طريقة عمل الهمبرجر بفول الصويا

fatakat

مديرة الموقع
طاقم الإدارة
سلام عليكم ورحمة الله..


من الاكلات المحببة للكبار والصغار طول السنة..ماشاء الله شعبيته كبيرة..بجوار بطاطس محمرة ..مكرونة..في كيزر عليه قطع جبنة ..خس..طماطم..ايه ده كل الحاجات ده منسجمة معاه ..الله عليه..ورغم كل ده طريقته سهلة وغير معقده ..يا حلاوته..
المقادير..1ك لحم مفروم..2بصلة مبشورة ومعصورة من ميتها ..كوب فول صويا..ملعقة توابل برجر..ملعقة فلفل اسود..ملعقة صغيرة جوزة الطيب..ملح حسب الرغبة..
ملعقة ببريكا حسب الرغبة..ملعقة مستردة(خردل ) حسب الرغبة..( تنقع كوب الفول الصويا في كوب ميه لمدة دقائق. .ثم تعصر باليد كويس من المية )
الطريقة..نحضر بولة كبيرة ونخلط فيها كل المقادير كويس ..ثم نضعها في الكبة وتطحن ناعم..ثم نحضر صينية ونضع جزء من الخلطة .نبطط عليها باليد لسمك مناسب..ثم تشكل بالقطاعة اشكال دائرية كبيرة وصغيرة..او كما يحب الاولاد..ثم ترص في الصينية او صاج الفرن وندخلها الفرن علي نار متوسطة حتي النضج..
ملحوظة..اللحم تكون مجمدة شوية علشان ما تسحش عند الفرم ناعم ..وكمان لما تتشكل..
الحاجة التانية.ممكن تحمري البرجر في سمن او زيت قليل جدا بدل تسويته في الفرن..حسب الرغبة ..جربي الطريقتين..واختاري المناسب للاولاد..
ثالثا..ممكن تغريزه..يرص في صينية غير معدنية ثم يغطي بورق زبدة ..او بلاستيك..وتاخذي منه عند الطلب.



















وده الشكل النهائي ..تحفة بجد طعم ومكونات مضمونة
صحة..وهناااااااا..

همبرجر بفول الصويا.
 

يمكنك أيضا مشاهدة