طبعا اللى معاها طفل فى العمر ده هاتعرف قد ايه بتبقى محتاسه بيه وكل شويه تسيب اللى فى ايديها علشان يرضعله بوقين ومابتعرفش تتحرك من قدامه علشان هايعيط واخواته يمسكوه شويه وبعدين خلاص تعبنا ياماما .. المهم انا من اول رمضان وانا بعمل اكل زى الفل لحد امبارح قولت اريح بقى مش قادره قولت لبنتى. الكبيره هاتيلى فراخ كوكى ومكرونه وبيبسى جابتهم وكانوا فرحانين جدا هى واختها من باب التغيير يعنى . اول ماجوزى صحى من النوم قالى انتى قاعده لحد دلوقت ليه من غير ماتعملى الاكل الساعه كانت 5 قولتله احنا هناكل فراخ كوكى ومكرونه وبطاطس لاقيته بيزعق على اخره انتى بتستهبلى قومى دلوقتى حالا اعملى اكل ومتخلنيش اتعصب عليكى قولتله دى الساعه 5 مش هالحق اطلع لحمه او فراخ من الفريزر وتسيح واعمل اكل لاقيته بيزعق على اخره تانى و بيقولى طيب ماتعمليش حسابى انا هاكل بره دى بقت عيشه.تقرف ومشى وهبد الباب وراه والعيال زعلت جدا كان نفسهم فيها انا من الصدمه دخلت نمت ومعملتش حاجه . الاقيه بيتصل بيه ساعه الفطار وبيقولى خلصتى الاكل انا تنحت قولتله اكل ايه انت مش قولت هتاكل بره قالى نعم يعنى ماعملتيش حاجه قولتله لاء قالى طيب ماشى .. وساعه السحور اتصلت بيه قولتله احضر السحور قالى لاء ماتشغليش بالك بيا . ولما جه لاقيته رمالى الفلوس اللى بابا ادهالى العشر الاف جنيه وقالى انا عامل جمعيه علشان اجبلك باقى حاجتك قولتله حاجه ايه قالى دهبك .. قولتله انا اول مره اعرف انك غدار كده قالى ولسه هاتشوفى الغدر على اصوله بس اصبرى عليه .. مش قادره اصدق ان كل ده حصل علشان كان نفسى اريح فى يوم واعمل اى اكل اومال لو كنت قولتله هاتلى اكل من بره النهارده كان عمل ايه .. ادعولى بالله عليكم لانه شكله هايطلقنى فعلا

السلام عليكم ياحبيبتي اتكلمي معاه بهدوء وشوفي يمكن عندو مشاكل او ظغوطات وعشان كده عصب وربنا يهديه

 

[جوري]

ده مجنون يابنتي، بتعرفيه أن بباكي اداكي فلوس ليه!

 

[bfifa]

جوزك دة اكيد مدمن حاجة .. العصبية والتصرفات الفجائية الهبلة دى ماتطلعش غير من شخص نقص عنده المادة المخدرة فى جسمه وطبعا المناظر دى بتبان فى الصيام .. ولا تسألى فيه دة سورى راجل ماعندوش دم ..طفس.. همه على بطنه ..مش مقدر اللى انتى فيه دة بدل مايشيل عنك شوية حتى لو طلقك انتى الكسبانة .. كفاية شكله وخيبته لما الناس تعرف سبب الطلاق .. خليكى قوية .. دة راجل عرة

 

[ام مكه]

هوه اصلا الفراخ الكوكي والبطاطس والمكرونه مش طبيخ مهو طبيخ بردوا وكفايه العيل اللي ع دراعك ده ربنا معاكي معلش طولي بالك واتكلمي معاه وربنا يهديلك الأمور

 

[Amals]

يعنى كل مشكلة حياته انك فى اليوم دة معملتيش اكل ؟؟؟ لو كدة يبقى دة بيتلكك و مستنى اى هفوة علشان يعمل اللى عمله

 

[Shaymaa mamdohe]

خدى فلوسك طبعا واما يرجعلك دهبك خدية ووديه عند اهلك ده غدار وميتامنش ليه خااالص
وبيتلكك على حاجات تافهة

 

[عابدة]

السلام عليكم و رحمة الله تعالى و بركاته
هوي انتي و عيلت جوزك علاقتكم مليحة..يعني ممكن الهن ايد بالموضوع..طبعا ما قولتش دا عشان تظلميهم فان بعض الظن اثم..بس ذكرتهم يعني من باب انك عايشتيهم و انتي ليتعرفيهم...
ثانيا...زوجك بلكي بدو يزوج كمان و بدو بس سبب..
ثالثا..تصرفات زوجك من قبل طبيعية؟- اقصد العصبية و النرفزة عاشياء تافهة؟...و باخر مدة ملحظتيش عليه تغير فالسلوك..يعني ممكن يكون عندو مشكلة و مخبركش ..ممكن يكون متعاطي مخدرات لا سمح الله...لو عيونو تحمر من وقت لوقت ممكن يكون متعاطي باحتمال كبير.
رابعا..من كلامك مبين انو شخصيتو انانية و مفيهش ذرة اخلاص او وفاء..دا مصلحجي مية بالمية...بس النقطة دي انو رجعلك الفلوس لي خدتيهم من باباك دي بقية براسي..يعني عالرغم من كلشي و انو كان ممكن يطنش و ميرجع المصاري الا انو رجعهن...
لهيك من الافصل انك تقعدي انتي و ياه لما تلاقيه هادي لحالكم بعيد عن العيال..و تسأليه عن المشكلة و تشرحيلو بهدوء و بدون عصبية خااالص انو معملتيش حاجة غلط و انو عندكو رضيع الو كم شهر بس الله يحميه...و حتى لو صرخ و كسر الدنيا ةووعك تزعقي او تبدي انفعال..خليييكي بهدوووء تناقشيه..فيكي تناقشيه اكثر من مرة ..يعني لما تلاقيه وصل لدرجة الانفجار و خلاص مفيش امل تتكلمي معاه سكري عالموضوع و قوليلو و انتي قايمة الله يجيب يلي فيه الخير ..و مشي و خليه..و دايما هيك كل ما عمل حركات منرفزة قوليلو الله يجيب يلي فيه الخير بكل هدوء.
و اكيد في شي كبير ورا القصة دي لانو مستحيل عشر سنين زيجة يضيعها هيك..فيمين لاعب براسو و شاحنو ضدك..و ممكن في زواج عليك..

لهيك توكلي على الله و قربي من ربنا و خلي الاستغفار على لسانك دايما..و انتي تشتغلي بالبيت او تدرسي العيال او تلعبي معاهم و انتي جالسة..يعني كل ماستغفرتي كل ما ربنا رح يفرجها عليك..في ناس تستغفر اكثر من ١٠٠٠ مرة..ايوة الللف..و الله عمل الاستغفار عجيييب..و في مين يزيد الصلاة على النبي عليه السلام..و الأعجب سورة البقرة..فيكي تقرئيها ع٣ ايام و بعدين شوي شوي تتعودي عليها ؤومي باذن الله تعالى..و خلي النية انو الله يصلح جوزك و يحفظكم و عيالكم من كل اذى...
{فقلت استغفروا ربّكم إنه كان غفّارا يرسل السّماء عليكم مدرارا و يمددكم بأموال و بنين و يجعل لكم جنّات و يجعل لكم أنهارا}

و دايما ادعي الله انو يختارلك و ميخيركش..و عسى ان تكرهو شيئا و هو خير لكم...
و السلام عليكم.
https://forums.fatakat.net/threads/1205/