شوفي الموضوع ده له اسباب كتير وياتري انتي معاكي اولاد ؟ يعني سبق لك الخلفه ؟ وهل انتي موظفه ولا ست بيت؟ وياتري الموضوع ده حصل معاكي قيل كدا ؟ ولو حصل كان في الشتا ام في الصيف ؟ عموما فيه فرق بين الالتهابات وبين الحكه أو الهرش . وده بيكون له سبب ودا له سبب لو كان هرش في الشتا بيكون بسيط جدا لانه حساسيه وممكن مع الماء الدافي وليس الساخن لكن لو كان في الصيف بيبقي سببه نوع من البكتريا اسمه ( كانديدا) وسببه بيكون عدم تغيير البانتي كلما كان فيه عرق وخصوصا لو كانت ست موظفه وبتقضي فترات طويله في شغلها وبتمشي كتير وعند الرجوع للبيت بيكون الاهتمام بالبيت وتجهيز الاكل وهكذا هو الاهم ولا يوجد وقت للتشطيف وتغيير البانتي فتزداد نمو البكتريا ودي علاجها بسيط بالنظافه الشخصيه مع علاج ويوصفه الطبيب . لكن التهابات وحرقان هنا بقا الموضوع مهم جدااااا .. لان هل الالتهابات دي من المهبل يعني خارجيه ام هي التهابات داخليه ؟ لانها ممكن تكون داخليه من المهبل والرحم وعنق الرحم والقنوات والمبايض وهنا يجب الاهتمام جيدا خصوصا لو لم يسبق لك الخلفه لان الامر مع تكراره ممكن يكون خطر مستقبلأ علي الانجاب .. ام التهابات لاسباب تتعلق بالمسالك البوليه كوجود حصي مثلا ممكن يكون حصوه بالحوض ومستقره بالمجري او بالحالب وتشعري بكل الاعراض علي انها التهابات بالمهبل . هناك سؤال ايضا مهم هل الزوج بيستخدم اي كريمات او مراهم لتاخير القذف والمصيبه ان القنوات و المواقع دلوقت اصبح اشكال والوان اعلانات ليل ونهار عن كريمات ومراهم وللاسف فيه ستات كتير بتعاني وبتكون ضحيه وهما مش عارفين خصوصا لو كانت كريمات تجاريه او مش كريم اصلا ولا يمت للكريم بصله بل هي حاجات مجهوله المصدر .. عموما يجب عرض نفسك علي طبيب لان انا قلتلك الموضوع الطويل دا علشان تهتمي وما تهمليش وبلاش وصفات هو فقط الطبيب اللي بيحدد
