شكلة يمكن تحسوا انها بسيطة بس هى وجعتنى اوى انا و ابوه
امبارح كنا فى سبوع ابن اخو جوزى و ابنى عنده 4 سنين قعد يزن علشان عاوز بلونة متعلقة
اخو جوزى التانى مش صاحب السبوع قال لابنى انا مش عايز زن و عياط عايز تعيط عيط فى بيتكم الولد فضل يعيط انا ساعتها كنت مع سلفتى بساعدها فى المطبخ لقيت الولد بيصرخ جريت عليه لقيت صوابع اخو جوزى الخمسة معلمين على وشه و هو عمال يعيط و ماسك ودانه
انا مقدرتش اتكلم لان اخو جوزى ده خاطب و خطيبته كانت قاعدة المهم اخوه التانى اللى كنا فى بيته مسكه و بهدله و قاله ازاى تضرب الولد كده و مش من حقك هم فى بيتى
جوزى مكنش موجود اخدت ابنى و اخواته و نزلت قابلت جوزى فى الشارع حكيتله على الموضوع و قلت له انا هريح اعصابى عند ماما النهاردة و اروح بكره
اول ما رحت لماما الولد كل شوية يصرخ من ودانه و يقول فيه حاجة جوه ودانى مسكتش غير لما اديته معلقة بروفين
النهاردة الحمد لله كويس
المهم جوزى امبارك عربيته كانت عطلانة كلم اخوه اللى ضرب ابنى و بهدله و قاله الولد ودانه تعبانة قال له انا ضربته على وشه انا مقربتش من ودانه قال له طب عدى عليهم خدهم المستشفى حد يكشف عليه قال له مش فاضى انا مع خطيبتى دلوقتى
المهم بيقول لجوزى ابنك بعد ما ضربته جاى يقولى انا مكش بحبك و هضربك قال له ده رد فعل طبيعى قال له لا لازم يتربى اكتر من كده قال له يعنى انا ولادى مش متربيين قال له ايوة فزعل قال له ما انا قلت لاخوك ان بنته مش متلربية و مزعلش جوزى قال له الظاهر ان انت اللى عندك مشكلة و عايز تربى ولادنا
انا حلفت انه مش هيشوف عيالى تانى و انى مش هحضر فرحه و لا انا و لا العيال جوزى يعمل الواجب مع اخوه و خلاص
ماما بقى مصممة ترد له القلم فى اول مواجهة ليه
ايه رايكم مع العلم ان مفيش مرة ولادى او ولاد سلفتى او ولاد اخوات جوزى البنات يكونوا مع البنى آدم ده غير لما يعيطوا من معاملته ليهم لكن موصلتش للضرب اول مره امبارح
انتوا لو منى تاخدوا حق ابنكم ازاى
امبارح كنا فى سبوع ابن اخو جوزى و ابنى عنده 4 سنين قعد يزن علشان عاوز بلونة متعلقة
اخو جوزى التانى مش صاحب السبوع قال لابنى انا مش عايز زن و عياط عايز تعيط عيط فى بيتكم الولد فضل يعيط انا ساعتها كنت مع سلفتى بساعدها فى المطبخ لقيت الولد بيصرخ جريت عليه لقيت صوابع اخو جوزى الخمسة معلمين على وشه و هو عمال يعيط و ماسك ودانه
انا مقدرتش اتكلم لان اخو جوزى ده خاطب و خطيبته كانت قاعدة المهم اخوه التانى اللى كنا فى بيته مسكه و بهدله و قاله ازاى تضرب الولد كده و مش من حقك هم فى بيتى
جوزى مكنش موجود اخدت ابنى و اخواته و نزلت قابلت جوزى فى الشارع حكيتله على الموضوع و قلت له انا هريح اعصابى عند ماما النهاردة و اروح بكره
اول ما رحت لماما الولد كل شوية يصرخ من ودانه و يقول فيه حاجة جوه ودانى مسكتش غير لما اديته معلقة بروفين
النهاردة الحمد لله كويس
المهم جوزى امبارك عربيته كانت عطلانة كلم اخوه اللى ضرب ابنى و بهدله و قاله الولد ودانه تعبانة قال له انا ضربته على وشه انا مقربتش من ودانه قال له طب عدى عليهم خدهم المستشفى حد يكشف عليه قال له مش فاضى انا مع خطيبتى دلوقتى
المهم بيقول لجوزى ابنك بعد ما ضربته جاى يقولى انا مكش بحبك و هضربك قال له ده رد فعل طبيعى قال له لا لازم يتربى اكتر من كده قال له يعنى انا ولادى مش متربيين قال له ايوة فزعل قال له ما انا قلت لاخوك ان بنته مش متلربية و مزعلش جوزى قال له الظاهر ان انت اللى عندك مشكلة و عايز تربى ولادنا
انا حلفت انه مش هيشوف عيالى تانى و انى مش هحضر فرحه و لا انا و لا العيال جوزى يعمل الواجب مع اخوه و خلاص
ماما بقى مصممة ترد له القلم فى اول مواجهة ليه
ايه رايكم مع العلم ان مفيش مرة ولادى او ولاد سلفتى او ولاد اخوات جوزى البنات يكونوا مع البنى آدم ده غير لما يعيطوا من معاملته ليهم لكن موصلتش للضرب اول مره امبارح
انتوا لو منى تاخدوا حق ابنكم ازاى
