متقدملي عريس مراته الاولى جميله جدا

[المحتارة]

السلام عليكم يا بنات
انا متقدملي عريس مطلق و عرفت ان مراته دي ملكه جمال و انا عاديه او اقل كمان و هوه جه شافني و موافق بس انا خايفه يكرهني بعد الجواز و ميتجاوبش معايا
بالله عليكم اعمل ايه قلقانه جدا
بالله عليكي يا مشرفه نزلي موضوعي بسرعه عايز الرد بكره ارجوكي ادعولي حالتي صعبه اوي

 

[Mariam MOo]

يا حبيبتى خليكى واثقة فى نفسك.....وبعدين لو هو شخص كويس....صلى استخارة ولو مرتاحة اقبليه....ملكيش دعوة بمراته الاولنيه هو شافك ووافق عليكى.....وبعدين ملكة الجمال دى هو طلقها يعنى لو كان راضى عنها مكانش طلقها ......واكيد دا محتاج حاجة مكنتش موجودة عند مراته الاولانية ولقاها فيكى ....ممكن احترامك ادبك اخلاقك تربيتك.....وانتى اهتمى بنفسك وحطى ماسكات واهتمى بشعرك وبجسمك ....مش عشانه لا عشان نفسك .......وبعدين يعنى اتخطبيلوا وشوفى لو حصل توافق مابينك وبينوا اتجوزيه ...لا محصلش يبقى كل حى يروح لحاله.....الموضوع مش مستاهل كل القلق الى انتى فيه دا...وبعدين الرسول عليه الصلاة والسلام قال(تنكح المرأة لاربع لجمالها وحسبها ومالها ودينها فأظفر بذات الدين)يعنى بينظح الرجالة انهم يفوزوا بالى عندها دين ومتدينه.....وبعدين مفيش بنت مش حلوة...حطى شوسة ميكب خفيف وافردى شعرك والبسى فستان وبصى لنفسك فى المراية وشوفى نفسك حلوة ولا لا.....ربنا يهدى الحال ويريح نفسيتك ويكتبلك الى فيه الخير .....وفى اى وقت احتجتى تتكلمى معايا اعتبرينى اختك ممكن حتى تكلمينى خاص ....وانا اول ما افتح هرد عليكى على طول❤

 

[ام عمار]

خليكي واثقة في نفسك
هي ملكة جمال بس طلقها
ووافق عليكي انتي يبقي ثقي من نفسك ولو خير ربنا يجعله زوج صالح ليكي

 

[Sara 2000]

متقارنيش نفسك بحد تاني وخلي عندك ثقه بنفسك

 

[لوليا بيرل]

الا المقارنه حتي لو طليقته جميلة
يعني ايه جميله ؟
اعرف واحد متجوز واحده عينها خضرا و بيضا و شعرها ماشاء الله قبل ركبتها
بس تعاشريها يا الله
طمع ايه ؟ واستغلال ايه وبخل ايه هي واهلها الستات عبارة عن رجالة
بيردو وبيبجحو وبيقلو ادبهم جمالها ده مافيهوش ريحة الانوثه
والله ما بلشكل يابنتي
شكلها لوحده بتصرفتها بتخلي الواحد فكرة مايحبهاش

ربنا يسعد ايامك

 

[الله كريم]

صلي استخارة