مرمورة مرمر
فتوكة جديدة
مساء الخير
دى مشكلة صعبة ومش عارفة أعمل إيه ، أختى متزوجة وموظفة فى جهة حكومية عرفت بطريقة معينة إن فى كلام كتير بينها وبين زميلها المتزوج فى العمل وكمان فى شات كتابى كتير بينهم فى فايبر وبيقولها بحبك وبعشقك وحاجات كتير كده وهى فى الاول كانت تقوله عيب مينفعش وانت زى اخويا ولازم يكون فى بينا حدود ولكن فى نفس الوقت مفيش قرار حازم منها بانها متكلموش تانى وبعده كده بقى يقولها كلام حب كتير وهى تقول شكرا او ميرسى ولاحظت انه ممكن فى يوم ميبعتش رسايل تروح هى بعتاله مالك فى حاجة معاك انا زعلتك فى حاجة او ازيك عامل ايه وهو بقى يروح يقولها انتى جميلة النهاردة وهى ممكن تبعت صورة تدل انها مكسوفة بس هى صراحة مش بتبعتله اى كلام حب بس برضه مش صداه وموقفاه عند حده وبعد كده قالتله مش هينفع الكلام ده عيب قالها خلاص منتكلمش علشان متضايقيش تقوله انا مش مضايقة يقوم هو يتجرأ اكتر ويقول كلام حب وهى صراحة مش بترد بكلام حب بس ممكن تضحك او تبعت وجه يعنى مكسوفة ولكن مش موقفاه عند حده خالص لدرجة انه مسك ايدها اكتر من مرة ولما قالها ايدك جميلة ضحكت وبعد كده هى قالتله علشان خاطرى بلاش وكنت فكراها هتبهدله او تمسح بيه الارض بس مش عارفه هى موقفها كده ليه مايع كده انا مش فهماها هل هى بتحبه ولا بتتسلى ولا فعلا مش عايزاه يقرب منها ولكن هى خايفة من رد فعله وكمان مرة اضايق منها قالها هنبعد عن بعض قالتله ماشى تانى يوم بعتتله رسايل عادى ... انا واجهتها قالتلى انها مش عايزة تزعله وبتعتبره زى اخوها مش اكتر وحاولت اقولها تبعد عنه بس هى بتقول هو مجرد زميل او اخ ليس اكتر ولكن بحس انها مش عايزة تبعد عنه وفى نفس الوقت تقول مش بحبه وبحب جوزى انا بجد مش فاهماها وخايفة جوزها او بابا او اخواتى الولاد يعرفوا تبقى مصيبة ... ارجوكم فسرولى ايه ده هل هى فعلا بتعتبره اخوها ومش عايزه تزعله وبتقول عليه جدع فى مواقف ولا هى بتحبه ولا ايه انا الدنيا بتلف بيا مش فاهمة حاجة ساعدونى ارجوكم
دى مشكلة صعبة ومش عارفة أعمل إيه ، أختى متزوجة وموظفة فى جهة حكومية عرفت بطريقة معينة إن فى كلام كتير بينها وبين زميلها المتزوج فى العمل وكمان فى شات كتابى كتير بينهم فى فايبر وبيقولها بحبك وبعشقك وحاجات كتير كده وهى فى الاول كانت تقوله عيب مينفعش وانت زى اخويا ولازم يكون فى بينا حدود ولكن فى نفس الوقت مفيش قرار حازم منها بانها متكلموش تانى وبعده كده بقى يقولها كلام حب كتير وهى تقول شكرا او ميرسى ولاحظت انه ممكن فى يوم ميبعتش رسايل تروح هى بعتاله مالك فى حاجة معاك انا زعلتك فى حاجة او ازيك عامل ايه وهو بقى يروح يقولها انتى جميلة النهاردة وهى ممكن تبعت صورة تدل انها مكسوفة بس هى صراحة مش بتبعتله اى كلام حب بس برضه مش صداه وموقفاه عند حده وبعد كده قالتله مش هينفع الكلام ده عيب قالها خلاص منتكلمش علشان متضايقيش تقوله انا مش مضايقة يقوم هو يتجرأ اكتر ويقول كلام حب وهى صراحة مش بترد بكلام حب بس ممكن تضحك او تبعت وجه يعنى مكسوفة ولكن مش موقفاه عند حده خالص لدرجة انه مسك ايدها اكتر من مرة ولما قالها ايدك جميلة ضحكت وبعد كده هى قالتله علشان خاطرى بلاش وكنت فكراها هتبهدله او تمسح بيه الارض بس مش عارفه هى موقفها كده ليه مايع كده انا مش فهماها هل هى بتحبه ولا بتتسلى ولا فعلا مش عايزاه يقرب منها ولكن هى خايفة من رد فعله وكمان مرة اضايق منها قالها هنبعد عن بعض قالتله ماشى تانى يوم بعتتله رسايل عادى ... انا واجهتها قالتلى انها مش عايزة تزعله وبتعتبره زى اخوها مش اكتر وحاولت اقولها تبعد عنه بس هى بتقول هو مجرد زميل او اخ ليس اكتر ولكن بحس انها مش عايزة تبعد عنه وفى نفس الوقت تقول مش بحبه وبحب جوزى انا بجد مش فاهماها وخايفة جوزها او بابا او اخواتى الولاد يعرفوا تبقى مصيبة ... ارجوكم فسرولى ايه ده هل هى فعلا بتعتبره اخوها ومش عايزه تزعله وبتقول عليه جدع فى مواقف ولا هى بتحبه ولا ايه انا الدنيا بتلف بيا مش فاهمة حاجة ساعدونى ارجوكم
